4
1 Da ndai gaw Yuda amyu matu ni rai nga ai: dai ni gaw Hparet, Hezron, Hkarmi, Hura hte Shobala ni rai nga ai.
2 Shobala gaw Reaia a kawa, Reaia gaw Yahat a kawa, Yahat gaw Ahumai hte Zoara mare hta nga ai amyu masha ni a kaji kawa Lahad a kawa rai nga ai.
3-4 Hura gaw shi a kawa Hkaleb a madu jan Ehprat a kasha alat rai nna, shi a amyu matu ni gaw Betlehem mare hpe de da nga ma ai. Hura gaw shadang sha masum lu nga ai; dai ni gaw Etam, Penuela hte Ezera ni rai ma ai. Etam gaw shadang sha masum lu nga ai; dai ni gaw Yezrela, Ishma, Idbash hte shayi sha Hazeleponi ni rai nga ai. Penuela gaw Gedora mare hpe mung, Ezera gaw Husha mare hpe mung de da nga ma ai.
5 Tekoa mare de ai Ashura gaw Hela hte Nara mying ai num lahkawng lu nga ai.
6 Ashura hte Nara chyawm gaw shadang sha mali lu nga ai; dai ni gaw Ahuzam, Hehpera, Temeni hte Hashtari ni rai nga ai.
7 Ashura hte Hela mung shadang masum lu ma ai; dai ni gaw Zeret, Izhara, hte Etnan ni rai nga ai.
8 Koza gaw Anub hte Zobeba yan a kawa rai nna, Harum a kasha Aharhela amyu lakung lama ni a kaji kawa tai wa nga ai.
9 Yabet gaw shi a dinghku masha ni hta arawng kaba htum ai wa rai nga ai; shi a kanu gaw shi hpe shangai yang grai machyi kau wu ai majaw shi hpe Yabet b 4:9: Yabet: Ndai mying hpe Hebre ga hku machyi ai ?Pain? ngu nna tsun ai. ngu nna shamying da nga ai.
10 Rai ti mung Yabet chyawm gaw Israela Karai Kasang hpe, ?Karai Kasang e, ngai hpe shaman ya e, ngai hpe lamu ga dam lada jat ya e. Ngai hte rau a nga nga nna ngai hpe machyi hkra shangun ai n hkru n kaja ai lam hta na makawp maga la e law,? ngu nna hpyi wu ai. Shi hpyi ai hte maren, Karai Kasang jaw ya nga ai.
11 Shuha a kanau Hkaleb gaw Mehira mying ai shadang sha langai lu wu ai. Mehira gaw Eshton a kawa rai nga ai.
12 Eshton gaw shadang sha masum lu nga ai; dai ni gaw Betrahpa, Pasea hte Tehina ni rai nga ai. Tehina gaw Nahasha mare hpe de ai wa rai nga ai. Ndai masha ni a amyu matu ni mahtang Rehka mare e nga nga ma ai.
13 Kena mung shadang sha lahkawng lu nga ai; shan gaw Otniela hte Seraia yan rai nga ai. Otniela mung shadang sha lahkawng lu wu ai; shan gaw Hahtat hte Menohtai yan rai nga ai.
14 Menohtai gaw Ohpra a kawa rai nga ai.
Seraia gaw kung kyang ai amu galaw masha ni yawng nga ai Lata Sama ni a Kadit ngu ai shara hpe woi de ai Yoab a kawa rai nga ai.
15 Yehpuna a kasha Hkaleb gaw shadang sha masum lu ai; dai ni gaw Iru, Ela hte Naam ni rai nga ai. Ela gaw Kena a kawa rai nga ai.
16 Yehalela gaw shadang sha mali lu nga ai; dai ni gaw Zip, Zihpa, Tiria hte Asarela ni rai nga ai.
17-18 Ezra gaw shadang sha mali lu ai; dai ni gaw Yehtera, Mered, Ehpera, hte Yalon ni rai nga ai. Mered gaw Egutu hkawhkam a shayi sha Bihtia hpe hkungran la wu ai rai nna shan hta shayi sha Miriam hte shadang sha lahkawng rai nga ai Shamai hte Ishba rai nga ai. Ishba mahtang Eshtemoa mare hpe de da ai wa rai nga ai. Mered mung Yuda amyu bawsang hta na numsha langai mi hpe hkungran la nhtawm shadang sha masum shaprat wu ai; shanhte gaw Gedora mare hpe woi de ai Yered, Sohko mare hpe woi de ai Hebera hte Zanoa mare hpe woi de ai Yekuhtila ni rai nga ai.
19 Hodia gaw Naham a kajan hpe hkungran la wu ai rai nna shanhte a matu mara ni gaw Keila mare e nga ai Garmi amyu lakung lakying ni hte Eshtemoa mare hta nga ai Mahkahti amyu lakung lakying ni hpe de da nga ai.
