11
1 Dai rai nna ngai san yu n ga, Karai Kasang gaw shi a amyu masha ni hpe
kabai kau nu ni? Shing n rai law!
Ngai hkum nan Israela masha rai nga
nna, Abraham a aru arat hte Benyamin
a bawsang rai nga nngai. Ref 11:1: Yer 31:37; 2Ko 11:22; Hpl 3:5.
2 Karai Kasang gaw shawng npawt kaw nna lata la sai shi a amyu masha ni hpe
kabai kau nu ai n rai. Chyum Laika
hta Elia gaw Israela amyu masha ni hpe
mara shagun let Karai Kasang kaw kaning
nga hpyi nem ai hpe nanhte chye nga myit
dai. Ref 11:2: Rom 8:29.
3 Dai hpyi nem ai ga gaw, ?Madu e na a myihtoi ni hpe shanhte sat kau manu ai,
na a tawn hkungri ni hpe shanhte run
hpya kau manu ai, ngai chyu sha ngam
nga ni ai rai nna shanhte ngai hpe mung
sat kau na tam shakut nga ma ai,? nga
ai. Ref 11:3: 1Hk 19:10,14.
4 Rai ti mung Karai Kasang kaning nga nna htan a ta? Shi gaw, ?Bala hpara a man e
lahput garai n hput di ai lasha hkying
sanit hte hpe nye a matu ngai shangam da
se ai,? ngu wu ai. Ref 11:4: 1Hk 19:18.
5 Dai hte maren, ndai prat e mung, Karai Kasang a chyeju majaw lata la hkrum ai
masha kau chyen mi naw ngam nga ai.
6 Shi lata la ai lam gaw, shanhte galaw ai magam bungli hta madung n dat ai sha,
shi a chyeju lam hku nna she rai nga ai.
Hpa majaw nga yang, Karai Kasang lata la
ai lam gaw masha ni galaw ai magam bungli
hta lama madung dat ai rai yang gaw, shi
a chyeju gaw teng man ai chyeju n rai
nga sai.
7 Dai rai yang gaw kaning ngu tsun na rai ta? Israela amyu masha ni gaw
tinang tam ai hpe n mu ma ai lam dan
leng nga ai. Karai Kasang e lata la
hkrum ai ni nkau mi sha mu lu ma ai,
ngam ai ni gaw Karai Kasang a saw
shaga ai nsen hpe n na ma ai.
8 Chyum laika hta mung, ?Karai Kasang gaw shanhte a myit masin ni hte kraw
lawang ni hpe jahpam kau ya mu ai rai
nna dai ni du hkra shanhte gaw mu lu
ai arai hpe n mu ma ai, na lu ai
arai hpe mung n chye na ma ai,? nga
nna ka da nga ai. Ref 11:8: Esa 29:10;
Yer 5:21; Yhn 12:40; Kas 28:26-27.
9 Dawi mung,
?Shanhte a lusha poi ni gaw shanhte a matu mahkam dawnggawng zawn tai nna,
hkrat sum ai hte ari jaw ai hkrum mu ga. Ref 11:9: Shk 69:23.
10 Shanhte myi n mu lu hkra shanhte a myi ni sin mak malu ga,
shanhte a marung ni gaw gun hpai ra ai lit a majaw tut nawng htingkung nga
shangun u,? nga ai.
11 Yuda amyu masha ni gaw shanhte hten za hkrat sum mat hkra
ahtu kataw wa ma sani? ngu nna san
mayu nngai. Gara hku mung n hkrat
sum ma ai! Shanhte yubak galaw ai
majaw hkye hkrang la ai lam gaw
maigan masha ni kaw du wa sai.
Dai gaw Yuda masha ni manawn shara
tai na matu rai nga ai.
12 Yuda masha ni a tawt lai ai yubak mara gaw, mungkan masha ni a matu
law la ai chyeju kumhpa shabyin ya
ai hte, shanhte a wenyi hta matsan
chyaren hkrum ai gaw maigan masha
ni a matu law la ai chyeju kumhpa
shabyin ya nga yang gaw Yuda masha
ni hkum hkum tsup tsup dai hkye
hkrang la ai chyeju hta shalawm
la ai hkrum yang gaw gade wa grau
kaba la ai chyeju kumhpa byin
tai na rai nga a hka!
13 Nanhte maigan masha ni hpe ngai tsun made ai gaw maigan amyu masha
ni a kasa ngai tai nga dingsa nye a amu
hta arawng lu nna gumrawng nga na nngai.
