SHAKAWN KUNGDAWN 111
Dai Madu hpe shakawn mu!
 
Ngai gaw nye a myit masin mahkra hte
shi a amyu masha ni a hpawng hta, dai Madu hpe chyeju shakawn nga na nngai.
Dai Madu galaw ai magam bungli ni kade wa mauhpa rai nga a hka!
Dai amu ni hta awng sharawng nga ai nlang hte gaw dai lam ni hpe chye la mayu nga ma ai.
Shi galaw ai lam yawng mayawng hte hta hpung shingkang arawng sadang hte hpring nga ai;
shi a ding man ai lam prat ting anga nga ai.
 
Dai Madu gaw shi a mauhpa magam bungli ni, anhte hpe n malap shangun nga ai;
shi gaw matsan dum ai hte n-gaw n wai ai myit rawng ai wa rai nga ai.
Dai Madu gaw shi hpe shagrau sha-a ai ni hpe lusha jaw ya nga nna;
shi a ga shaka hpe galoi mung n malap kau nga ai.
Maigan masha ni a lamu ga, shanhte hpe jaw ya ai hku nna
shi a amyu masha ni hpe daru magam n-gun madun dan nu ai.
 
Shi galaw ai amu yawng mayawng hte hta, shi gaw sadi sahka hte teng man nga ai wa rai nga ai;
shi a hkang da ai ga matsun nlang hte kam hpa mai nga ai.
Dai ni gaw prat ting agrin nga nna
dai ni hpe teng man ai hte ding man ai hku jaw da ya sai.
Shi a amyu masha ni hpe shi shalawt dat nhtawm,
htani htana hte seng ai ga shaka hpe shanhte hte shi galaw da nu ai.
Shi gaw Chyoi Pra nga ai hte Chyalai n-gun rawng ai wa rai nga ai!
10 Madu hpe shagrau sha-a ai gaw hpaji rawng wa na lam rai nga ai;
shi a hkang da ai ga matsun ni hpe madat mara hkan sa nga ai ni yawng hte hpe
teng man ai tara dara lam jaw ya nga ai.
Shi gaw htani htana shakawn kungdawn ai lam hkam la na ra ai.