9
1 Ngai gaw Hkristu hte seng ai wa rai nna teng man ai ga ngai tsun nga nngai,
hte ngai n masu nngai. Ngai teng man ai
ga tsun nga nngai gaw dai Chyoi Pra ai
Wenyi e up hkang ai hpe hkam la nga ai
nye a kraw lawang myit e sakse hkam ya
nga ai.
2 Nye amyu masha ni nye a sai daw sai chyen ni a matu nye a kraw lawang e
matut manoi ngai hkam sha nga ai yawn
hkyen ai hte machyi hkrum ai lam gaw
ngai tsun na nga yang grai kaba la nga
ai n rai ni?
3 Hpa majaw nga yang nye a sai, nye a shan nan rai nga ai shanhte ni a matu mara
Karai Kasang e dagam dala ai hkrum na hpe
mung, Hkristu hte daw hka mat ai hkrum na
hpe mung ngai hkam la mai yang hkam la
mayu nga nngai.
4 Shanhte gaw Karai Kasang e lata la ai amyu rai nga ma ai; Karai Kasang gaw
shanhte hpe kasha yin la nna, shi a
hpung shingkang shadan dan mu ai hte
shanhte hte ga shaka tawn da nna jep
ai Tara jaw mu ai. Shanhte gaw teng
man ai nawku daw jau ai lam hte Karai
Kasang a ndat ga ni hpe mung hkam la
lu ma ai. Ref 9:4: Kas 3:25; 13:32;
Ehp 2:12; Heb 8:8-10; 9:1.
5 Shanhte gaw mying gumhkawng ai Hebre kaji kawa ni kaw na yu hkrat wa ai ni
rai ma ai rai nna masha labau hku gawn
yang Hkristu gaw shanhte kaw na rai nga
ai. Yawng mayawng a ntsa e up nga ai
Karai Kasang hpe htani htana shagrau
sha-a nga ga law! Amen.
6 Karai Kasang a ga sadi gaw dik tup wa sai ngu nna ngai n tsun nngai; hpa
majaw nga yang Israela amyu masha ni
yawng wa Karai Kasang a masha ni n rai
ma ai.
7 Abraham a aru arat re ai ni mung, yawng hte wa Karai Kasang a kashu kasha ni rai
ma ai n rai. Karai Kasang gaw Abraham hpe,
?Isak kaw nna mahtang na aru arat mayat
maya wa na ra ai ngu nna ngai ga ndat jaw
de ai,? nga ai. Ref 9:7: Nin 21:12; Gal 4:23; Heb 11:18.
8 Ndai gaw lachyum ndai hku rai nga ai. Shawoi na hku shinggyim hkum shan e
shangai ai kashu kasha ni gaw Karai
Kasang a kashu kasha ni majing n rai
ma ai!d 9:8: Shawoi na hku shinggyim
hkum shan e shangai ai kashu kasha: Ndai gaw
Egutu num Hagara hte lu ai Ishmaela a
aru arat ni hpe ngu ai re. Gal 4:22-23.
Karai Kasang a ga ndat tawn da ai hte
maren shangai wa ai kashu kasha ni chyu
sha matu mara majing ni re ngu nawn da
mu ai.
9 Hpa majaw nga yang, Karai Kasang gaw ladu hkrum jang, ?Ngai sa du na nngai
rai nna Sara gaw shadang sha ba na ra
ai,? nga nna tsun wu ai. Ref 9:9: Nin 18:14.
10 Dai hta n ga, Rebeka a shadang sha lahkawng gaw anhte a kaji kawa Isak hte
lu ai kasha yan rai ma ai.
11 Rai ti mung kasha yan pyi garai n shangai ai rai nna kaja ai hte n kaja ai garai n
chye galaw ai ten kaw nna pyi Karai Kasang
gaw Rebeka hpe, ?Na kasha kaba ai wa
mahtang kaji ai wa hpe daw jau na ra ai,?
ngu nna tsun wu ai.
12 Karai Kasang ning nga nna tsun ai gaw shi a yaw shada da ai hte maren kasha
kaba wa hpe n shaga la ai sha lata la
ai lam hta shi gaw masha galaw ai magam
bungli hta madung dat nna lata la ai n
rai, shi a myit ra ai hku she lata la
nga ai. Ref 9:12: Rom 4:17; 8:28.
13 Chyum laika hta mung, ?Yaku hpe ngai tsaw ra nna Esaw hpe ngai n dawng n
yawt nngai,? nga nna ka da nga ai. Ref 9:13:
Trj 21:15; Mal 1:2; Luk 14:26.
14 Dai re ai majaw Karai Kasang gaw n ding n hpring nga ai rai ni? N rai law.
15 Hpa majaw nga yang, shi gaw, ?Ngai matsan dum mayu ai wa hpe matsan dum na we ai;
ngai chyeju galaw mayu ai wa hpe chyeju
galaw na we ai,? nga nna Mawshe hpe tsun
dan nu ai. Ref 9:15: Pru 33:19.
16 Dai rai nna Karai Kasang a lata la ai lam gaw masha a myit ra ai lam shing n
rai masha a shakut shaja galaw ai hta
n madung nga ai; Karai Kasang a matsan
dum lama ai hta she madung nga ai.
