12
1 Tinang shut ai shaloi, sharin shaga ai hpe ra sharawng ai wa kadai rai ti mung chye
chyang ai hpe tsaw ra nga ai. Shadum
jahprang ai hpe n dawng ai wa chyawm gaw
angawk ai wa rai nga ai.
2 Dai Madu gaw mai kaja ai masha ni hpe ra sharawng ti mung; n hkru ai amu maw mawn ai masha ni
hpe shi daw dan nga ai.
3 Tara n lang ai gaw shim lum lam hpe n lu la shangun nga ai, rai ti mung, ding hpring
ai masha ni chyawm gaw ngang ngang kang kang
tsap lu na mara ai.
4 Kaja ai num gaw shi madu wa a gumrawng shara hte kabu hpa rai nga ai; madu
wa a ntsa e, kaya jahkrum ai num gaw nrut
nra hpe shatsam kau ya ai mawng ana zawn
rai nga ai.
5 Ding man ai masha ni nang hpe rap ra ai hku lakawn lanawn la na mara ai; tara
n lang ai ni chyawm gaw nang hpe masu
ahpyawp sha na matu chyu sha ra marit
nga ma ai.
6 Tara n lang ai masha ni a ga gaw masha sai hpe jahkaw ya nga ai; ding
hpring ai masha ni a n-gup aga gaw
jahkrit shama hkrum nga ai ni hpe
mawai la nga ai.
7 Tara n lang ai masha ni sum kadawng mat nna shanhte a aru arat ni a matu
hpa n ngam da ya lu nga ma ai;
ding hpring ai masha ni a dinghku ni
chyawm gaw agrin nga na mara ai.
8 Nang zai byeng-ya hpaji hpe chye nga ai wa rai yang, shakawn shagrau ai nang
hkrum na ndai; nang angawk ai wa rai
yang chyawm gaw masha ni na a ntsa e
yu kaji kau na mara ai.
9 Asak hkrun lam a matu, yu maya masha langai mi makan galaw let asak bau ai gaw
hkik hkam ai langai mi hku nga nna kawsi
hkrum hkra nga ai wa hta grau kaja nga ai.
10 Mai kaja ai masha wa gaw tinang a yam nga ni hpe, yu lanu lahku chye nga ai;
tara n lang ai masha ni
chyawm gaw dai yam nga ni hpe sheng
mareng rai ma ai.
11 Bungli galaw shaja ai wa gaw sha na lusha ndaw nhta lu nga ai; akyu
n pru ai bungli lamang ni hta aten hkan
shama ai gaw angawk ai lam rai nga ai.
12 Tara n lang ai masha ni yawng ra marit ai gaw, n hkru ai amu galaw shachyen na
matu rai nga ai; ding hpring ai
masha ni chyawm gaw ngang ngang kang kang
tsap nga ma ai.
13 Tara n lang ai masha wa gaw shi a n-gup aga ni hta ahkang abai nga ai; ding
hpring ai wa chyawm gaw ru yak tsin-yam
kata kaw na shi hkum nan male pru wa nga ai.
14 Na a shagrau kumhpa gaw nang tsun shaga ai ga hte nang galaw ai amu bungli ni hta
madung rai nga nna, nang hkam la ging ai
lam nang lu la na rin dai.
15 Angawk ai masha ni gaw shanhte teng man ai ni re ngu ai hpe, tut nawng e, myit
nawn la nga ma ai; hpaji rawng ai masha
ni gaw hpaji jaw ai ga ni hpe madat mara
nga ma ai.
16 Angawk ai wa myit loi mi machyi hkrum yang, dai hpe tin tin shadan shadawng dan
nga ai; myit sam ai masha ni gaw n kaw
n law re ai lam hpe hpa zawn n nawn ya
na mara ai.
17 Teng man ai lam hpe nang tsun nga yang teng man rap ra ai tara hpe shatup nga
ti mung; masu magaw ga gaw tara tawt lai
ai lam de, woi sa wa nga ai.
18 Majoi mi baw law ai ga gaw sung hkra galun ai nhtu nma zawn jahpye ya lu ti mung;
hpaji ga hte tsun shaga ai ga chyawm gaw
shamai shatsai ya lu nga ai.
19 Masu magaw ai gaw asak kadun nga ai rai ti mung, teng man ai gaw htani htana agrin
nga ai.
20 N hkru ai hpe maw mawn ai lam gaw akajawng sha nyawp rai mat na ra ai, rai ti mung,
mai kaja lam a matu shakut shaja ai ni
chyawm gaw kabu gara ai lam hpe mu la na
mara ai.
21 Ding hpring ai masha ni hta n shawp n kap ai lam hpa mung byin hkrum hkra na n rai;
rai ti mung, tara n lang ai masha ni gaw
ru yak shoi hpa chyu sha hkrum sha nga
ma ai.
22 Dai Madu gaw masu magaw masha ni hpe n dawng nga ai; sadi dung ai ni hpe chyawm gaw shi ra sharawng nga ai.
23 Myit sam ai masha ni gaw shanhte chye ai lam ni hpe, ip da nga ma ai; angawk
ai masha ni chyawm gaw shanhte a angawk
angak lam hpe shabrawng nga ma ai.
24 Bungli makan shaja ai gaw nang hpe n-gun atsam jaw ya na ra ai; lagawn ai lam chyawm
gaw nang hpe mayam shatai kau na ra ai.
25 Myit ru ai gaw na a ngwi pyaw lam hpe hpya jahten lu nga ai; matsan dum lama ai
ga gaw nang hpe mani sumsai shangun na ra ai.
26 Ding hpring ai masha wa gaw shi a manang wa hpe lam madun nga ti mung, tara n lang
ai ni a lam chyawm gaw shanhte hpe woi
shadam nga ai.
27 Nang lagawn ai wa rai yang, nang gyam ai shan hpe galoi mung lu gap na n rai; nang
shakut shaja ai rai yang chyeju lu la na ndai.
28 Ding hpring ai lam gaw asak hkrung ai lam rai nna, tara n lang ai lam gaw katsan ga
de hkrang ai lam rai nga ai.