SHAKAWN KUNGDAWN 150
1 Dai Madu hpe shakawn mu!
Shi a Nawku Htingnu hta Karai Kasang hpe shakawn mu!
Sumsing lamu hta shi a daru magam n-gun hpe shakawn mu!
2 Shi galaw dan sai mauhpa magam bungli a matu shi hpe shakawn mu.
Shadawn n dang lu ai shi a galu kaba galu kaba ai amu hpe, shakawn kungdawn mu.
3 Pahtau ni hte shi hpe shakawn garu mu.
Tingse daw raw ni hte shi hpe kungdawn mu.
4 Chying bau dum ai hte ka manawt let, shi hpe shakawn kungdawn mu.
Tingse ni hte sumpyi ni hpe dum let shi hpe shakawn kungdawn mu.
5 Shup sheng ni hte shi hpe shakawn kungdawn mu.
Grau ngoi gara ai shup sheng ni hte shi hpe shakawn mu.
6 Nsoi nsa rawng ai ni yawng hte e, dai Madu hpe shakawn kungdawn
nga mu!
Dai Madu hpe shakawn mu!