16
1 Anhte gaw anhte a bungli masing ni hpe galaw mai ga ai; rai ti mung hpang jahtum e, Karai Kasang a myit ra ai hku sha byin nga ai.
2 Nang galaw ai amu, lam magup jaw nga ai ngu nna, myit yu mai nga ai; dai Madu gaw na a myit akyang hpe daw dan ya nga ai.
3 Na a bungli masing hta chyeju hpe hkam la lu na matu, dai Madu hpe hpyi nem u; shing rai yang nang galaw ai amu lamang ni hta awng dang wa
na ra ai.
4 Dai Madu gaw yawng mayawng a jahtum na byin maka hpe lajang da nu ai; tara n lang ai ni a jahtum na byin maka gaw hten run
lam rai nga ai.
5 Myit tsaw myit dap re ai masha shagu hpe dai Madu n dawng nga ai; shanhte hpe ari jaw ai kaw nna galoi mung, shi shalawt dat na
ra ai n rai.
6 Sadi dung nna kangka rai nga u, shing rai yang Karai Kasang gaw na a yubak hpe raw
dat kau ya na ra ai. Dai Madu a ga madat
u, shaloi n hkru ai lam hpa mung
nang hta byin hkrum hkra wa na n rai.
7 Nang gaw dai Madu hta awng sharawng nga ai rai yang, na a gumlau hpyen wa hpe nang jinghku shatai la lu nga ai.
8 Ding man ai hte loi mi sha lu la ai gaw, n tara ai hte law law lu la ai shang
gumhpraw hta grau kaja nga ai.
9 Na a bungli masing lam hpe nang lajang mai ti mung; Karai Kasang gaw na a shamu shamawt
ai lam hpe hkang ya nga ai.
10 Hkawhkam wa gaw Karai daru magam hpung shingkang hte tsun shaga nga ai; shi a
n-gawn daw dan ai lam ni gaw tut nawng e
teng man nga ai.
11 Dut rai shagu hpe rap ra ai amu hte dut ya lu na matu, teng man ai joi jang lang
na hpe dai Madu ra sharawng nga ai.
12 Hkawhkam ni gaw n hkru ai amu hpe n mai yu shalai kau nga ai; hpa majaw nga yang,
ngang kang ai mung up asuya ngu ai gaw ding
man ai tara hta gaw gap da nga ai majaw
rai nga ai.
13 Hkawhkam wa gaw teng man ai ga hpe na la na matu, ra sharawng nga ai majaw, dai
teng man ai ga shaga ai ni hpe, shi myi
man pa shangun nga ai.
14 Hpaji rawng ai masha wa gaw hkawhkam wa hpe kabu gara shangun na ra ai; hkawhkam
wa pawt sindawng wa yang, marai langai
ngai asak sum chye nga ai.
15 Hkawhkam wa a myi man ningja gaw ginhtawng htawng wa mahka na, marang jahtu ai sumwi
hte bung nga nna, dai hta asak rawng nga ai.
16 Aja hte gumhpraw hta hpaji byeng-ya hte machye machyang hpaji lu la ai gaw grau
kaja nga ai, dik hkra grau kaja nga ai.
17 Mai kaja ai hku hkawm sa ai ni gaw n hkru n kaja ai hpe koi kau ai lam hta hkawm
nga ai; dai majaw, nang hkawm sa wa nga
ai lam hta maja nga u; shaloi, na a asak
hpe hkye la lu na nhten!
18 Gumrawng gumtawng ai gaw hten byak lam de woi sa wa nna; myit tsaw myit dap ai gaw
hkrat sum ai lam de, woi sa wa nga ai.
19 Matsan mayan rai nna myit shagrit shanem nga na gaw gumrawng ai masha langai ngai
hte lanep garan la lu ai hta grau kaja
nga ai.
20 Nang sharin la lu sai lam ni hta myit maju jung nga u; shaloi nang awng dang wa na
ra ai, dai Madu hta kam hpa nga u; shaloi,
nang a lu na rin dai.
21 Hpaji rawng nna kung hpan ai myit rawng ai wa gaw shi a hkawn hkrang ai myit nyan
hpaji hta gumhkawng nga ai; shi a n-gup
aga grau ngwi pyaw magang, amu magam bungli
hpe grau nna woi awn lu magang rai nga ai.
22 Hpaji byeng-ya gaw hpaji rawng ai wa a matu, asak hka hpawk rai nga ai; angawk ai
wa hpe hpaji jaw shakut ai lam gaw aten hpe
majoi mi shama kau ai sha rai nga ai.
23 Zai byeng-ya rawng ai masha ni gaw shanhte garai n tsun shaga yang, shawng myit yu nga
ma ai; shanhte tsun shaga ai ga gaw masha
hpe grau nna myit gang kayin la lu nga ma ai.
24 Matsan dum lama ai ga gaw lagat ntsin hte bung nga nna; de a namchyim namta dwi nga
ai hte dai gaw na a hkam kaja lam a matu,
mai kaja nga ai.
25 Teng man sai ngu nna myit nawn ai lam gaw nang hpe katsan ga de woi sa wa ai lam
tai chye nga ai.
26 Amu galaw ai wa a n-gup namta gaw shi hpe bungli grau shaja shangun nga ai; hpa majaw
nga yang, shi gaw shi a kawsi ai hpe
jahkru shakat mayu nga ai majaw rai nga ai.
27 N hkru ai masha ni gaw kaga masha ni hpe machyi shangun na ginjang tam nga ma ai;
shanhte a n-gup aga ni pyi gaw n hkru ai
wan hkru nga ai.
28 Kadum kahte ga hpe tara n lang ai masha ni tsun shabra nga ma ai; dai gaw ru yak
tsin-yam hpe shalut shalau ya nhtawm, hku
hkau ai lam hpe jahten kau ya nga ai.
29 Kashun kashe du daw sai hkaw myit rawng ai masha ni gaw shanhte a manang ni hpe
masu hkalem nna, tsin-yam tsindam de woi
lau sa wa nga ma ai.
30 Nang hpe nyin dan ai wa hte myi grip dan ai masha ni hpe yu maja nga u; shanhte gaw
n hkru ai amu lama mi hpe maw mawn na,
myit nga ma ai.
31 Asak galu ugut gu ai gaw ding hpring ai a kumhpa rai nna; baw hpraw ai gaw arawng
sadang hte seng ai janmau rai nga ai.
32 Daru magam myit rawng ai hta hkam sharang ai myit rawng ai gaw grau kaja nga ai;
mare ting a ntsa e up hkang hpareng ai
hta tinang a hkum hpe up hkang lu ai gaw
grau nna kaja nga ai.
33 Masha ni gaw Karai Kasang a myit ra ai lam hpe sharin la na matu hpaida da nga ma
ti mung; Karai Kasang shi nan dai mahtai
hpe daw dan ya nga ai.