2
1 Jinghku wa e, nang gaw masha kaga wa hpe jeyang daw dan nga n ni?
Nang gaw kadai wa mi rai nga ti mung,
na a mara raw lu hkra jahpai na lam mi
n nga mat salit dai. Hpa majaw nga yang,
nang gaw masha kaga wa hte maren sha
yubak galaw ai wa rai nga da ninglen
masha kaga wa hpe jeyang daw dan n yang
gaw na hkum hpe mahtang nang daw dan
kau da wu ai. Ref 2:1: Rom 1:20; Yhn 8:9.
2 Shing re ai amu ni hpe galaw ai masha ni a ntsa e Karai Kasang jeyang daw
dan ai gaw, teng man nga ai hpe anhte
chye nga ga ai.
3 Rai ti mung jinghku wa e, kaga masha ni a ntsa e nang jeyang ai baw mara hpe
nang nan galaw tawt lai nga n hka! Karai
Kasang a tara dara ai hta na lawt lu na
zawn nang nawn da wu ni?
4 Shing n rai nang gaw shi a n taw n tsang ai matsan dum ai chyeju hpe mung, myit
sharang ai hte myit galu kaba ai hpe
mung, nang n kaw n law di da wu ni? Karai
Kasang gaw nang hpe myit malai lu shangun
na matu lam madun woi awn nga ai rai nna
shi gaw matsan dum lama ai Madu rai nga
ai lam kaja wa nang chye nga ndai. Ref 2:4:
Rom 3:25; Ehp 1:7; 2Pe 3:9,15.
5 Rai ti mung nang gaw myit ja ai hte myit malai n lu ndai majaw, Karai Kasang a
pawt bu nga ai hpe ding man ai hku tara
dara ai lam dan pru ai nhtoi e nang gaw
grau nna kaba ai ari hkrum lu na rin
dai.
6 Hpa majaw nga yang Karai Kasang gaw langai hte langai hpe, tinang hpa baw
galaw sai ngu ai bungli hte maren nhtang
jaw na ra ai. Ref 2:6: Gsh 24:12; Shk 62:12.
7 Masha nkau mi gaw kaja ai amu galaw nga let, hpung shingkang hpe mung, arawng
sadang hpe mung, n si n mat ai asak
hkrung lam hpe mung tam nga ma ai; Dai
ni hpe Karai Kasang htani htana asak
jaw na ra ai.
8 Rai ti mung masha nkau mi gaw dai n ding n man ai maga de hkan sa na matu tinang
a akyu tam nna teng man ai tara hpe kabai
kau ma ai, shing re ai ni a ntsa e Karai
Kasang gaw shi a pawt bu nna sindawng
kahtet ai ru bun na ru ai.
9 Shawng nnan e Yuda amyu masha ni, dai hpang maigan masha ni rai nga
ai n hkru n kaja ai bungli galaw
ai shinggyim masha ni yawng a ntsa
e tsin-yam tsindam hte machyi ai
ari ahpri hkrum na mara ai.
10 Karai Kasang gaw shawng nnan e Yuda masha ni hpe rai ti mung, dai hpang
maigan masha ni hpe rai ti mung, mai
kaja ai bungli shachyen ai ni nlang
hte hpe hpung shingkang arawng sadang
hte ngwi pyaw simsa ai lam jaw na
maru ai.
11 Hpa majaw nga yang, Karai Kasang gaw masha shagu hpe myi man n lata ai
maren sha, jeyang daw dan nga ai. Ref 2:11: Trj 10:17; Yob 34:19; Gal 2:6; Kol 3:25; 1Pe 1:17.
12 Mawshe a Tara hpe garai n chye ai maigan masha ni yubak mara galaw ma ai shaloi
jep ai Tara hte n re ai sha sum hkrum na
mara ai, rai ti mung Yuda ni gaw Tara lu
ma ai majaw shanhte yubak galaw nna Tara
hte tara dara ai hkrum na mara ai.
13 Hpa majaw nga yang, dai Tara hpe na yu ai hte sha Karai Kasang a man e ding
hpring lu ai n rai, Tara hta hkang da
ai hte maren hkan galaw yang sha ding
hpring ai ngu na maru ai.
14 Maigan masha ni gaw dai Tara n lu ma ai rai ti mung Tara a hkang da ai lam ni
hpe tinang a hkrit tsang ai myit hte
hkan galaw ai shaloi dai Tara gaw
shanhte a tara tai wa ma salu ai.
15 Dai jep ai Tara a hkang da ai lam ni gaw shanhte a kraw lawang ni hta ka
da nga sai hpe shanhte a sat lawat
nsam ni hku nna sakse hkam madun dan
nga ai. Shanhte a htauli htaula myit
ni mung dai lam teng nga ai hpe sakse
hkam nga ai. Hpa majaw nga yang, shanhte
a myit mang ai lam ni gaw kalang lang
shanhte hpe mara shagun nna kalang
lang gaw makawp maga madi shadaw nga ai.
