SHAKAWN KUNGDAWN 3
1 Madu e, ngai gaw gumlau hpyen law law lu nngai,
law law wa ngai hpe gumlau nga ma hka!
2 ?Karai Kasang gaw shi hpe karum la na ra ai n rai,?
nga nna, shanhte gaw nye a lam hpe tsun nga ma ai.
3 Rai ti mung, Madu e, nang gaw hkrithpa shara kaw na tut nawng makawp maga la ai ninggang rai nga ndai,
nang gaw ngai hpe awng padang jaw ya ai hte
nye a share shagan ai myit masin hpe bai jaw ya nga ndai.
4 Karum la na matu,Madu hpe ngai shaga nngai;
shi ngai hpe shi a chyoi pra ai Bum kaw nna htan ya nga ai.
5 Dai Madu ngai hpe shana tup makawp maga bau sin nga ai majaw;
ngai kaleng taw nna yup lu nngai.
6 Nye a gumlau hpyen mun sen ni
ngai hpe jut man grup wang shinggrup da ti mung, ngai n hkrit nga nngai.
7 Madu e, sa rit! Nye a Karai Kasang e, ngai hpe hkye hkrang la e!
Nang gaw nye a gumlau hpyen ni yawng hpe ari jaw ndai,
ngai hpe machyi shangun lu ai shanhte a n-gun atsam hpe nang shadaw kau ya nga ndai.
8 Awng padang gaw Madu kaw nna rai nga ai-
Shi gaw shi a amyu masha ni a ntsa e, shaman ya nga u ga law.