SHAKAWN KUNGDAWN 34
Ngai gaw dai Madu hpe tut nawng chyeju dum nga na nngai;
shi hpe shakawn ai lam, ngai galoi mung jahkring kau na nngai n rai.
Shi galaw da sai amu a matu, ngai shi hpe shakawn nga na nngai;
dip gamyet sha hkrum ai ni yawng hte e, madat la nna kabu gara nga mu!
Dai Madu a galu kaba ai lam hpe ngai hte rau htawn tsun ga;
shi a mying nsang hpe anhte jawm shakawn ga!
 
Ngai gaw Madu kaw akyu hpyi ni ai hte shi ngai hpe htan ya ni ai;
shi gaw nye a hkrithpa lam yawng kaw na, ngai hpe shalawt la ni ai.
Dip gamyet sha hkrum ai masha ni gaw dai Madu hpe yu nna kabu gara nga ma ai;
shanhte gaw galoi mung myit daw myit hten ai hkrum na mara ai n rai.
Matsan mayan hkrum ai masha ni shi hpe shaga yang, shi htan ya nga ai;
shi gaw shanhte a ru yak tsin-yam yawng kaw na shanhte hpe hkye hkrang la nga ai.
Madu hpe shagrau sha-a ai ni hpe shi a lamu kasa ni bau sin nga ma ai;
hkrithpa shara kaw na mung, shanhte hpe mawai la nga ai.
 
Dai Madu kade wa mai kaja nga ai gaw nang hkum nan chyim yu nna chye u;
shi hta shingbyi shara mu ai wa gaw a nga ai.Ref 34:8: 1Pe 2:3.
Shi a amyu masha ni yawng hte e, dai
shi a ga madat mara ai ni gaw shanhte a ra kadawn nga ai lam yawng hte hpe hkam la lu nga ai.
10 Hkanghkyi ni pyi lusha kadawn nna kawsi hkrum nga ma ti mung;
Madu a ga madat mara ai ni gaw mai kaja ai lam hpa mung ra kadawn nga ma ai n rai.
 
11 Nye a rau ram manang ni e, wa marit nye a ga hpe madat mu;
dai Madu hpe shagrau sha-a na lam ngai nanhte hpe sharin ya na nngai.
12 Nang gaw kabu gara ai asak hkrun lam hpe ra sharawng nga n ni?
Asak galu ai hte kabu gara ai hpe nang ra nga n ni?
13 Dai hpang, n hkru ai ga tsun shaga ai hte
masu magaw ga tsun ai lam hpe koi gam nga u.
14 N hkru n shawp ai lam hpe koi kau nna mai kaja ai lam hpe galaw nga u;
na a myit masin mahkra hte ngwi pyaw sim sa lam a matu, shakut shaja nga u.
 
15 Dai Madu gaw ding hpring ai ni hpe mada mara nga nna;
shanhte a hpyi jahtau ai nsen ni hpe madat ya nga ai.
16 Rai ti mung, n hkru n shawp ai amu galaw ai ni hpe shi hkum shingdang nga ai;
shing rai, shanhte si wa ai shaloi, shanhte gaw alawan sha, malap kau ai hkrum nga ma ai.Ref 34:16: 1Pe 3:10-12.
17 Ding hpring ai ni Madu hpe shaga yang shi madat ya nna;
shi gaw shanhte a ru yak tsin-yam yawng hta na, shanhte hpe mawai la nga ai.
18 Dai Madu gaw myit daw myit hten ai ni hte ani sha nga nga ai;
myit mada shara n nga mat sai ni hpe shi hkye hkrang la nga ai.
 
19 Dai mai kaja ai masha wa gaw ru yak tsin-yam law law hkrum sha nga ai;
Madu gaw dai ni yawng hta na shi hpe hkye hkrang la nga ai.
20 Madu gaw shi hpe n hten n za mat hkra, tsep kawp kyem mazing ya nga ai;
shi a nrut nra ni langai mi mung, daw hten ai hkrum nga ai n rai. Ref 34:20: Yhn 19:36.
21 N hkru ai gaw tara n lang ai ni hpe sat kau na maru ai;
ding hpring ai ni hpe n dawng ai ni chyawm gaw ari jaw ai hkrum na mara ai.
 
22 Dai Madu gaw shi a amyu masha ni hpe hkye hkrang la na ra ai;
makawp maga la na matu, shi kaw du sa ai ni chyawm gaw jahti la ai hkrum na mara ai.