7
1 Hpu nau ni e, nanhte gaw jep ai Tara a lam ni hpe chye nga myit
dai rai nna, ya ngai nanhte hpe
tsun na lam hpe atsawm sha chye
na na myit dai. Jep ai Tara gaw
masha ni hpe shanhte naw hkrung
nga ai aten laman e up madu nga ai.
2 Ga shadawn tsun ga nga yang, Hkungran sai numsha langai mi gaw shi a madu
wa asak naw hkrung nga dingsa, hkungran
ai tara hte gyit hkang da nu ai. Rai ti
mung, madu wa si mat a yang gaw, madu
wa hte gyit hkang da ai tara hta na shi
lawt nu ai.
3 Dai re ai majaw madu wa garai n si yang la kaga kaw wa a yang gaw, la
shaw ai num langai mi re ngu na rai
nga ai; rai ti mung madu wa si mat
sayang chyawm gaw, tara hta na lawt
sai rai nna la kaga hte hkungran ti
mung la shaw ai amu tawt lai nu ai
n rai.
4 Hpu nau ni e, nanhte dai ga shadawn hte bung nga myit dai. Nanhte gaw
Hkristu a hkum hkrang daw shan ni
rai nna jep ai Tara hta e nanhte si
wa manit dai, ya gaw Karai Kasang a
magam amu hta akyu rawng asi si lu
u ga, si ai kaw na hkrung sharawt la
hkrum ai Hkristu hte seng ai ni rai
wa manit dai.
5 Hpa majaw nga yang anhte ni hkum shan myit hkan nna asak hkrung nga ai shaloi
yubak a marin marit ai myit hpe dai jep
ai Tara e myit sharawt ya ai majaw anhte
a hkum hkrang hta yubak galaw mayu ai
myit katu nga ai hte anhte yawng dai hpe
galaw nna jahtum e si wa saga ai.
6 Ya chyawm gaw, anhte hpe sharen da ai jep ai Tara hte si hka mat saga ai majaw
dai jep ai Tara hta na anhte lawt lu
saga ai. Dai rai nna ka da ai tara
dingsa hku n hkan ai sha, Wenyi lam
ningnan hku sha Karai Kasang hpe daw
jau nga ga ai.
7 Dai rai yang gaw, anhte kaning ngu tsun na rai ta? Dai jep ai Tara shi
nan yubak rai nga ai ngu na rai ni?
Shing n rai law! rai ti mung dai jep
ai Tara gaw yubak ngu ai hpa re ai
lam ngai hpe chye shangun ni ai.
Lama wa dai Jep ai Tara gaw, ?Masha
kaga wa a arai hpe myit hkum
marin e,? nga nna n tsun yang gaw
myit marin ai gaw hpa re ai hpe ngai
chye na n rai.
Ref 7:7: Pru 20:17; Trj 5:21; Kas 20:33.
8 Dai hkang da ai ga a majaw yubak gaw marin marit ai baw sumhpa ngai hta
byin pru wa hkra myit jasu sharawt
ya na ginshan c 7:8: ginshan:
Hkinjang, Plan cte.) mu tam wa ai.
Dai tara n nga a yang gaw yubak gaw
jasi rai nga ai.
9 Ngai hkum nan dai jep ai Tara hpe hpa n chye ai sha asak hkrung ai aten lang
mi nga lai wa yu sai; rai ti mung dai
jep ai Tara hpe ngai chye wa ai hte
rau yubak gaw rawt prawn wa sai.
10 Dai hpang ngai si wa nngai; ngai hpe asak hkrung na matu jaw ya ai dai jep ai
Tara nan nye a asak hpe si shangun
sai.
11 Yubak gaw shi a ginshan mu tam nna, dai Jep ai Tara hte ngai hpe hkalem
kau nhtawm, dai hte ngai hpe sat kau
ni ai.
12 Dai rai nna Jep ai Tara shi nan chyoi pra nga ai, dai hkang da ai
ga mung chyoi pra nga ai, ding
hpring ai hte mai kaja nga ai.
13 Dai rai yang gaw mai kaja ai baw hta nye a matu si lam tai wa sani? Shing
n rai u ga, ngai hpe si shangun ai
gaw yubak rai nga ai. Yubak gaw shi
a marai nsam dan leng wa u ga mai
kaja ai hpe jai lang let ngai hpe si
shangun ni ai. Dai rai nna yubak gaw
gade wa hkrithpa rai nga ai lam jep
ai Tara hku nna madun dan nga ai.
14 Dai hta kaga jep ai Tara gaw Wenyi lam hte seng nga ai hpe anhte chye
ga ai; ngai mahtang si chye ai masha
langai mi zawn rai nna yubak de dut
kau hkrum ai mayam zawn rai nga nngai.
15 Ngai shachyen ai amu hpe ngai n chye nngai, hpa majaw nga yang ngai galaw
mayu ai lam hpe n galaw nga n ngai.
Ngai n dawng n yawt ai bungli hpe sha
agalaw nga nngai.
16 Ngai n galaw mayu ai hpe ngai galaw yang gaw dai jep ai Tara teng man nga ai lam
ngai myit hkrum nngai.
17 Dai rai nna ngai galaw ai amu hpe galaw ai wa gaw kaja wa ngai hta rawng ai
yubak she dai hpe galaw nga ai.
18 Nye a kraw e rai sa nye a shinggyim hkum shan myit hta kaja ai baw hpa n rawng li ai
ngai chye nngai; hpa majaw nga yang mai
kaja ai baw galaw mayu ai myit ngai hta
rawng nga timung ngai dai hpe n galaw lu
nngai.
19 Galaw mayu ai mai kaja lam hpe ngai n galaw ai wa, n galaw mayu ai dai n hkru
n hkra ai hpe ngai galaw nga nngai.
20 Ngai n galaw mayu ai hpe ngai a galaw nga ai rai yang gaw dai hpe galaw ai
wa a yubak she dai hpe galaw nga ai.
21 Dai re ai majaw ngai mai kaja ai galaw mayu ai shaloi, n hkru n hkra ai hpe
she ngai lata galaw nga ai rai nna,
tara lahkawng ngai hta ginrun rawng
nga ai ngu ai hpe ngai mu hkrup
nngai.
22 Nye a kraw lawang myit gaw Karai Kasang a Tara hta kabu gara sharawng awng nga
ai.
23 Rai ti mung nye a hkum kata hta nye a myit hkrum ra sharawng ai tara hte gasat
hkat nga ai kaga tara langai mi amu galaw
nga ai hpe ngai mu we ai. Dai tara gaw
nye a hkum shan hta shamu shamawt amu
galaw nna ngai hpe yubak a tara hta bawng
dung shangun nngai.
24 Chyum sha hkrum ai ngai wa e! Ndai si shangun ai hkum hkrang hta na, ngai hpe
kadai wa mawai la na law e?
25 Anhte a Madu Yesu a marang e mawai la ai Karai Kasang a chyeju hpe ngai shagrau
sha-a nngai! Dai rai nna nye a mabyin gaw
ndai hku rai nga li ai; Nye a myit mang
ai hte Karai Kasang a Tara hpe daw jau
nga timung hkum shan mahtang gaw yubak
a tara hpe daw jau nga ai.