16 Dai rai nna ngai hkaw tsun ai Kabu Gara Shiga hte maren, tara jeyang ai Nhtoi
hta e Karai Kasang gaw Yesu Hkristu a
lata hte masha nlang hte a makoi magap
ai maw mawn ai myit ni hpe jeyang daw
dan na ra ai.
17 Nang gaw gara hku rai nga n ta? Nang gaw na a hkum hpe Yuda masha langai
mi re ngu nna dai jep ai Tara hpe kam
hpa let Karai Kasang hta gumrawng nga
ndai.
18 Nang gaw Karai Kasang a myit ra ai lam hpe chye nna, jaw ai hte shut ai lam
chye ginhka lata la na matu dai jep ai
Tara hpe sharin hkam la ai wa,
19 nang gaw myi kyaw ai ni a lam woi ai wa, nsin e lup nga ai ni a matu nhtoi tai
ai wa,
20 n hkru n shawp ai ni a hpareng ai angawk ai ni a sara rai nga nngai nga nna kaja
wa kam nga ai wa dai jep ai Tara machye
machyang hte teng man ai lam hkum hkum
tsup tsup rawng nga ai hpe mung atsawm
sha chye nga ai wa e,
21 nang gaw masha kaga ni hpe sharin achyin ai wa rai nga da nhtawm me, na hkum hpe
gaw n sharin achyin nga nna ?Hkum lagu,?
ngu nna hkaw tsun nhtawm nang nan lagu
nga n ni?
22 ?Masha num hkum shaw,? ngu nna nang tsun nhtawm tinang dai num shaw nga n
hka? Gawkngu sumla hpe nang matsat nga
nhtawm shanhte a hpara ntab 2:22:
hpara nta ni: KJV hta nawku htingnu
ngu nna gale da ai; Philip modern
English hta maigan masha ni a nawku
nta ni, New English Bible hta shanhte
a hpara sumla tawn da ai tawn hkung ri
hpara sumla tawn da ai majaw Karai
Kasang a Nawku Htingnu hpe ngu ai n
re. ni hpe hpya la nga n ni?
23 Nang gaw Karai Kasang a jep ai Tara a marang e gumrawng ninglen, tara hpe
tawt lai ai hte Karai Kasang a sari
sadang hpe jahpoi n ni?
24 Dai Chyum Laika hta, ?Karai Kasang a mying nsang gaw nanhte Yuda ni a
majaw maigan amyu ni hta jahpoi asawng
ai hkrum nga ai,? nga nna tsun nga
ai. Ref 2:24: Esa 52:5; Eze 36:20,23.
25 Dai jep ai Tara hpe hkan shatup myit yang gaw, matu gadoi hkam ai lam akyu
rawng nga ai; rai ti mung tara hpe
tawt lai ai wa nang rai nga n yang gaw,
matu gadoi ai hking galoi mung n hkam
la ai mahtang grau kaja nga ai.
26 Lama wa matu gadoi n hkam ai maigan masha langai mi gaw jep ai Tara a
hkang da ai lam ni hpe hkan shatup
wa yang, dai wa hpe Karai Kasang gaw
matu gadoi ai hking hkam la ai wa
zawn nawn ya na wu ai n rai ni?
27 Nang gaw dai ka da ai jep ai Tara hku nna matu gadoi ai hking hkam la ai wa
rai nga nhtawm me Tara tawt lai ai
wa rai nga ndai majaw maigan masha ni
nanhte Yuda masha ni hpe tara dara na
mara ai. Shanhte gaw hkum shan hte
seng ai matu gadoi hking n hkam la ma
ai rai ti mung, jep ai Tara hpe gaw
hkan shatup ma ai.
28 Hpungdim hku tsun ga nga yang teng man ai hku matu kadoi hkam ai Yuda masha
majing kadai wa rai ta? Masha langai
mi gaw shinggan maga ntsa lam sha hkum
shan matu gadoi ai hte sha Yuda masha
n byin wa lu ai.
29 Yuda masha majing chyawm gaw, kraw kata e matu gadoi hking hkam la ai
wa mahtang rai nga ai. Dai wa hpe
Yuda masha byin shangun ai lam gaw
ka da ai jep ai Tara a majaw n rai,
Karai Kasang a Wenyi e masha a kraw
lawang kata hta amu galaw ai hte
shabyin ai lam rai nga ai. Dai zawn
re ai masha wa gaw masha kaw na
shakawn kungdawn ai hpe hkam la
ai n rai, Karai Kasang kaw na she
hkam la ai wa rai nga ai.