18
De a hpang e, lamu kasa langai mi sumsing lamu de nna yu wa ai, ngai mu nngai. Shi hta ahkang aya kaba nga nga ai rai nna, shi a hpung shingkang gaw lamu ga ting htoi tu ahkung shangun wu ai. Dai wa gaw nsen kaba hte, ?Galu Kaba ai Babelon mare kadawng mat sai! Kadawng mat sai! Dai shara kaw ya nat tsasam ni de nga ai shara, n san n seng ai wenyi shagu a shingwung shara hte n san n seng matsat shabat re ai u amyu myu a shingbyi shara tai mat sai.Ref 18:2: Shr 14:8; Esa 13:19-21; 14:23; Yer 50:39; 51:8. Hpa majaw nga yang, masha amyu baw shagu gaw, dai mare a hpye ai amu hta myit kayut baw bang ai ngu ai sabyi ntsin hpe lu masai. Ga ntsa na hkawhkam ni mung, shi hte rau hpye ai amu galaw ma ai, ga ntsa na hpaga la ni mung dai mare a ladu lai ai myit kayut sawse lawklek ai a majaw sut su wa masai,? nga nna ja ai nsen hte jahtau wu ai.
Dai hpang sumsing lamu de na nsen langai mi gaw,
?Nye a amyu masha ni e, pru sa wa marit! Shi kaw na pru wa marit!
Shi hte rau yubak mara n galaw myit ga,
shi hte rau dai ari n jawm hkrum myit ga!Ref 18:4: Esa 48:20; Yer 50:8; 51:6,45.
Hpa majaw nga yang, shi a yubak mara ni lamu dep hkra sumpum taw nga ai rai nna,
Karai Kasang gaw shi a n hkru n shawp ai lam ni hpe myit dum matsing da nu ai. Ref 18:5: Nin 18:20,21; Yer 51:9.
Shi nanhte hpe di ai hte maren shi hpe bai di htang mu;
shi galaw ai lam yawng mayawng hte maren, htam lahkawng bai htang mu;
nanhte a matu gawm hta shi kayau lajang ya ai luhpa hta
htam lahkawng ja ai hku jahpring ya mu.Ref 16:6: Shr 14:10; 16:19; Shk 137:8; Yer 51:24,49; 2Tm 4:14.
Tinang hkum hpe shagrau shareng nna ningngai lu sai shadawn shadang hte maren,
shi hpe dai yawn hkyen ai hte nni nkri lam htang jaw mu.
Hpa majaw nga yang, shi gaw, ?Ngai hkawhkam jan nang e hkaw dung nga nngai!
Ngai gaida jan n rai,
ngai galoi mung yawn hkyen ai n hkrum na nngai!,? nga nna tinang dai atsun nga ai.Ref 18:7: Esa 47:7-8; Eze 28:2.
Dai lam a majaw, ari zinli ni, yawn hkyen ai lam ana zinli hte hku hku ai lam ni gaw,
lani jan hta sha shi kaw du nna,
wan hte nat shakrawp kau ai shi hkrum na ra ai.
Hpa majaw nga yang, shi hpe tara jeyang daw dan ai Karai Kasang gaw, n-gun atsam kaba rawng nga ai,? nga nna tsun ai.
Shi hte hpye ai amu galaw nna sawse lawklek ngang kayut ai ga ntsa na hkawhkam ni gaw, dai mare hkru ai wan kaw na pru ai wan hkut hpe mu ma ai shaloi, hkrap ngu hkrap ngoi sharung shayawt na mara ai. 10 Shanhte gaw, dai mare hkrum sha ai ari hta shanhte mung hkrum sha lawm na hpe hkrit nna, tsan tsan e tsap let, ?Galu kaba ai hte atsam rawng ai Babelon mare e! Dingnye lu nga n hka! Dingnye lu nga n hka! Nang gaw hkying hkum mi laman hta sha daw dan ai hkrum nit hka!,? nga nna tsun na mara ai.
