15
1 Dai rai nna makam masham hta n-gun ja ai anhte ni gaw, makam masham n-gun
kya ai ni a makam masham n hten mat
hkra shanhte a lit hpe madi shadaw
na mai kaja nga ai. Anhte gaw tinang
a ra ai lam hpe n mai hkan tam ai.
2 Anhte langai hte langai gaw, makam masham garai n ngang ai hpu nau ni
a makam masham ngang kang wa hkra
shanhte a mai kaja lam hpe tam let
shangwi shapyaw nga ga.
3 Hkristu mung shi hkum dai n shapyaw la ai sha Chyum Laika hta,
?Nang hpe shatan nhkan tsun ai ga
ni nye a ntsa e du ra ai,? nga nna
ka da nga ai hte maren masha ni a
shatan nhkan ai hpe hkam wu ai. Ref 15:3: Shk 69:9; Mat 26:39; Yhn 5:30; 6:38.
4 Chyum Laika hta ka da mada hte gaw anhte hpe sharin achyin na matu rai
nga ai. Shing rai anhte gaw Chyum
Laika hta na lu la ai hkam sharang
ai lam hte myit n-gun lu la shangun
ai lam a majaw myit mada shara lu
la na lam rai nga ai. Ref 15:4: Rom 4:23,34; 1Ko 9:9; 10:11; 2Tm 3:16-17.
5 Nanhte nga manga hte gaw Hkristu Yesu a kasi ningli hpe hkan nna nanhte shada
da myit mang langai sha rai nga lu u ga,
hkam sharang ai atsam hte myit shatsam
ya ai lam jaw ya nga ai Karai Kasang
gaw nanhte hpe woi awn nga u ga law.
6 Shing rai yang she, nanhte yawng rau sha nsen langai sha hte anhte a Madu
Yesu Hkristu a Kawa Karai Kasang a
hpung shingkang hpe shakawn kungdawn
lu na myit dai.
7 Dai rai nna Karai Kasang a hpung shingkang dan hkung wa na matu,
Hkristu gaw nanhte hpe hkap hkalum
la manit dai hte maren nanhte shada
da hkalum la mu.
8 Hpa majaw nga yang Karai Kasang gaw ga sadi dung ai wa re ai lam hpe
shadan dan na matu, lam mi hku tsun
ga nga yang, ji wa ni hpe jaw da ai
ga ndat hpe shadik shatup na matu
Madu Yesu gaw matu gadoi hkam ai
Yuda amyu masha ni a mai kaja ai
lam a matu mara du sa ra ai ngu
nna ngai tsun nngai.
9 Maigan amyu masha ni pyi Karai Kasang a matsan dum lama ai lam hpe shakawn
kungdawn lu mu ga, ngu nna mung du sa
ra ai. Chyum laika hta,
?Dai re ai majaw maigan amyu ni a kata hta ngai nang hpe shakawn na
nngai,
Na a mying nsang hpe mahkawn mangoi na nngai,? nga nna ka da ai hte
maren rai nga ai. Ref 15:9: Rom 9:23;
Yhn 10:16; Shk 18:49.
10 Bai Chyum Laika hta,
?Maigan amyu ni e, Karai Kasang a amyu masha ni hte rau kabu gara nga
mu!,? nga nna mung,
11 Bai nna,
?Maigan amyu masha nlang hte e, dai Madu hpe shakawn mu;
amyu baw nlang hte e, shi hpe kungdawn mu!,? nga nna mung ka da nga ai.
12 Bai Esaia gaw,
?Yese a aru arat langai mi paw pru na ra ai,
maigan amyu ni hpe up na matu Karai Kasang gaw shi hpe paw pru shangun
na rai nna,
Maigan amyu ni dai wa hta myit mada kam hpa nga na mara ai,?
nga ai. Ref 15:12: Esa 11:1,10; Shr 5:5.
13 Ya Chyoi Pra ai Wenyi a n-gun atsam hte nanhte a myit mada ai lam matut
nna gumring gumrat galu kaba wa myit
ga, myit mada ai lam a npawt rai nga
ai Karai Kasang gaw, nanhte a kam sham
ai lam hta e chyeju hte ngwi pyaw ai
amyu myu nanhte hpe jahpring shatsup
ya myit ga law.
14 Nye a hpu nau ni e, nanhte gaw mai kaja ai lam hte hpring tsup nga nna
machye machyang htak rai nga ai hte,
nanhte shada da sharin jep lu nga
myit dai hpe ngai hkum nan kam da
made ai.
15 Rai ti mung, ndai laika hta ginlam nkau mi hte seng nna nanhte hpe sadi
jaw ai hta ngai gaw Karai Kasang jaw
ai chyalai ahkaw ahkang a majaw nden
ja ai hte ka dat nngai.
16 Dai chyalai ahkaw ahkang gaw, maigan amyu ni a matu magam gun na Hkristu
Yesu a shangun ma tai lu ai lam rai
nga ai. Maigan amyu ni gaw Karai
Kasang e hkap la ging ai shagu hkungga
ngu ai Karai Kasang kaw dai Chyoi Pra
ai Wenyi e shachyoi shapra nna sak
nawng tawn ai ni tai wa na matu, ngai
gaw hkinjawng langai mi zawn magam
gun let Karai Kasang kaw na Kabu Gara
Shiga hpe hkaw dan nngai.
