SHAKAWN KUNGDAWN 6
Madu e, masin pawt ai hte ngai hpe hkum daru et!
Na masin kahtet ai hte ngai hpe ari hkum jaw et! Ref 6:1: Shk 38:1.
O Madu e, ngai hki ba la nga nngai, ngai hpe matsan dum la e law!
Ngai tsep kawp kya gumba mat nga nngai majaw ngai hpe n-gun jaw ya e.
Nye a hkum ting mung htum hkra ru tsang hkrum sha nga li ai.
Madu e ngai hpe karum la na matu galoi du hkra ala na ngu nga n ta?
 
Madu e, ngai hpe sa hkye hkrang la e law;
na a matsan dum ai hta, ngai hpe si ai kaw nna mawai la e law.
Katsan ga e, nang hpe dum nga ma ai n rai;
kadai mung, dai shara hta nang hpe shakawn lu ma ai n rai.
 
Ngai yawn hkyen ai hte hki ba la nga nngai,
nye a hkrap agru ai kaw na pru ai myi prwi gaw nye a yupra hpe madi ya nga ai rai nna,
nye a baw hkum mung myi prwi ni hte madi nyap nga li ai.
Nye a gumlau hpyen ni a majaw myi bum mat hkra hkrap nna,
ngai gaw adan aleng n mu lu nga nngai.
 
N hkru ai masha nanhte e, ngai kaw nna pru mat wa mu!
Dai Madu gaw nye a hkrap ngu hkrap ngoi ai nsen hpe na ya nga ai;Ref 6:8: Mat 7:23; Luk 13:27.
shi gaw karum la na matu nye a hpyi jahtau ai nsen hpe madat ya ai hte
nye a akyu hpyi ai ga hpe shi htan ya na ra ai.
10 Nye a gumlau hpyen ni gaw nhtum nni sum kaya ai lam hpe chye wa na mara ai;
shanhte akajawng sha kaming kamawng shaden kau ai hkrum na mara ai.