11 Ga ntsa na hpaga la ni mung, hkrap ngu hkrap ngoi hte sharung shayawt nga ma ai; hpa majaw nga yang, shanhte a gun rai ni hpe ya kaw nna kadai mung mari sana ma ai n rai. 12 Shanhte a gun rai ni gaw: ja arai, gumhpraw arai, hpu ging ai lungseng ni, pale, lachyit sumpan, shaba pu nsam rawng ai sumpan, lai hte da ai sumpan, hkyeng kabrim ai sumpan, manam pyaw ai baw hpun amyu myu, magwi kawng hte galaw ai arai amyu myu, manu rawng ai hpun arai, magri mang arai, hpri arai, lunghpraw arai amyu myu,Ref 18:12: Shr 17:4. 13 maza hpun, shatmai namhawm tsi, manam pyaw ai baw mura, lawban, sabyi ntsin, sau, muk, shadung, hkaulan mam, wuloi, dumsu, sagu, gumra, gumra leng ni, mayam ni hte masha asak du hkra rai nga ai. 14 Hpaga la ni gaw dai mare hpe, ?Nang ra kasit madu la mayu ai kaja ai arai yawng mayawng hkoi mat masai; na a sut ring sut gan hte ra marit hpa tsawm htap arai ni yawng mung hkoi mat masai. Dai arai ni hpe htawm hpang de nang galoi mung bai mu lu sana n rai!? 15 Babelon mare hpe machyu nna gun rai dut nhtawm lu su wa ai hpaga la ni gaw, dai mare hkrum sha ai ari hta lawm sha na hpe hkrit nna, tsan tsan e tsap nga na mara ai. Shanhte gaw hkrap ngu hkrap ngoi sharung shayawt let, 16 ?Lachyit sumpan, shaba pu nsam rawng ai lai sumpan, hkyeng ai bu hpun palawng bu hpun nna, ja rai, hpu ging ai lungseng hte pale ni hte mawn sumli ai galu kaba ai mare gaw, dingnye lu a hka! Dingnye lu a hka! 17 Hkying hkum mi laman hta sha, lu ai sut gan arung arai mahkra shi shamat kau nu hka!,? nga nna hkrap ngu hkrap ngoi sharung shayawt na mara ai.
Sanghpaw li agyi ni nga manga hte dai hta jawn lawm ai bu hkawm masha ni yawng, sanghpaw li hta amu galaw ai masha ni hte, panglai hka lam hku tam lu tam sha kan bau nga ai hpaga masha ni yawng gaw, tsan tsan e tsap nga nna,Ref 18:17: Esa 23:14; Eze 27:26-30. 18 dai mare hpe hkru kau ai wan shinglet kaw na wan hkut hpe mu yang, shanhte gaw, ?Galoi mung ndai mare daram galu kaba hkik hkam ai mare kaga mi n nga yu sai!,? nga nna jahtau ma ai.Ref 18:18: Shr 13:3; Eze 27:30-31. 19 Shanhte gaw tinang a baw ni hta ga nhpu hte bun nna, ?Dai galu kaba ai mare gaw, dingnye lu a hka! Dingnye lu a hka! Panglai sanghpaw li madu ni hpe shi a sut gan hte lu su shangun ai mare gaw, hkying hkum mi laman lu malu sum hkrum mat sahka!,? nga nna hkrap ngu hkrap ngoi ai hte sharung shayawt let jahtau ma ai.Ref 18:19: 1Sa 4:12; Esa 27:30.
20 Sumsing na ni e, dai mare hten mat ai majaw kabu mu! Karai Kasang a masha ni e, kasa ni hte myihtoi ni e, kabu gara nga mu! Hpa majaw nga yang, nang hpe di ai lam yawng a matu Karai Kasang gaw dai mare hpe tara daw dan nu ai! nga nna tsun ai ngai na nngai.Ref 18:20: Shr 19:2; Esa 44:23; Yer 51:48.
21 Dai hpang, n-gun ja ai lamu kasa langai mi gaw, htumrin lung daram kaba ai nlung langai mi ka-aw la nna, panglai kata de kabai bang dat let, ?Ndai hkrat shang wa ai zawn, galu kaba ai Babelon mare mung, kabai bang kau ai hkrum na ra ai! Htawm hpang de galoi mung, shi hpe bai mu lu sana n rai.Ref 18:21: Shr 12:8; 16:20; Yer 51:64. 22 Nang hta tingse nsen, mahkawn yu ngwi nsen, sumpyi dum ai ni hte pahke dum ai ni a nsen, htawm hpang galoi mung bai na lu sana n rai. Hpaji maka hte hpaga yumga galaw sha ai masha nang hta htawm hpang galoi mung paw pru lu na n rai, htumrin rin ai nsen mung, nang hta htawm hpang galoi mung na lu sana n rai.Ref 18:22: Esa 24:8; Yer 25:10; Eze 26:13. 23 Pyengdin a nhtoi mung, nang hta htawm hpang galoi mung na lu na n rai. La nnan ni hte num nnan ni a nsen ni mung, nang hta htawm hpang galoi mung mu lu na n rai. Hpa majaw nga yang, na a hpaga la ni gaw, ga ntsa ting hta daru magam atsam rawng dik ai ni rai wa masai; nang gaw ga ntsa na masha ni yawng hpe na a shut ai mandan lakle hte masu hkalem sha kau nit hka!? Ref 18:23: Shr 17:2-5; Esa 23:6; Yer 33:11.
24 Babelon mare ari hkrum ai lam gaw, myihtoi ni a asai, Karai Kasang a amyu masha ni a asai hte, rai sa, ga ntsa e sat kau hkrum mahkrum ni a asai dai mare hta mu hkrup lu sai majaw rai nga ai, nga nna tsun ai. Ref 18:24: Shr 17:6; Yer 51:49.