SHAKAWN KUNGDAWN 127
Dai Madu gaw dai nta hpe n gap da ai rai yang,
nta gap ai ni a amu kaman lila rai nga ai.
Dai Madu gaw dai mare hpe n makawp maga ai rai yang,
sin langa ni a makawp maga ai lam kaman sha rai nga ai.
Jahpawt manap jau jau rawt nna, shana aten lai hkra kan bau makan amu a matu,
hki ba let galaw ti mung kaman lila rai nga ai.
Hpa majaw nga yang, dai Madu gaw shi tsaw ra ai ni hpe naw yup nga yang pyi,
shanhte hta ra nga ai lam ni hpe jaw ya nga ai.
 
Kashu kasha ni gaw dai Madu kaw na kumhpa ni rai nga ai;
shanhte gaw jet ai shaman chyeju majing ni rai ma ai.
Ram prat hta lu ai kashu kasha ni gaw
hpyenla wa a lata na pala ni hte bung nga ai.
Dai zawn re ai pala law law lu ai masha wa gaw a nga ai.
Shi gaw shi a gumlau hpyen ni hte tara rung e hkrum ti mung,
sum ai lam galoi mung hkrum na n rai.