SHAKAWN KUNGDAWN 113
1 Dai Madu hpe shakawn mu!
Dai Madu a shangun ma ni e,
shi a mying nsang hpe shakawn mu!
2 Dai Madu a mying nsang hpe ya kaw nna,
htani htana shakawn nga mu ga.
3 Jan pru ai kaw nna, jan shang ai aten du hkra,
Dai Madu a mying nsang hpe shakawn nga mu!
4 Dai Madu gaw amyu baw ni yawng a ntsa e up nga ai;
shi a hpung shingkang sumsing lamu ntsa e kabrim nga ai.
5 Dai Madu anhte a Karai Kasang hte bung ai wa langai mi mung n nga nga ai.
Shi gaw ntsa de na tsaw ai shara hta e nga nga ai;
6 rai ti mung, shi gaw sumsing lamu hte
ginding aga hpe mu lu na matu gum yu nga ai.
7 Shi gaw matsan mayan ni hpe ga nhpu hta na sharawt la nhtawm;
ra kadawn nga ai ni hpe nchyi nmu kata kaw na pawn sharawt la nga ai,
8 shanhte hpe hkawhkam kasha ni hte manang shatai nna
amyu masha ni a hkawhkam kasha ni hpe karum manang shatai wu ai.
9 Shi gaw maudung num dum nta hta dai jan hpe shagrau sha-a nna;
kashu kasha shaprat shangun ai hte kabu gara shangun nga ai.
Dai Madu hpe shakawn mu!