SHAKAWN KUNGDAWN 91
Shim nga lu na matu,Madu hpang de du sa wa ai wa kadai rai ti mung;
Chyahtum Chyalai n-gun rawng ai Wa a makawp maga ai npu hta shanu nga ai wa kadai rai ti mung,
?Nang gaw nye a dahpran shara hte ngai hpe makawp maga ai wa rai nga ndai;
nang gaw nye a Karai Kasang rai nga ndai, nang hta ngai kam hpa nga nngai,?
nga nna shi hpe tsun lu nga ai.
Shi gaw n mu lu ai hkrithpa tsin-yam yawng hte hte,
si shangun lu ai ana ahkya ni yawng kaw nna;
nang hpe shim hkra makawp maga la na ra ai.
Shi gaw shi a singkaw ni hte nang hpe magap da na ra ai,
shi a lanu lahku mada mara ai hta nang shim nga lu na ra ai;
shi a sadi sahka gaw nang hpe makawp maga ya ai hte, bau sin ya na ra ai.
Shana e hkrum chye ai kaning re ai hkrithpa tsin-yam rai tim,
shani e akajawng sha byin wa ai gasat gala lam hpe rai tim;
nsin e byin ai ana zinli ni hpe rai tim,
shani e, n hkru ai ni sat wa ti mung, dai ni hpe nang n hkrit ra nga ndai.
 
Na a makau e masha hkying mi,
na a grup yin e mun mi si taw nga ti mung;
nang hta machyi hkrum lu na n rai.
Tara n lang ai ni, kaning rai ari hkrum sha nga ma ai hpe
nang mu mada lu na ra ai.
 
Nang gaw Madu hpe na a makawp maga shara hte
Tsaw Htum ai Wa hpe na a shingbyi shara nang shatai nit dai.
10 Dai majaw tsin-yam tsindam hpe nang hkrum lu na n rai;
kashun kashe du daw sai hkaw lam mung na a nta hta ni wa lu na n rai.
11 Nang hkawm sa ai shara shagu hta nang hpe makawp maga na hte;
nang hpe bau sin na matu, Karai Kasang gaw shi a lamu kasa ni hpe hkang da na ra ai.Ref 91:11: Mat 4:6; Luk 4:10.
12 Nlung ni hta na a lagaw n ahtu u ga,
shanhte a lata ni hte nang hpe pawn la na mara ai.Ref 91:12: Mat 4:6 Luk 4:11.
13 Hkanghkyi ni hte lapu ni, matse ai hkanghkyi ni hte
tuk rawng ai lapu ni a ntsa e, nang kabye hkawm lu na ra ai.Ref 91:13: Luk 10:19.
 
14 Karai Kasang gaw, ?Ngai hpe tsaw ra ai ni hpe, ngai hkye la na ring ngai;
ngai hpe Madu zawn yin la ai ni hpe ngai makawp maga na ring ngai.
15 Shanhte ngai hpe shaga yang, ngai shanhte hpe htan ya na nngai;
shanhte ru tsang hkrum yang, ngai shanhte hte rau nga nga na nngai.
Ngai shanhte hpe mawai la nna; shagrau sha-a na mawe ai.
16 Ngai shanhte hpe asak galu shangun na nngai,
ngai shanhte hpe hkye hkrang la na nngai,? nga nna tsun ai.