SHAKAWN KUNGDAWN 16
1 O Karai Kasang e, Ngai hpe makawp maga la e,
Shim nga na matu, ngai nang hpe kam hpa nga nngai.
2 ?Nang gaw nye a Madu rai nga ndai;
mai kaja ai arai yawng mayawng gaw nang kaw na hkrai rai nga ai,?
ngu nna Madu hpe ngai tsun nga nngai.
3 Madu a kangka ai amyu masha ni gaw kade wa mai kaja nga ma hka!
Shanhte hte rau rai nga na gaw nye a pyaw htum ai lam rai nga ai.
4 Tsasam karai ni kaw hkan gat ganawng nang ai ni gaw
shanhte hkum nan hta ru tsang lam law law hkrum wa na mara ai.
Shanhte a nawng jau ai hkungga hta ngai n lawm na nngai,
shanhte a karai ni hpe ngai nawku na n rai.
5 Madu e, ngai lu ai arai yawng mayawng hte gaw na a rai nga ai.
nang gaw ngai hta ra kadawn ai lam yawng mayawng hpe mung jaw ya nga ndai;
du na ra ai nye a aten ni gaw na a lata hta rai nga ai.
6 Nye a matu, na a kumhpaw kumhpa ni gaw kade sha mauhpa rai nga nna;
dai ni gaw kade wa kaja nga ma hka!
7 Shi ngai hpe lam woi nga ai majaw,
shing rai shana e mung nye a htauli htaula myit gaw ngai hpe shadum
jahprang nga ai.
8 Madu ngai hte rau nga ai hpe ngai tut nawng e adum nga nngai;
shi ani sha nga nga ai majaw, hpa mung ngai hpe jahkrit shama lu sana n rai.
9-10 Nang gaw ngai hpe Si du a n-gun atsam kaw nna makawp maga la ndai,
ngai nang hpe kangka ai hte daw jau ni ai,
shing rai, nang gaw ngai hpe Katsan ga de n kabai kau na rai nga ndai majaw,
ngai gaw kabu chyeju dum ai hte tsep kawp shim lum nga nngai.Ref 16:10: Kas 13:35.
11 Nang gaw ngai hpe asak hkrung ai lam de woi sa ai lam madun dan na rai ndai;
na hpung shingkang gaw ngai hpe kabu gara ai myit hte jahpring ya nna,
sharawng awng ai lam htani htana jaw ya nga ai.