9
Israela amyu masha ni yawng hpe dinghku ni hte dinghku hku hkan nna ka da nga ai; dai hpe Israela Hkawhkam ni a Laika hta ka da nga ai.
Yuda amyu masha ni chyawm gaw shanhte galaw ai yubak ari a majaw Babelon mung de bawng rim woi mat wa hkrum ma ai. Shanhte a sut gan arung arai nga ai mare ni de shawng nhtang wa ai ni hta Israela masha ni, hkinjawng ni, Lewi ni hte Nawku Htingnu gaw ai masha ni lawm ma ai.Ref 9:2-3: Ezr 2:27; Neh 7:73. Yuda, Benyamin, Ehprim hte Manashe amyu bawsang ni hta na amyu masha ni mung Yerusalem mare hta wa nga nga ma ai.
4-6 Yerusalem mare hta nga ai Yuda amyu bawsang na dinghku ni gaw 690 rai nga ai. Yuda amyu matu ni gaw Yuda a kasha Hparet, shanhte a ningbaw ngu na Amihu a kasha Uhtai, Omri a kashu ni rai nga ai. Uhtai a kaji kawa ngu na Imri hte Bani yan mung lawm nga ai.
Yuda a kasha Shela a amyu matu hta shanhte a ningbaw ngu na dinghku a ningbaw tai ai Asaia ni rai nga ai.
Yuda a kasha Zera a amyu matu hta shanhte a ningbaw Yeuela lawm nga ai.
7-8 Yerusalem mare hta nga ai Benyamin amyu bawsang hta na masha ni gaw ndai ni rai nga ai:
Meshulam a kasha Salu, Meshulam gaw Hodawia
a kasha, Hodawia gaw Hasenua a kasha,
Yeroham a kasha Ibnea; Uzi a kasha Ela, shi gaw Mihkri a kashu rai nga ai.
Shehpatia a kasha Meshulam; Shehpatia gaw Reuela a kasha, Reuela gaw Ibniya a kasha rai nga ai.
Dai yang e ndai amyu bawsang kaw na dinghku 956 rai nga ai. Lahta de mying rawng ai masha ni yawng gaw tinang dinghku ni a ningbaw ni rai ma ai.
10-12 Ndai ni gaw Yerusalem mare hta nga ai hkinjawng ni rai nga ai:
Yedaia, Yehoiarib, Yahkin
Hilkia a kasha Azaria (shi gaw Nawku Htingnu hpe up hkang ai hpareng wa rai nga ai.) Shi a kaji kawa ni hta Meshulam, Zadok, Meraiot hte Ahitub ni lawm nga ai.
Yeroham a kasha Adaia, shi a kaji kawa ni hta Pashura hte Malhkiya yan lawm ma ai.
Adiela a kasha Masai, shi a kaji kawa ni hta Yazera, Meshulam, Meshilemit hte Imera ni lawm nga ai.
13 Tinang dinghku ni a baw ni ngu na hkinjawng ni yawng 1,760 rai nga ai. Shanhte gaw Nawku Htingnu kata na daw jau amu magam yawng hta amu grai chye galaw ai ni rai ma ai.
14-16 Hashuba a kasha Shemaia, shi a kaji kawa ni hta Azrikam hte Merari amyu lakung na Hashabia ni lawm nga ai.
Bakbaka, Heresha hte Galala
Mihka a kasha Matania, shi a kaji kawa ni hta Zihkri hte Asap ni lawm nga ai.
Shemaia a kasha Obadia shi a kaji kawa ni hta Galala hte Yeduhtun yan lawm nga ai.
Asa a kasha, Netohpa mare hpe madu da ai lamu ga hta nga ai Elkana a kashu Berehkia rai nga ai.
17 Yerusalem mare hta nga nna Nawku Htingnu sin ai ni gaw: Shalum, Akub, Talamon, Ahiman ni rai ma ai. Shalum gaw shanhte a ningbaw rai nga ai. 18 Shanhte a amyu lakung lama ni gaw dai aten kaw nna ya du hkra sinpraw maga na Hkawhkam Chyinghka e 9:18: Hkawhkam chyinghka: Nawku Htingnu a sinpraw maga na chyinghka hpe tsun ai; hkawhkam wa gaw dai lam hku tut nawng shang wa wa re ai lam rai nga ai. lam de shang wa ai chyinghka lam hta sin ai ni rai nga ai. Shawng de mahtang Lewi masha ni a dap dabang de sa wa ai chyinghka lam ni hta shanhte sin ma ai.
19 Kora lakung lama kaw na Ebiasap a kashu, Kore a kasha Shalum gaw Kora lakung na shi a kahpu kanau ni hte rau shanhte a kaji kawa ni dai Madu a dap hpe woi hpareng nga masai zawn dai Madu a hpung shingkang shanu nga ai Sum de shang wa ai chyinghka lam hpe sin na lit lu ma ai. 20 Eleaza a kasha Hpineha gaw lai sai aten shanhte hpe woi up lai wa sai-dai Madu gaw shi hte rau anga nga u ga law!