14 Ngai gaw nye a amyu masha ni a myit hta manawn ai myit lama rawng shangun ai
rai yang shanhte nkau mi sha hkye hkrang
la ai hkrum lu na rai nga ai.
15 Hpa majaw nga yang nye a amyu masha ni hpe Karai Kasang kabai kau ai shaloi
masha amyu ni hpe Karai Kasang a hpyen
ni tai nga ai kaw na shi a jinghku ni
tai wa hkra, htinglu htinglai ya ai
lam byin wa sai. Dai rai nna shanhte
hkap la ai bai hkrum yang, hpa byin wa
na rai ta? Dai gaw si ai ni kaw na bai
hkrung rawt ai asak rai na ra ai.
16 Dai hta kaga muk tawng langai mi hta na hkyep mi hpe la nna Karai Kasang
kaw shawng nawng jau ai rai yang ngam
ai muk tawng ting mung nawng jau ai
tai sai rai nga ai. Bai nna hpun
langai mi a aru ni hpe nawng jau ai
rai yang lakung lakying ni hpe mung
nawng jau ai tai sai rai nga ai.
17 Hkai tawn ai tsanlun hpun a lakung lakying nkau mi hpe gyi kau nhtawm,
ngam nga ai de a ndu hta tsanlun
chyalam lakung hpe matut nna hkai
chye ma ai. Dai tsanlun chyalam
lakung gaw tsanlun chyanyi a aru
kaw na nam hpun lusha bawk jaw
lawm ai zawn, nanhte maigan
masha ni mung Yuda masha ni kaw na
n-gun rawng ai Wenyi a chyeju akyu
ara hkam la lu manit dai.
18 Dai rai nna, nanhte gaw gyi kau sai lakung lakying hte bung ai shanhte
hpe yu kaji nna gumrawng gumtawng
hkum rai myit, nanhte gara hku nna
gumrawng gumtawng rai lu na myit ta?
Dai rai nna nanhte gaw aru hpe madi
shadaw ai ni n rai, aru mahtang nanhte
hpe madi shadaw ya nga ai.
19 Rai ti mung nanhte gaw, ?Rai sa nye a matu shachyaw na shara jaw lu hkra
lakung lakying ni hpe gyi kau ai hkrum
ma ai,? ngu nna tsun na marin dai.
20 Dai nanhte tsun ai hte maren teng nga ai. Shanhte n kam n sham ai majaw gyi
kau ai hkrum ma ai; nanhte chyawm gaw
Madu hpe kam sham ai majaw tsanlun hpun
hta shara la lu myit dai. Rai ti mung,
nanhte gaw dai lam a majaw gumrawng
gumtawng rai na malai hkrit kang nga
mu.
21 Hpa majaw nga yang, Karai Kasang gaw mi na lakung lakying madung ngu ai
Yuda masha ni hpe pyi n lahpawt dum
a yang gaw, nanhte hpe lahpawt dum na
ra ai ngu nna myit nawn nga myit ni?
22 Ndai kaw Karai Kasang gaw gade daram matsan dum lama chye ai hte gade daram
laja lana ari jaw chye ai wa re ai hpe
anhte mu lu ga ai. Shi gaw yubak mara
galaw ai ni hpe laja lana ari jaw nga
ai rai ti mung nanhte gaw shi a matsan
dum lama ai lam hpe hkam la ai lam hta
matut nna ging dan hkra hkawm sa ai rai
yang, shi gaw nanhte hpe matsan dum
lama nga na ra ai. Rai ti mung nanhte
mung shi a matsan dum lama ai hpe hkam
la ging ai ni n tai myit yang gaw
nanhte mung, gyi kau ai hkrum na marin
dai.
23 Yuda masha ni shanhte a n kam n sham ai myit hpe kau da ma ai rai yang gaw,
shanhte hpe mi na ndu hta bai shachyaw
matut da ai hkrum lu na mara ai. Hpa
majaw nga yang, Karai Kasang gaw shing
rai galaw lu ai wa rai nga ai.
24 Nanhte maigan masha ni gaw dai tsanlun chyalam lakung hpe gyi la nhtawm htung
n nga ti mung mi na tsanlun hpun chyanyi
majing hta shachyaw matut hkai ai hte
bung nga myit dai. Yuda masha ni gaw
dai tsanlun chyanyi hpun hte bung nga
ai rai nna tsanlun hpun chyanyi lakung
ni hpe mi na tsanlun hpun majing hta
matut shachyaw hkai na gaw Karai Kasang
a matu grau loi na n rai ni?
