22
Bai, lamu kasa gaw Karai Kasang hte Sagu Kasha a tingnyang kaw na pru nna, dai mare a nmaw lam ka-ang hku lwi hkrat wa ai pat zawn htoi san ai asak hkrung ai hka a hka nu hpe ngai e madun nngai. Ref 22:1: Eze 47:1. Dai hka nu a hkin-gau maga mi hte maga mi hta asi amyu shi lahkawng si ai asak jahkrung ai hpun tu nga ai rai nna, shata mi hta kalang mi, laning mi hta shi lahkawng lang si nga ai. Dai hpun a lap ni gaw, masha amyu ni a ana ahkya ni hpe shamai shatsai ya na matu rai nga ai.Ref 22:2: Shr 2:7; 21:24; Nin 2:9; Eze 47:12. Karai Kasang a dagam dala hkrum ai ngu ai hpa mung htawm hpang de dai mare hta nga sana n rai.
Karai Kasang hte Sagu Kasha a tingnyang gaw, dai mare kata hta nga nga na ra ai rai nna, shi a shangun ma ni shi hpe nawku daw jau na mara ai.Ref 22:3: Eze 48:35. Shanhte gaw, shi myi man hpe ayu mada nga lu na mara ai rai nna, shanhte a lahtan ni hta shi a mying nsang ka kap da na ra ai.Ref 22:4: Shr 3:12; 14:1; Mat 5:8; 1Ko 13:12; 1Yh 3:2. Dai mare hta shana mung n nga na ra ai; pyengdin a nhtoi mung, jan a nhtoi mung, shanhte n ra ma ai: hpa majaw nga yang, dai Madu Karai Kasang gaw shanhte hpe nhtoi jaw na mu ai; dai hta n ga, shanhte gaw, hkawhkam tai nna htani htana prat dingsa up nga lu na mara ai.Ref 22:5: Shr 21:23; Dan 7:27; 2Tm 2:12.
Dai hpang lamu kasa gaw, ?Ndai ga ni gaw teng man nna kam ging nga ai. Myihtoi ni hpe wenyi jaw ya ai Madu Karai Kasang gaw, ahkying ladaw gade n na yang byin lu na ra ai lam ni hpe, shi a shangun ma ni kaw madun dan na matu, shi a lamu kasa hpe shangun dat nu ai.?
Madu Yesu gaw, ?Madat u! Ngai alawan du na ring ngai! Ndai laika hta rawng ai myihtoi ga ni hpe madat mara hkan sa ai wa gaw a lu ai!,? nga nna ngai hpe tsun ai.
Ngai Yawhan gaw, ndai lam ni yawng hpe na lu ai hte mu lu ai wa rai nga nngai. Ndai hte hpe mu lu ai hte na lu ngut jang, ndai lam ni ngai hpe madun dan ai lamu kasa a lagaw nhpang e, shi hpe nawku na matu ngai dingnyawm dagup nngai. Rai ti mung shi gaw, ?Shing hkum rai et! Ngai gaw, na a mung, na a kahpu kanau myihtoi ni hte, ndai laika a mungga hpe madat mara hkan nang ai ni a mung, shangun ma manang shada she rai nngai. Karai Kasang hpe chyu sha nawku u!,? nga nna ngai hpe tsun ai. 10 Bai shi gaw, ?Ndai lam ni yawng byin wa na ahkying ladaw ni wa ra ai majaw, ndai laika hta rawng ai myihtoi ga ni hpe hkum makoi magap da et. 11 N ding n hpring ai wa gaw, n ding n hpring ai hku naw hkan galaw nga u ga; n san n seng ai wa gaw n san n seng ai hku naw rai nga u ga; ding hpring ai wa gaw ding hpring ai hku naw nga u ga; chyoi pra ai wa gaw naw chyoi pra nga u ga.?Ref 22:11: Eze 3:27; Dan 12:10; 2Tm 3:13.
12 ?Madat u! ngai alawan du na ring ngai! Langai hte langai hpe tinang galaw sai amu hte maren htang jaw na shabrai ni hpe ngai hte rau la sa na nngai.Ref 22:12: Shr 20:12; Esa 40:10; 62:11; Rom 2:6; 14:12. 13 Ngai gaw Alhpa hte Omega, npawt nhpang mung, hpang jahtum mung rai nga nngai.? Ref 22:13: Shr 1:8-11; 21:6; Esa 48:12.
14 Asak jahkrung ai hpun a asi sha lu na hte, mare chyinghka hku shang lu na ahkang lu la na matu, tinang a hpun palawng hkrut jasan kau ai ni gaw a lu ma ai.Ref 22:14: Shr 21:27; Dan 12:12; 1Yh 3:24. 15 Rai ti mung, masha zawn pyi n rai hkra n hkru n kaja ai ni, mandan lakle galaw ai ni, hpye ai amu galaw ai ni, masha sat ai ni, sumla nawku ai ni hte masu magaw lam sharawng awng let hkan galaw ai ni yawng hte gaw, mare shinggan e nga lu na mara ai nga nna ngai hpe tsun nngai.
16 ?Ngai Yesu gaw, Hpung kata hta nga nga ai nanhte hpe ndai lam ni tsun shana sakse hkam ya u ga, ngu nna nye a lamu kasa hpe ngai shangun dat nngai. Ngai gaw Dawi a lakung kaw na yu hkrat wa ai wa re. Htoi tu ai jahpawt manap na nhtoi gintawng rai nngai. Ref 22:16: Shr 1:1; 2:28; 5:5; 2Pe 1:19.
17 Dai Wenyi hte Num Ningnan gaw, ?Sa rit!,? nga ma ai.
Dai hpe na la ai wa kadai mung, ?Sa rit!,? nga lu na rai nga ai.
Hpang gara ai wa kadai mung sa ru ga; Asak ntsin hpe ra ai wa kadai mung, manu jahpu n hkrat ai kumhpa hku hkap la u ga.Ref 22:17: Shr 21:2,6-9; Esa 55:1; Yhn 7:37.
18 Ngai Yawhan gaw, ndai laika hta rawng ai myihtoi ga na lu ai ni yawng hte hpe laja lana sadi jaw dat nngai. Ndai ga ni hta lama ma kahtap jat ai wa kadai hpe mung, ndai laika hta rawng ai ari zinli ni hpe Karai Kasang gaw dai wa a ntsa e kahtap jaw na ra ai.Ref 22:18: Trj 4:2; 12:32. 19 Ndai laika hta rawng ai myihtoi ga ni hta na lama ma shaw kau ai wa kadai hpe mung, ndai hta ka da ai asak jahkrung ai hpun a asi sha lu na ahkang hte Chyoi Pra san seng ai Mare de shang sha lu na ahkang chyeju hpe, Karai Kasang shaw kau ya na ra ai.
20 Ndai lam hte hpe sakse hkam ya ai wa gaw, ?Kaja wa rai sai! Ngai alawan du na ring ngai!,? nga ai.
Amen. Madu Yesu e yu wa rit law!
21 Madu Yesu Hkristu a chyeju gaw, Karai Kasang a masha ni hte rau anga nga u ga law! Amen!