6
Lewi gaw shadang sha masum lu ai: dai ni gaw Gershon, Kohat hte Merari ni rai nga ai. Kohat mung shadang sha mali lu ai; dai ni gaw Amram, Izhara, Hebron, hte Uziela ni rai nga ai.
Amram mung shadang sha lahkawng lu ai; shan gaw Arun hte Mawshe yan rai nga ai; shi kaw shayi sha Miriam mung nga nga ai. Arun hta shadang sha mali nga ai; dai ni gaw Nadab, Abihu, Eleaza hte Ihtama ni rai nga ai.
Eleaza kaw na ban hte ban pra hkrat wa ai amyu matu ni gaw Hpineha, Abishua, Buki, Uzi, Zerahia, Meraiot, Amaria, Ahitub, Zadok, Ahimaza, Azaria, Yohanan, 10 Azaria gaw (Yerusalem mare e Hkawhkam Shawlumon gap da ai Nawku Htingnu kata hta daw jau amu galaw ai wa rai nga ai), 11 Amaria, Ahitub, 12 Zadok, Shalum, 13 Hilkia, Azaria, 14 Seraia, Yehozadak ni rai ma ai. 15 Dai Madu gaw kaga Yuda amyu masha ni hte Yerusalem mare masha ni hpe Nebuhkadneza a lata hte bawng woi mat wa hkrum ai shaloi Yehozadak mung lawm nga ai.
16 Lewi gaw shadang sha masum lu ai; dai ni gaw Gershon, Kohat hte Merari ni rai nga ai.Ref 6:16-19: Pru 6:16-19.* 17 Shanhte langai hte langai hta mung shadang sha ni lu ma ai; Gershon gaw Libni hte Shime yan a kawa rai nga ai; 18 Kohat gaw Amram, Izhara, Hebron hte Uziela ni a kawa rai nga ai. 19 Merari gaw Mali hte Mushi yan a kawa rai nga ai.
20 Ndai gaw ban hte ban pra hkrat wa ai Gershon amyu matu ni rai nga ai; dai ni gaw Libni, Yahat, Zima, 21 Yoa, Ido, Zera hte Yeaterai ni rai nga ai.
22 Ndai gaw ban hte ban pra hkrat wa ai Kohat a amyu matu ni rai nga ai; dai ni gaw Aminadab, Kora, Asira, 23 Elkana, Ebiasap Asira, 24 Tahat, Uriela, Uzia hte Shaula ni rai nga ai.
25 Elkana gaw shadang sha lahkawng lu ai; dai yan gaw Amasai hte Ahimot yan rai nga ai. 26 Ndai gaw ban hte ban pra hkrat wa ai Ahimot a amyu matu ni rai nga ai; dai ni gaw Elkana, Zohpai, Nahat, 27 Eliaba, Yeroham hte Elkana ni rai nga ai.
28 Samuela gaw shadang sha lahkawng lu ai; dai yan gaw kahpu Yoela hte kanau Abiya yan rai nga ai.
29 Ndai gaw ban hte ban pra hkrat wa ai Merari a amyu matu ni rai nga ai; dai ni gaw Mali, Libni, Shime, Uza, 30 Shimea, Hagia hte Asaia ni rai nga ai.
31 Ndai masha ni gaw Yerusalem mare hta Ga Shaka Sumpu htawt sit bang da ngut ai hpang dai nawku ai shara hta mahkawn mangoi woi awn na matu Hkawhkam Dawi san tawn da ai ni rai nga ai. 32 Hkawhkam Shawlumon Nawku Htingnu hpe garai n gap ai laman e, dai Madu a hpung shingkang shanu nga ai Sum hta aten hte aten shanhte lit la nga ma ai. 33 Dai bungli ni hpe ndai dinghku aru asai matu ni lit la nga ma ai:
Kohat a amyu lakung: Yoela a kasha Heman gaw langai ngu na mahkawn mangoi hpung hpe woi awn ai ningbaw wa rai nga ai. Shi a dinghku aru asai hpe Yaku du hkra gawn da lu nga ai; dai ni gaw Heman, Yoela, Samuela, 34 Elkana, Yeroham, Eliela, Toa, 35 Zup, Elkana, Mahat, Amasai, 36 Elkana, Yoela, Azaria, Zehpania, 37 Tahat, Asira, Ebiasap, Kora, 38 Izhara, Kohat, Lewi, Yaku ni rai ma ai.
39 Asap gaw lahkawng ngu na mahkawn mangoi hpung hpe woi awn ai ningbaw rai nga ai. Shi a dinghku aru asai hpe Lewi du hkra gawn da nga ai: dai ni gaw Asap, Berehkia, Shimea, 40 Mihkaela, Basea, Malhkiya, 41 Etni, Zera, Adaia, 42 Ehtan, Zima, Shime 43 Yahat, Gershon hte Lewi ni rai nga ai.
44 Merari amyu lakung na Ehtan gaw mahkawn mangoi hpung masum hpe woi awn ningbaw ai wa rai nga ai. Shi a dinghku aru asai hpe Lewi du hkra gawn da lu nga ai; dai ni gaw Ehtan, Kishi, Abdi, Maluk, 45 Hashabia, Amazia, Hilkia, 46 Amzi, Bani, Shemera, 47 Mali, Mushi, Merari hte Lewi ni rai nga ai.
