SHAKAWN KUNGDAWN 100
Mungkan ga yawng hte e, dai Madu hpe mahkawn mangoi nga mu!
Madu hpe kabu gara ai hte nawku daw jau nga mu;
shi a man de, kabu gara mahkawn let shang mu!
 
Dai Madu gaw Karai Kasang rai nga ai hpe yin la mu.
Shi anhte hpe hpan da mi ai rai nna, anhte mung shi hte seng ai ni rai nga ga ai;
anhte gaw shi a amyu masha ni rai nna, shi a sagu hpung ni rai nga ga ai.
 
Nawku Htingnu chyinghka ni de, chyeju dum ai myit hte shang mu;
dai Nawku Htingnu a wang kata de shakawn kungdawn let shang sa mu.
Shi hpe chyeju dum mu, shi hpe shakawn mu.
 
Dai Madu gaw mai kaja nga ai rai nna,
shi a tsaw ra myit htani htana anga nga ai,
shi a sadi sahka gaw prat mi hte prat mi agrin nga ai law.