SHAKAWN KUNGDAWN 13
1 Madu e, nang gaw galoi aten du hkra ngai hpe malap kau na ngu n ta?
Htani htana du hkra kun?
Nang gaw galoi aten du hkra ngai kaw na makoi nga na n ta?
2 Ru tsang ai hpe kade na hkra ngai hkam sharang na rai nga a ta?
Nye a myit masin hta yawn hkyen ai lam hpe kade na hkra shani shana jahpring ya na ngu n ta?
Nye a gumlau hpyen ni nye a ntsa e awng padang kade na hkra dip la lu na ma ta?
3 Madu nye a Karai Kasang e, ngai hpe mada yu nna htan ya e.
Ngai n si u ga, ngai hpe n-gun bai jaw ya e.
4 ?Anhte gaw shi hpe dang kau sagaw ai,? nga nna nye a gumlau hpyen ni hpe hkum
lu shangun et;
Nye a hkrat sum ai lam shanhte hpe hkum yu kabu shangun et.
5 Ngai gaw na a dinggrin tsaw ra myit hpe kam hpa nga nngai;
nang ngai hpe hkye mawai la na rin dai majaw ngai kabu gara nga na nngai.
6 Madu e, nang gaw ngai hta mai kaja nga nit dai majaw;
ngai nang hpe mahkawn mangoi nga na nngai.