21 Meshelemia a kasha Zehkaria mung dai Madu a hpung shingkang shanu nga ai Sum de shang wa ai chyinghka hpe sin nga ai.
22 Shang wa chyinghka lam ni hte chyinghka ni hpe sin na matu san da hkrum ai ni yawng gaw 212 rai nga ai. Shanhte gaw shanhte nga ai kahtawng ni hku hkan nna ka matsing da nga ai. Ndai zawn re ai shanhte a kaji kawa ni a lit ni hpe Hkawhkam Dawi hte myihtoi Samuela yan aya dang ya nga ma ai. 23 Shanhte hte shanhte a amyu matu ni gaw Nawku Htingnu a chyinghka lam ni hpe matut sin nga ma ai. 24 Sinpraw, sinna, dingdung, dingda man mali shagu hta chyinghka langai ngai hte sin langa agyi langai ngai nga nga ai. 25 Ndai sin langa ni gaw kahtawng ni hkan nga ai shanhte a kahpu kanau ni sanit ya nhtoi ngu na ladaw da ai aten shagu hta shanhte a sin langa lit hpe galai la ya na matu karum la hkrum ma ai. 26 Sin langa agyi mali gaw Lewi masha ni rai ma ai. Shanhte gaw hpang jahtum gun hpai na lit lu ai ni rai ma ai. Shanhte gaw dai Nawku Htingnu kata nga ai gawk ni a matu mung, dai shara ni hta kyem mazing bang da ya ai arung arai ni hpe sin na matu mung lit lu ma ai. 27 Shanhte gaw dai hpe sin na matu mung, jahpawt shagu chyinghka ni hpe hkan hpaw na lit lu nga ma ai majaw, Nawku Htingnu makau e shanhte nga nga ma ai.
28 Kaga Lewi masha ni gaw nawku daw jau yang lang ai gawm ni hpe sin na lit lu ma ai. Shanhte gaw dai ni hpe shaw shapraw ai hte bai la bang ai aten shagu hta shanhte lang ai arung arai ni hpe hti nna jep yu ma ai. 29 Kaga ni gaw chyoi pra ai shara hta lang ai arung arai, mani ai shadung, sabyi, tsanlun sau, manam pyaw ai baw hte namji namya ni hpe lajang na matu san da ai hkrum nga ma ai. 30 Rai ti mung manam pyaw ai baw namji namya kayau na lit chyawm gaw hkinjawng ni hte sha seng nga malu ai.
31 Kora amyu lakung na Shalum a kasha alat Matihtia mying ai Lewi masha langai mi gaw muk kabaw ai hkungga f 9:31: Muk kabaw ai hkungga ni: Mani ai shadung hpe tsanlun sau hte gumchya nna muk pa galaw nhtawm Karai Kasang hpe nawng ya ai hkungga hpe tsun ai. ni hpe hkyen lajang ya na lit lu nga ai. 32 Kohat amyu lakung ni gaw Nawku Htingnu kata tawn da ai dai chyoi pra ai muk g 9:32: Chyoi pra ai muk: Nawku Htingnu na muk ku ntsa e Bansa Nhtoi shagu Karai Kasang hpe nawng ya na matu tawn da ai muk pa shi lahkawng hpe tsun ai re (Jaw 24:5-9 hpe yu u). ni hpe Bansa Nhtoi shagu hta hkyen lajang tawn na lit lu ma ai.
33 Lewi dinghku masha nkau mi gaw Nawku Htingnu mahkawn mangoi amu hta lit la nga ma ai. Ndai dinghku masha ni a ningbaw ni gaw Nawku Htingnu wang na nta nkau mi hta nga ra ma ai; shanhte gaw shani shana tinang hte seng ai amu galaw ra nga ai majaw amu kaga hte lawt ai ni rai ma ai.
34 Shanhte a kaji kawa lakung lama ni hte maren, lahta e mying rawng ai masha ni gaw Lewi dinghku masha ni yawng hta na ningbaw ni hkrai rai ma ai. Shanhte gaw ningbaw ni rai nna Yerusalem mare e nga nga ma ai.
(1Hl 8:29-38)
35 Yeiela gaw Gibeon mare hpe de da ai rai nna dai mare e nga nga ai. Shi a madu jan a mying gaw Mahka rai nga ai. 36 Shi a shadang sha alat a mying gaw Abdon rai nga ai. Kaga shadang sha ni gaw Zura, Kisha, Bala, Nera, Nadab, 37 Gedora, Ahio, Zehkaria hte Miklot ni rai ma ai. 38 Miklot gaw Shimea a kawa rai nga ai. Shanhte a amyu matu ni gaw Yerusalem mare e shanhte a lakung lama na dinghku masha ni a makau hkan e nga nga ma ai.
39 Nera gaw Kisha a kawa rai nna, Kisha gaw Hkawhkam Shawlu a kawa rai nga ai. Shawlu gaw shadang sha mali lu nga ai; dai ni gaw Yonahtan, Mahkishua, Abinadab hte Eshbala h 9:39: Eshbala: Ndai mying hpe 2 Sa 2:8 hta Ishboshet ngu nna lang nga ai. ni rai nga ai. 40 Yonahtan gaw Meribala a kawa rai nna shi gaw Mihka a kawa rai nga ai. 41 Mihka gaw shadang sha mali lu ai; dai ni gaw Pihton, Melek, Tarea hte Ahaza ni rai nga ai. 42 Ahaza gaw Yara a kawa rai nga ai, shi gaw shadang sha masum lu ai; dai ni gaw Alemet, Azmawet hte Zimri ni rai nga ai. Zimri gaw Moza a kawa rai nga ai, 43 Moza gaw Binea a kawa, Binea gaw Rahpaia a kawa, Rahpaia gaw Eleasa a kawa, Eleasa gaw Azela a kawa rai nga ai.
44 Azela gaw shadang sha kru lu ai; dai ni gaw Azrikam, Bohkeru, Ishmaela, Sheria, Obadia hte Hanan ni rai nga ai.