SHAKAWN KUNGDAWN 82
1 Karai Kasang gaw sumsing lamu na kongsi hpe woi awn nga ai;
karai ni a zup hpawng hta shi a daw dan ai lam hpe tsun dan nga ai;
2 ?N tara ai hku tara jeyang ai lam hpe nanhte jahkring da lu na myit dai;
tara n lang ai ni hpe myi man tau ai lam nanhte kachyi mi mung n rai lu
na myit dai.
3 Matsan mayan ni hte jahkrai ma ni a ahkaw ahkang ni hpe makawp maga ya mu;
ra kadawn nga ai ni hte karum la na masha kata ai ni hpe rap ra ai hku
jeyang mu.
4 N hkru n hkra re ai masha ni a n-gun atsam kaw na shanhte hpe mawai la mu!
5 ?Nanhte gaw hpaji n chye nga myit hka! Kade sha angawk angak rai nga myit hka!
Nanhte gaw tsep kawp hten run mat manit dai;
teng man rap ra ai tara gaw ndai mungkan kaw na mat mat sai.
6 ?Nanhte gaw karai ni rai nga myit dai,
nanhte yawng gaw Tsaw Htum ai Wa a kasha ni rai nga myit dai,? ngu
nna ngai tsun ni ai.Ref 82:6: Yhn 10:34.
7 Rai ti mung, masha ni zawn, nanhte si wa na marin dai;
hkawhkam kasha ni zawn nanhte a asak htum mat na marin dai.?
8 Karai Kasang e, sa rit, mungkan ga hpe up hkang nga u;
amyu baw ni yawng hte gaw na a hkrai rai ma ai.