7
(1Hk 8: 62-66)
Hkawhkam Shawlumon akyu hpyi ngut jang, sumsing lamu de na wan hkrat wa nhtawm nawng jau da ai shagu hkungga ni hpe hkru kau wu ai; shing rai Nawku Htingnu hta dai Madu a htoi tu ai hpung shingkang hte hpring nga ai. Ref 7:1: Jaw 9:23-24. Dai Nawku Htingnu hta htoi tu ai hpung shingkang hpring nga ai majaw hkinjawng ni kata de n shang lu ma ai. Sumsing lamu na wan hkrat wa nhtawm htoi kabrim ai gaw Nawku Htingnu hta hpring nga ai hpe Israela amyu masha ni mu jang, shanhte gaw nlung nep da ai shara e myi man gum dagup let Karai Kasang hpe nawku nhtawm shi a mai kaja ai lam hte htani htana tsaw ra myit a majaw shi hpe shakawn kungdawn nga ma ai. Ref 7:3: 1Hl 16:34; 2Hl 5:13; Ezr 3:11; Shk 100:5; 106:1; 107:1; 118:1; 136:1; Yer 33:11. Dai hpang Shawlumon hte amyu masha ni yawng dai Madu hpe shagu hkungga nawng ya ma ai. Shi gaw mahku hkungga a matu dumsu 22,000 hte sagu 120,000 hpe sat nawng ya wu ai; shing rai shi hte amyu masha ni yawng dai Nawku Htingnu hpe ap nawng da ma ai. Hkinjawng ni gaw shanhte a matu masat da ya ai shara ni hta Lewi masha ni gaw hkinjawng ni maga de myi man hkrum rai tsap nga nhtawm Hkawhkam Dawi tawn da sai htung hte maren, ?Shi a tsaw ra myit htani htana agrin nga ai!,? nga nna mahkawn mangoi ai mahkawn ga hpe madum sumpyi ni hte dai Madu hpe shakawn kungdawn ma ai. Hkinjawng ni gaw amyu masha ni yawng tsap nga yang pahtau dum ma ai.
Shawlumon gaw Nawku Htingnu man na wang a ka-ang shara hpe ap nawng wu ai; dai yang e hkum ting nat ai shagu hkungga ni, shadung hkungga ni, mahku hkungga ni a sau man ni hpe nawng ya wu ai. Shi galaw ai ndai amu a majaw ndai hkungga ni yawng hpe nawng jau na matu shi galaw tawn da nu ai magri mang tawn hkungri gaw nau wa kaji mat nga ai.
Shawlumon hte Israela amyu masha ni gaw nhtoi sanit ya tup Sum Poi galaw ma ai. Dai yang e, dingdung maga Hamat uhkan kaw nna dingda maga Egutu lamu ga jarit du hkra na amyu masha wunawng wuwa ni sa du shajang nga ma ai. Tawn hkungri ap nawng ai hpawng sanit ya galaw ngut jang, poi a matu mung nhtoi sanit ya naw galaw ma ai. Shing rai jahtum shani hta zup hpawng hpungdim ai poi galaw ma ai. 10 Shata sanit a nhtoi hkun masum ya shani e, Shawlumon gaw amyu masha ni hpe nta wa kau shangun wu ai. Shi a amyu masha Israela hpe mung, Dawi hte Shawlumon hpe mung dai Madu jaw ya ai shaman chyeju yawng a majaw shanhte kabu gara shajang ma ai.
(1Hk 9:1-9)
11 Hkawhkam Shawlumon gaw Nawku Htingnu hpe mung, hkawhkam htingnu hpe mung shi galaw mayu ai bungli yawng hpe mung awng dang hkra shangut lu jang, 12 dai Madu gaw shana e shi kaw dan pru wu ai. Shi gaw Shawlumon hpe, ?Na a akyu hpyi ga hpe ngai na ni ai; ndai Nawku Htingnu hpe nye a matu shagu hkungga ni nawng ya ai shara shatai na ngai hkap la nngai. 13 Marang n htu shangun ai mung, nsi naisi ni hpe sha shaza kau na matu dinggam-yaw ni hpe shangun dat ai hte nye a amyu masha ni a ntsa e ana zinli shangun dat ai aten shagu hta, 14 shanhte galaw shut kau sai n hkru n shawp ai amu kaw nna myit malai ai hte kayin wa nhtawm ngai kaw akyu hpyi mu ai rai yang, sumsing lamu hta madat mara ya na nngai. Shing rai shanhte a yubak mara ni hpe raw dat kau ya nhtawm shanhte a mungdan hpe bai ngamu ngamai shangun na we ai. 15 Ndai Nawku Htingnu hpe ngai sin yu nga na rai nna, ndai yang e ap nawng ai akyu hpyi ga yawng mayawng hpe na ya na jin jin rai nga na nngai; 16 hpa majaw nga yang, ndai lam hpe ngai lata la ni ai rai nna htani htana ngai hpe nawku na shara hku dai hpe ap nawng da nga sai. Dai rai nna dai hpe ngai sin yu let aten shagu dai hpe makawp maga na we ai. 17 Na nwa Dawi galaw ai zawn nye a tara ni yawng hpe madat mara nhtawm ngai nang hpe hkang da mada lam magup hpe galaw let sadi sahka hte ngai hpe daw jau ai rai yang, 18 Israela mung hpe shi a amyu matu ni tut nawng up nga na mara ai, ngu nna ngai shi hpe tsun ni ai hte maren, na nwa Dawi hte ngai tawn da ai ga sadi hpe ngai shatup na nngai. Ref 7:18: 1Hk 2:4. 19 Rai ti mung ngai nang hpe jaw ya sade ai tara ni hte hkang da ai ga ni hpe nang hte na a amyu masha ni n madat ai sha kaga karai ni hpe nawku mat myit dai rai yang chyawm gaw, 20 ngai nanhte hpe jaw da ai mungdan kaw nna nanhte hpe ngai jahtaw kau nhtawm ngai hpe nawku na matu ngai ap nawng da se ai ndai Nawku Htingnu hpe ngai kau da na we ai. Shara shagu hkan nga ai masha ni mung, Israela hpe asawng asang di nna n-gawn n sawn di kau na mara ai.
21 ?Dai Nawku Htingnu gaw ya aten e hkik hkam ai hte shagrau sha-a hkrum nga ti mung, dai makau hku lai wa ai masha shagu hte gaw mau kajawng mat nhtawm, ?Dai Madu gaw hpa a majaw ndai mungdan hte Nawku Htingnu hpe ndai zawn galaw kau a ta?,? nga nna san na mara ai. 22 Masha ni gaw, ?Shing re ai lam gaw Egutu mung kaw nna shanhte a kaji kawa ni hpe woi wa ai dai Madu shanhte a Karai Kasang hpe kau da ai majaw rai nga ai. Shanhte gaw kaga karai ni a hpang de hkan nang ai hte dai ni hpe nawku mat ma ai. Dai lam a majaw, dai Madu mung shanhte a ntsa e ndai ru yak tsin-yam tsindam shapraw dat nga ai,? ngu nna htan na mara ai.