48 Shanhte a kahpu kanau Lewi masha ni mung nawku ai shara hta daw jau na amu lit mahkra a matu san da ai hkrum nga ma ai.
49 Arun hte shi a amyu matu ni gaw tawn hkungri ntsa e manam pyaw ai hkungga ni hpe mung, shagu hkungga ni hpe mung nat nawng ya ma ai. Shanhte gaw Chyoi Pra Htum ai Shara hta nawku ai amu yawng a matu mung, Israela masha ni galaw shut kau ai yubak ni hpe Karai Kasang raw dat kau ya na matu htingrai htingrat ya ai shagu hkungga ni a matu lit lu ma ai. Shanhte gaw dai amu hpe Karai Kasang a shangun ma Mawshe hpe jaw ya sai matsun maroi ga ni hte maren hkan galaw ma ai. 50 Ndai gaw Arun a amyu matu ni a aru asai rai nga ai; dai ni gaw Eleaza, Hpineha, Abishua, 51 Buki, Uzi, Zerahia, 52 Meraiot, Amaria, Ahitub, 53 Zadok hte Ahimaza ni rai nga ai.
54 Ndai gaw Kohat a lakung lama rai nga ai Arun amyu matu mara ni hpe masat da ya ai lamu ga rai nga ai. Shanhte gaw Lewi ni hpe masat ya ai shawng na lamu ga sali hpe hkam la lu ma ai. 55 Dai hta Yuda mung na Hebron mare hte de a makau grup yin na udat shara mung lawm nga ai. 56 Dai mare a yi sun hkauna ni hte mare grup yin na kahtawng ni hpe Yehpuna a kasha Hkaleb hpe masat ya nga ai. 57-59 Arun a amyu matu ni hpe masat ya ai mare ni gaw; Hebron, hprawng shingbyi na mare langai, Yatira, Libna a mare ni, Eshtemoa, Hilen, Debira, Ashan, Bet Sheme hte dai ni a udat shara ni rai nga ai. 60 Benyamin a lamu ga hta na shanhte hpe masat ya ai lamu ga hte udat shara ni gaw; Geba, Alemet hte Anahtot ni rai nga ai. Shanhte a dinghku masha ni yawng nga na mare ni gaw mare shi masum rai nga ai. 61 Naw ngam nga ai Kohat a lakung lama ni hpe dinghku hte dinghku hpaida da let masat la ai sinna Manashe a lamu ga hta na mare shi rai nga ai.
62 Gershon a lakung lama ni hpe dinghku hte dinghku hkan nna masat ya nga ai. Dai ni gaw Yisahka, Ashe, Naphtali hte Bashan mung na sinpraw Manashe amyu hta na mare shi masum ni rai nga ai. 63 Dai hte maren, Rubin, Gad, hte Zebulun amyu baw ni a lamu ga hta na mare shi lahkawng hpe Merari a lakung lama hpe dinghku hte dinghku hku masat ya nga ai. 64 Ndai hku nna Lewi masha ni nga na mare ni hte hpawn mare grup yin na udat shara ni hpe mung Israela amyu masha ni masat ya ma ai. 65 (Yuda, Simun hte Benyamin amyu ni hta na lahta de tsun da sai mare ni hpe hpaida da let masat ya ma ai.)
66 Kohat a amyu lakung na dinghku nkau mi gaw Ehprim lamu ga na mare ni hte udat shara ni masat ya ai hkam la lu ma ai; dai mare ni gaw, 67 Shehkem, Ehprim bum ga na hprawng shingbyi na mare, Gezera, 68 Yokmeam, Bet Horon 69 Aiyalon, hte Gat Rimon ni rai nga ai. 70 Sinna Manashe lamu ga hta na Anera hte Bileam mare ni hte de a grup yin na udat shara ni hpe masat jaw ya ai hkam la lu ma ai.
71 Gershon amyu lakung lama na dinghku ni mung ndai mare ni hte grup yin na udat shara ni hpe masat ya ai hpe hkam la lu ma ai; dai lamu ga ni gaw sinpraw Manashe, Bashan mung na Golan hte Ashtarot ni rai nga ai.
72 Yisahka lamu ga hta na: Kedesha, Daberat, 73 Ramot hte Anem ni rai nga ai.
74 Ashe a lamu ga hta na: Mashala, Abdon, 75 Hukok hte Rehob ni rai nga ai.
76 Naphtali a lamu ga hta na: Galile ginwang na Kedesha, Hamon, hte Kiriahtim ni rai nga ai.
77 Naw ngam nga ai Merari amyu lakung na dinghku ni mung mare ni hte grup yin na udat shara ni lu la nga ma ai.
Zebulun a lamu ga hta na: Rimono hte Tabora mare ni lawm nga ai.
78 Rubin a lamu ga hta na: Yerihko mare a shingdu Yawdan hka a sinpraw hkran, pa layang na Bezera, Yaza, 79 Kedemot hte Mehpat mare ni rai nga ai.
80 Gad a lamu ga hta na: Gilead mung na Ramot, Mahanim, 81 Heshbon hte Yazera mare ni rai nga ai.