SHAKAWN KUNGDAWN 54
1 O Karai Kasang e, na a daru magam n-gun hte ngai hpe hkye hkrang la e;
na a grau htum ai n-gun hte ngai hpe shalawt dat e!
2 O Karai Kasang e, nye a akyu hpyi ga hpe na ya e;
nye a n-gup aga ni hpe madat ya e!
3 Gumrawng gumtawng ai ni ngai hpe gasat na matu sa wa nga ma ai;
Karai Kasang hpe hpa zawn n nawn nga ai masha mazut ni mung,
ngai hpe sat na matu shakut nga ma ai.
4 Rai ti mung, Karai Kasang gaw ngai hpe karum la ai wa rai nga ai;
dai Madu gaw ngai hpe makawp maga ai wa rai nga ai.
5 Nye a gumlau hpyen ni hpe ari jaw na matu Karai Kasang gaw shanhte a n
hkru ai hpe bai tai u ga;
shi gaw sadi sahka myit rawng nga ai majaw, shanhte hpe shi shamyit kau na ra ai.
6 O Madu e, ngai nang hpe kabu gara ai myit hte shagu hkungga ni nawng
jau na nngai;
nang mai kaja nga ndai majaw
ngai nang hpe chyeju dum nga na nngai.
7 Nye a ru tsang lam yawng kaw na, nang ngai hpe mawai la nga nit dai,
nye a gumlau hpyen ni sum mat ai hpe ngai mu se ai.