SHAKAWN KUNGDAWN 84
1 Chyahtum Chyalai n-gun rawng ai Madu e, na a Nawku Htingnu hpe ngai kade wa tsaw ra nga a hka!
2 Dai shara hta ngai kade wa nga mayu nga a hka!
Madu a Nawku Htingnu kata hta shanu nga lu na ngai marit nga nngai.
Nye a hkum hkrang, myit masin mahkra hte hte,
ahkrung nga ai Karai Kasang hpe ngai kabu gara mahkawn shakawn nga nngai.
3 Nye a hkawhkam hte nye a Karai Kasang Chyahtum Chyalai n-gun rawng ai Madu e,
u tsa ni pyi, na a tawn hkungri ni a makau e, shanhte a tsip galaw nga ma ai,
pilan ni mung shanhte a matu nta lu nga ma ai,
shing rai, shanhte a u hkalung ni hpe dai shara ni hta tawn da nga ma ai.
4 Na a Nawku Htingnu kata hta nang hpe tut nawng mahkawn shakawn let;
shanu nga ai ni gaw kade wa a nga ma hka!
5 Nang kaw na n-gun atsam lu la nna,
Ziun Bum de nawku lung wa na matu myit katu nga ai ni gaw kade wa a
nga ma hka.
6 Shanhte gaw Baka ngu ai hkun hkraw ai kadit hpe lai di mat wa yang;
dai gaw hka hpawk ni lwi pru ai shara tai wa nga ai;
mahpawng hpaw marang gaw dai shara hpe la-ing ni hte jahpring ya nga ai.
7 Shanhte hkawm sa mat wa magang n-gun atsam grau nna jat la lu nga ma ai;
Ziun Bum ntsa e, karai ni a Karai hpe shanhte wa mu lu na mara ai.
8 Chyahtum Chyalai n-gun rawng ai Madu Karai Kasang e, nye a akyu hpyi ga hpe na ya e;
Yaku a Karai Kasang e, madat ya e!
9 Karai Kasang e, nang lata san da sai hkawhkam ngu ai
anhte a hkawhkam wa hpe shaman ya u.
10 Na a Nawku Htingnu hta lani mi sha nga lu ai gaw
kaga shara e, nhtoi hkying mi nga ai hta grau kaja nga ai;
Ngai gaw tara n lang ai wa a nta ni hta nga lu ai gaw
Karai Kasang a nta chyinghka hkinbawng hta e, tsap nga na hpe, grau nna tsaw
nga nngai.
11 Madu gaw anhte hpe makawp maga ai wa hte hpung shingkang hte hpring
ai hkawhkam wa rai nna;
matsan dum ai myit hte arawng sadang anhte hpe shaman ya nga ai.
Shi gaw teng man ai amu galaw ai ni hpe
mai kaja ai lam hpa hpe mung jaw ya na, ningdang ai n rai.
12 Chyahtum Chyalai n-gun rawng ai Madu e,
nang hpe kam hpa nga ai ni gaw kade wa a lu nga ma hka!