17 Hpa majaw nga yang, Karai Kasang gaw Egutu Hkawhkam hpe, ?Ngai nang hpe
Hkawhkam tai shangun ai lam gaw nang
hta nye a daru magam atsam madun dan
nna ga ntsa ting nye a amying gumhkawng
wa shangun na matu she rai nga ai,?
nga nna tsun ai lam Chyum Laika hta
ka da nga ai. Ref 9:17: Pru 9:16; Gal 3:8,22.
18 Dai rai nna Karai Kasang gaw, Kadai hpe mung chyeju galaw mayu yang galaw
nga ai, kadai hpe mung myit shaja mayu
yang shaja ya nga ai.
19 Rai ti mung nanhte hta na marai langai ngai, ngai hpe, ?Dai rai yang gaw, Karai
Kasang gaw masha hpe gara hku mara tam
lu na rai ta? Karai Kasang a myit ra ai
lam hpe kadai wa ban hkum lu a ta?,? nga
nna san mayu ai nga na nhten!
20 Jinghku wa e, nang gaw kadai wa mi rai nna Karai Kasang hpe dai hku htan lu n
ta? Ga dibu langai mi gaw galaw da ai
wa hpe, ?Hpa majaw nang ngai hpe ning
di galaw da n ta?,? ngu nna san na a
ni? Ref 9:20: Esa 29:16; 45:9; 64:8.
21 Dibu sama wa gaw kagam ga hpe shi ra ai hku galaw na ahkaw ahkang shi lu da wu
ai rai nna ga gumdin langai sha hta na
chyen mi hpe ahkyak ai poi shingra ni
hta lang na dibu kaja, bai chyen mi hpe
yu maya shara hta lang na matu dibu galaw
lu ai n rai ni? Ref 9:21: Yer 18:6; 2Tm 2:20.
22 Karai Kasang mung dai zawn galaw nga ai, Shi gaw shi a pawt sindawng ai hpe madun
nna shi a atsam hpe shadan dan mayu nga
ai. Rai ti mung, shi a pawt sindawng ai
a majaw hten run sum hkrum mat na ging
dan ai ni hpe myit galu ai hte hkam sharang
ya nga ai. Ref 9:22: 1Ht 5:9; 1Pe 2:8.
23 Dai hta n ga Madu gaw shi a matsan dum lama ai lam hkam la na masha ni ngu ai
anhte hpe shi a n hpaw n ya re ai hpung
shingkang hpe mu lu shangun na matu ra
sharawng nga ai. Dai ni gaw Karai Kasang
a hpung shingkang hkam la lu na matu hkyen
lajang shajin da sai masha ni rai nga ma
ai.
24 Hpa majaw nga yang anhte gaw Karai Kasang e shaga la sai masha ni rai nna Yuda ni
hta na sha n rai, maigan amyu ni hta na
mung rai nga ai.
25 Dai hte maren Madu gaw Hosea a laika hta,
?Nye a masha n re ai ni hpe
?Nye a masha ni? ngu na nngai.
Ngai n tsaw ra ai amyu masha ni hpe
?Ngai tsaw ra ai amyu masha ni? ngu na nngai. Ref 9:25: Hos 2:23; 1Pe 2:10.
26 Bai ?Nanhte nye a amyu masha ni n rai nga myit dai,? nga nna shanhte tsun kau
hkrum ai shara dai yang e pyi,
hkrung nga ai Karai Kasang a kasha ni ngu na marin dai,? nga ai. Ref 9:26: Heb 2:23; 1Pe 2:10.
27 Israela amyu a lam Esaia jahtau tsun ai gaw, ?Israela kashu kasha ni gaw
nammukdara makau na zaibru zawn law ma
timung, shanhte hta na kau chyen chyu
sha hkye hkrang la ai hkrum na mara ai. Ref 9:27: Rom 11:5; Esa 10:22-23.
28 Hpa majaw nga yang, Madu gaw mungkan ga na masha ni hpe lawan ai hku tara
jeyang ai lam shadik shatup na ra ai,? nga ai.
29 Dai hte maren, shawng e Esaia tsun da ai gaw, ?Daru magam atsam rawng ai
Karai Kasang a matu mara nkau mi hpe
n ngam da taw gaw anhte gaw Sodom zawn
tai nna Gomora hte bung na ga ai,? nga
ai. Ref 9:29: Esa 1:9; 15:19; Yer 50:40.
30 Dai re ai majaw anhte tsun mayu ai lam gaw ndai hku rai nga ai. Karai Kasang a
man e ding hpring ai ni tai lu na matu n
shakut ai maigan amyu ni gaw, shi hpe
kam sham ai a marang e Karai Kasang a
man e ding hpring wa lu ma ai.
31 Rai ti mung, Israela amyu masha ni gaw Karai Kasang a man e ding hpring wa
shangun na tara langai mi hpe tam shakut
ma timung n mu tam ma ai.
32 Hpa majaw law nga yang shanhte gaw kam sham ai hta n shamyet shanat ai sha tara
hkan shadik ai hte sha hkan shachyut ma
ai majaw n dep lu ma ai. Dai rai nna
shanhte gaw Chyum Laika hta tsun da ai,
?Lunghkrung,? hta ahtu nna kataw mat
ma ai.
33 Dai hpe Chyum Laika hta,
?Yu u, masha ni ahtu kataw na nlung langai mi hte
myit kataw shangun na lunghkrung langai mi hpe
Ziun hta e ngai tawn da se ai.
Rai ti mung nlung ngu ai Hkristu hpe kam sham ai wa gaw galoi mung myit
daw hten na lam nga na n rai,? nga nna ka da nga ai.