20 Shimon hta shadang sha mali nga ai; dai ni gaw Amnon, Rina, Benhanan, hte Tilon ni rai nga ai.
Ishi hta shadang sha lahkawng nga ai; dai yan gaw Zohet hte Benzohet yan rai nga ai.
21 Shela gaw Yuda a shadang sha ni hta na langai mi rai nga ai. Shi a amyu matu ni hta Lehka mare hpe woi de ai Era mung, Maresha mare hpe woi de ai Lada mung, Bet Ashbea mare hta nga nna mani ai lachyit sumpan ni hpe chye da ai ni,
22 Yokim hte Hkozeba mare hta nga ai amyu masha ni, Moba numsha ni hpe la nna Betlehem mare hta nga ai Yoasha hte Sarap ni lawm nga ma ai. (Ndai gawn da ai labau ni gaw moi na ga ni rai nga ai.)
23 Shanhte gaw dibu sama ni rai nga ma ai rai nna hkawhkam wa a matu magam galaw let, Netim hte Gedera mare hkan nga nga ma ai.
24 Simun hta shadang sha manga nga ai; dai ni gaw Nemuela, Yamin, Yarib, Zera hte Shaula ni rai nga ai.
25 Shaula a kasha gaw Shalum, shi a kashu gaw Mibsam, shi a shu mashi gaw Mishma rai nga lu ai.
26 Dai hpang Mishma kaw nna pra hkrat wa ai ni gaw Hamuela, Zahkura hte Shime ni rai nga ai.
27 Shime gaw shadang sha shi kru hte shayi sha kru shaprat wu ti mung, shi a kahpu kanau ni mahtang kashu kasha law law n lu nga ma ai. Simun amyu bawsang ni gaw Yuda amyu bawsang ni zawn law htam mayat maya nga ma ai n rai.
28 Simun a amyu matu ni gaw Hkawhkam Dawi a prat du hkra ndai mare ni hkan naw nga nga ma ai: dai mare ni gaw Berasheba, Molada, Hazashuala,
29 Bila, Ezem, Tolad,
30 Behtuela, Horma, Ziklag,
31 Bet Mahkabot, Hazarasusim, Betbiri hte Sharim mare ni rai nga ai.
32 Shanhte gaw kaga shara manga hta mung naw nga nga ma ai; dai shara ni gaw Etam, Ain, Rimon, Tohken, Ashan hte
33 grup yin kahtawng ni hte sinna dingda maga Balat mare du hkra rai nga ai. Dai gaw shanhte a dinghku masha ni hte shanhte nga ai buga shara ni hpe ka mazing da ai rai nga ai.
34-38 Ndai masha ni gaw shanhte a amyu lakung lama ni a ningbaw ni rai nga ma ai:
Meshoba, Yamlek, Amazia a
kasha Yosha, Yoela,
Yehu (shi gaw Yoshibia a kasha, Yoshibia gaw
Seraia a kasha, Seraia gaw Asiela a kasha rai nga ai.)
Elioenai, Yakoba, Yeshohaia, Asaia,
Adiela, Yesimela, Benaia,
Ziza (shi gaw Shihpi a kasha, Shihpi gaw Alon a kasha, shi gaw Yedaia, Shimri hte Shemaia ni a amyu matu langai rai nga ai.)
Shanhte a dinghku masha ni mahtang matut nna mayat maya nga ma ai majaw,
39 Sinna maga de Gerara c 4:39: Gerara: Ndai mying hpe Hebre ga hku ?Gedora? ngu nna tsun ai. mare ganoi du hkra shanhte maden mat wa nhtawm mare de ai kadit a sinpraw maga hku shanhte a sagu ni hpe rem ma ai.
40 Shanhte gaw sim sa nna ngwi pyaw ai bum ga na dam lada re ai tsit lali ai udat shara ni hpe sa mu ma ai. Ham masha ni garai n sa nga yang, amyu masha ni gaw dai yang hkan e nga nga masai.
41 Lahta e mying rawng lai wa sai masha ni gaw Yuda Hkawhkam Hezekia a prat e, Gerara mare de sa nhtawm dai mare e nga ai amyu masha ni a sum hte ginsum ni hpe jahten shaza kau ya mu ai. Dai gaw shanhte a sagu ni a matu tsit lali ai udat shara law law nga nga ai majaw dai mare na masha ni hpe shaden kau nhtawm dai shara e tut nawng nga nga ma ai.
42 Simun amyu bawsang hta na kaga marai manga tsa hte mung sinpraw maga de shanang sa mat wa nhtawm Edom mung e sa nga nga ma ai. Shanhte hpe dai mung de Ishi a shadang sha ni ngu na Pelatia, Naria, Rehpaia hte Uziela ni woi sa wa mu ai.
43 Dai yang e naw ngam nga ai Amalek masha ni hpe shanhte sat kau nhtawm dai ni du hkra dai yang e shanhte nga nga ma ai.