25 Hpu nau ni e, nanhte gaw tinang dai chye chyang la ni ai ngu nna
n myit la na matu Karai Kasang a sung
htum ai hte makoi magap da ai teng man
ai lam langai mi nanhte hpe chye na
shangun mayu nngai. Dai gaw Israela
amyu masha ni tut nawng myit shaja
kau nna nga na ma ai n rai, rai ti mung
dai gaw hkye hkrang la hkrum nna Karai
Kasang kaw du wa na kaga amyu masha ni
a jahpan wa hkum ai ten du hkra sha rai
na rai nga ai.
26 Shing rai Israela masha ni yawng hte gaw hkye hkrang la ai hkrum na mara ai.
Dai hte maren Chyum Laika hta,
?Ziun kaw na hkye hkrang la ai wa paw pru na ra ai rai nna
Yaku a aru arat ni kaw na n hkru n shawp ai lam mahkra hte hpe yeng seng
kau na ra ai. Ref 11:26: Shk 14:7; Esa 59:20.
27 Shanhte a yubak mara ni hpe ngai raw dat yeng seng kau ya ai shaloi e,
ngai shanhte hte ndai ga shaka tawn da na nngai.? nga nna ka da nga ai. Ref 11:27: Esa 27:9; Yer 31:31; Heb 8:8; 10:16.
28 Dai Kabu Gara Shiga hpe shanhte kabai kau ma ai majaw, Yuda amyu masha
ni gaw Karai Kasang a hpyen tai wa
masai. Shing rai byin wa ai gaw maigan
amyu masha ni ngu ai nanhte akyu hkam
la na matu rai nga ai. Rai ti mung,
Karai Kasang gaw shanhte hpe lata la
ai amyu shatai sai majaw shanhte a kaji
kawa ni hpe tawn da sai ga sadi a gawp
e shanhte gaw shi a tsaw ra hkrum ai
ni rai nga ma ai.
29 Hpa majaw nga yang Karai Kasang gaw kadai hpe rai ti mung shaga la nna
shaman chyeju jaw na matu daw dan sai
hpang myit n galai chye ai wa rai nga ai.
30 Nanhte maigan amyu masha ni chyawm gaw moi shawng de Karai Kasang hpe n madat
n mara myit dai; rai ti mung ya Karai
Kasang matsan dum lama ai lam hkam la
lu ai gaw Yuda amyu masha ni Karai
Kasang a ga hpe n madat n mara ai majaw
rai nga ai.
31 Karai Kasang a matsan dum lama ai hpe nanhte hkam la lu ai hte
maren Yuda amyu masha ni shanhte mung
hkam la lu na matu Karai Kasang a ga
hpe ya n madat n mara nga ma ai.
32 Hpa majaw nga yang masha nlang hte gaw shi a ga n madat n mara ma ai majaw
Karai Kasang gaw shanhte hpe n madat n
mara ai bawng masha ni tai shangun kau
mu ai. Shing rai shi galaw ai gaw masha
nlang hte hpe shi a matsan dum lama ai
lam madun dan mayu ai majaw rai nga ai.
33 Karai Kasang a chyeju gaw gade wa n taw n tsang law htam nga a hka! Karai
Kasang a hpaji byeng-ya hte chye chyang
ai lam gaw gade wa sung nga a hka! Shi
a daw dan hparan ai lam ni hpe kadai
wa sanglang htai dan lu a ta? Shi a lam
ni hpe kadai wa chye na lu na a ta? Ref 11:33:
Yob 11:7; Shk 36:6; 92:5; 1Ko 2:16.
34 Chyum laika hta,
?Dai Madu a myit hpe kadai dang chye a ta?
Shi hpe kadai hpaji jaw lu a ta? Ref 11:34: Yob 15:8; 36:22; Esa 40:13; 1Ko 2:16.
35 Madu kaw nna chyeju bai htang ai hkrum u ga,
kadai wa shi hpe hpa baw shawng sak jaw yu sata?,? nga nna rawng nga ai. Ref 11:35: Yob 35:7; 41:11.
36 Hpa majaw nga yang arai yawng mayawng hte hpe shi hpan da nu ai rai nna
yawng mayawng hte gaw shi a matu mara
pra nga ai a majaw shi kaw e htani
htana hpung shingkang anga nga u ga
law! Amen. Ref 11:36: 1Ko 8:6; Gal 1:5;
2Tm 4:18; Heb 13:21; 2Pe 3:18.