SHAKAWN KUNGDAWN 94
1 Madu e, nang gaw ari jaw ai Karai Kasang rai nga ndai;
na a masin kahtet ai hpe madun dan u!
2 Nang masha yawng mayawng hte hpe tara jeyang ai wa rai nga ndai;
rawt nna, gumrawng gumtawng ai ni lu la ang ai hte maren, ari jaw ya u!
3 Tara n lang ai masha ni galoi aten du hkra kabu gara lu na rai nga ma ta?
Madu e, galoi aten du hkra rai na kun?
4 Ru hka amu galaw shapraw ai ni mung galoi aten du hkra,
gumrawng gumtawng lu nna grang dakat lu na rai nga ma ta?
5 Madu e, shanhte gaw na a amyu masha ni hpe adip arip di nna;
nang madu tawn sai amyu masha ni hpe shanhte dip gamyet sha nga ma ai.
6 Shanhte gaw gaida jan ni hte jahkrai ma ni hpe sat nga ma ai hte,
anhte a lamu ga hta nga ai tsasam manam ni hpe mung htau kau ma ai.
7 Shanhte gaw, ?Madu anhte hpe n mu nga ai;
Israela a Karai Kasang mung n yu nga ai,? nga nna tsun ma ai.
8 Nye a amyu masha ni e, nanhte gaw kaning rai nna hpaji n rawng ai hte angawk angak
rai mayu nga myit ni?
Galoi mi she, sharin hkam la na ngu nga myit ni?
9 Karai Kasang gaw anhte a na ni hpe hpan da ya mani ai-shi anhte hpe ari n jaw
na rai wu ni?
Karai Kasang gaw anhte a myi ni hpe hpan da ya mani ai-shi n mu lu na rai wu ni?
10 Shi gaw amyu baw ni hpe daru sharin nga ai- shi anhte hpe ari n jaw na rai wu ni?
Shi gaw shinggyim masha ni yawng a sharin sara rai nga ai-shi hpaji n rawng nga a ni?
11 Madu gaw shanhte hpa myit nga ai hpe chye nga ai,
shi gaw shanhte a myit sawn yu ai lam, kade lachyum n pru nga ai hpe chye ya
nga ai.Ref 94:11: 1Ko 3:20.
12 Madu e, nang matsun madun ai hte
nang sharin ya ai tara hpe hkam la lu ai wa gaw kade wa a nga a hka!
13 Tara n lang ai ni hpe mahkam hkam na matu, nhkun htu tawn ai aten du hkra
ru tsang ai nhtoi ni kaw na, nang shi hpe ban sa ai lam jaw ya nga ndai.
14 Madu gaw shi a amyu masha ni hpe kau da na ra ai n rai;
shi hte seng ai amyu masha ni hpe kabai kau da na ra ai n rai.
15 Tara rung ni hta teng man ai lam hpe bai mu lu wa na ra ai;
ding hpring ai masha ni yawng hte mung dai lam hpe madi shadaw na mara ai.
16 Kadai wa gaw nye a maga de tsap nna, tara n lang ai masha ni hpe gumlang
yu nga a ni?
Kadai wa gaw nye a maga de nga nna, n hkru ai amu galaw ai ni hpe ninghkap
yu nga a ni?
17 Lama, Madu gaw ngai hpe n karum ai rai yang,
katsi katsang re ai lamu ga j 94:17: katsi katsang re ai lamu ga: katsan ga (6:5 hta yu u.) de, tin tin ngai sa mat wa na we ai.
18 ?Ngai kashawt taw nga nngai,? nga nna ngai tsun nngai;
rai ti mung, Madu e, na a dinggrin tsaw ra myit hte ngai hpe pawn sharawt
la nga ndai.
19 Ngai myit ru myit tsang hkrum hkra nga ai shaloi;
nang ngai hpe shalan shabran ai hte kabu gara shangun nga ndai.
20 N tara ai amu hpe tara shang hkra chye galaw nna,
dai zawn re ai gumhpraw marin ai tara agyi ni hte nang hpa mung n seng nga ndai.
21 Shanhte gaw kaja ai masha ni hpe n hkru ai hku maw mawn nhtawm,
mara n kap ai masha ni hpe si ari jaw nga ma ai.
22 Rai ti mung, dai Madu gaw nye dahpran shara rai nna;
nye a Karai Kasang ngai hpe makawp maga ya nga ai.
23 Shi shanhte hpe tara n lang ai amu a jaw e, ari jaw na ra ai,
shanhte a yubak ni a majaw shanhte hpe jahten kau na ra ai;
Madu anhte a Karai Kasang gaw shanhte hpe jahten shamyit kau na mu
ai law.