SHAKAWN KUNGDAWN 146
1 Dai Madu hpe shakawn mu!
Nye a wenyi e, dai Madu hpe shakawn kungdawn nga u!
2 Ngai asak hkrung nga ai hte yang, shi hpe ngai shakawn nga na nngai;
nye a asak prat tup, nye a Karai Kasang hpe mahkawn nga na nngai.
3 Shinggyim masha ni a ningbaw ningla ni hpe hkum kam hpa nga et;
shinggyim masha kadai mung nang hpe hkye hkrang la lu na n rai.
4 Shanhte si mat wa ai shaloi, ga nhpu de bai nhtang mat wa ai;
dai shani jang, shanhte a maw mawn ai lam yawng htum mat nga manu ai.
5 Yaku a Karai Kasang karum la ai lam hpe hkam la lu ai ni hte
dai Madu shi a Karai Kasang hta shamyet shanat nga ai ni gaw a lu ma ai.
6 Shi gaw sumsing lamu hte ginding aga, panglai hte
dai hta rawng marawng yawng hte a hpan Madu rai ngai ai.
Shi gaw shi a ga sadi ni hpe tut nawng e a shatup nga ai.
Ref 146:6: Kas 4:24; 14:15.
7 Shi gaw dip gamyet sha hkrum ai ni a hpang maga de, tara dara ya nna;
kaw si hkrum ai masha ni hpe lusha shahpa jaw ya nga ai.
Dai Madu gaw bawng dung ai ni hpe mung shalawt dat wu ai.
8 Myi n mu ai ni hpe myi shamu ya nna,
kataw ai ni hpe shi sharawt la nga ai;
shi a ding hpring ai masha ni hpe shi tsaw ra nga ai.
9 Anhte a lamu ga hta nga ai tsasam masha ni hpe shi makawp maga ya nga ai;
gaida gaina ni hte jahkrai nmai ni hpe shi karum ya nga ai,
rai ti mung, tara n lang ai ni a maw mawn ai lam hpe chyawm gaw jahtum kau
ya nga ai.
10 Dai Madu gaw htani htana hkawhkam wa rai nga ai,
Ziun e, na a Karai Kasang gaw prat mi hte prat mi up nga na ra ai.
Dai Madu hpe shakawn mu!