17 Dai re ai majaw Hkristu Yesu hte langai sha re ai hku asak hkrung let Karai
Kasang a magam amu gun hpai lu ai majaw
kabu gumrawng lu nngai.
18 Maigan amyu ni Karai Kasang a ga madat mara wa hkra Hkristu gaw ngai hpe jai
lang ai lam hpe chyu sha ngai nden ja
ai hte tsun na nngai. Maigan amyu ni
madat mara lu hkra Hkristu gaw ngai
tsun shaga ai mung sumtu ga hte galaw
ai sat lawat hku nna mung ngai galaw
ai laklai ai lamik kumla ni hte
mauhpa magam amu ni hku nna mung,
Chyoi Pra ai Wenyi a atsam madun ai
hku nna mung ngai hpe jai lang nu ai.
19 Dai re ai majaw ngai gaw Yerusalem mare kaw nna Iluri ginwang grup hkra
Hkristu a Kabu Gara Shiga hkaw
jahproi dan ni ai.
20 Rai ti mung masha wa langai ngai e gaw da ai npawt ntsa hta n kahtap u
ga, Hkristu a mying n na yu ai shara
hkan e dai Kabu Gara Shiga hkaw dan
na ngai galoi mung myit sharawng
makun nga nngai. Ref 15:20: 2Ko 10:13-16.
21 Dai Chyum Laika hta,
?Shi a lam kadai mung garai n tsun dan yu ti mung shanhte mu lu na mara
ai;
garai n na yu ai mung, chye lu na mara ai,? nga nna ka da ai hte maren rai nga ai.
22 Dai rai nna ngai nanhte kaw sa du lu na lam hpe hkum shadang kau ai
law law lang hkrum nngai.
23 Ya chyawm gaw dai ginwang ni hta galaw ra ai nye a amu ni hpe gun hpai ngut ni
ai. Nanhte hpang de sa na matu lai wa
sai shaning tsawmra kaw nna myit katu
nga nngai hte maren,
24 ya nanhte kaw sa du lu na re ngu nna myit mada nga nngai. Ngai Spain mung
de sa wa ai let e, nanhte kaw shang
du chyai nna mu hkrum kau da mayu
nngai. Nanhte kaw jahkring mi nanhte
hte kabu gara hkrum chyai kau da
nhtawm, dai mung de nanhte a karum
madi shadaw ai hte bai matut sa wa lu na ngai myit mada nga nngai. Ref 15:24: Kas 15:3;
1Ko 16:6,11; 2Ko 1:16; Tit 3:13; 3Yh 6.
25 Ya hkyak hkyak e chyawm gaw, Karai Kasang a amyu masha ni hpe karum
madi shadaw ai amu gun hpai na matu
Yerusalem mare de sa wa nga nngai. Ref 15:25:
Kas 19:21; 20:22; 24:17.
26 Hpa majaw nga yang, Makedoni hte Ahkaia mung na hpung ni gaw
Yerusalem na Karai Kasang a masha
ni hta na matsan mayan ni hpe karum
madi shadaw alu jaw na lam langai
mi galaw na matu daw dan da masai.
27 Shing rai shanhte daw dan ai lam gaw, masha e shadut ai majaw n rai,
rai ti mung, teng sha tsun ga nga
yang dai matsan mayan ni hpe karum
madi shadaw na shanhte hta lit nga
nga ai. Hpa majaw nga yang, Yuda
amyu masha ni hkam la ai Wenyi
shaman chyeju sali wunli ni hpe
maigan masha ni hpe mung jawm
hpawm hkam la shangun masai rai
nna maigan masha ni mung shanhte
hkam la ai shaman chyeju ni ngu
ai mungkan arung arai ni hte Yuda
masha ni hpe chyeju htang ai hku
bai karum la ang ma ai. Ref 15:27: Rom 11:17; 1Ko 9:11; Gal 6:6.
28 Dai re ai majaw ndai amu hpe galaw ngut nna ngai shanhte a matu lahkawn
la ai alu gumhpraw yawng hte hpe
shanhte a lata de ap ya ngut jang
Spain mung de sa wa ai hkrun lam
let e nanhte kaw shang du chyai kau
da na nngai.
29 Ngai nanhte kaw du yang Hkristu kaw na ra n rawng nna gumring gumrat ai
shaman chyeju ni nanhte hpe garan
kachyan hkam la shangun lu na ngai
chye nga nngai.
30 Ya hpu nau ni e, Yesu Hkristu hpe anhte kam sham ai a marang e mung, dai Wenyi
e jaw ai tsaw ra myit a marang e mung,
nye a matu mara ngai hte rau Karai
Kasang kaw myit sharawng awng ai hte
akyu hpyi nga na nanhte hpe ngai shadut
jahkat made ai.
31 Ngai gaw Yuda mung na n kam n sham ai ni a hpyen ai kaw na lawt lu u ga hte
Yerusalem mare e ngai galaw ai karum
madi shadaw ai amu hpe dai kaw nga ai
Karai Kasang a masha ni hkap la lu mu
ga, akyu hpyi nga mu.
32 Dai rai nna Karai Kasang a myit ra ai lam rai yang gaw ngai kabu gara ai hte
nanhte hpang de du nna nanhte hte rau
ngwi pyaw ai hku n-gun awai hkring sa
la na ahkang lu na re.
33 Ya ngwi pyaw ai npawt Karai Kasang gaw nanhte yawng mayawng hte rau
a nga nga u ga law. Amen.