2
Lai wa sai ten e masha ni hta myihtoi masu ni paw pru ma ai hte maren, nanhte hta mung sara masu ni paw pru na mara ai. Shanhte gaw jahten sharun ai, n teng n man ai sharin shaga ai lam ni hpe mayun shashawn bang nna tinang hpe hkye mawai la sai Madu hpe ningdang kau na mara ai. Shing rai shanhte gaw shanhte a ntsa e akajawng sha hten bya ai lam du shangun na maru ai. Shing rai hkra rai ti mung, masha law law wa shanhte a n kaja ai kyang lai len lam hta hkan sa na mara ai. Shanhte shing rai galaw ma ai majaw dai teng man ai Lam hpe masha kaga ni n kaja ai hku tsun jahpoi na mara ai. Ndai masu ai sara ni gaw shanhte a nam mak law hpa ai myit hte gyin shalat la ai maumwi ni tsun dan let amyat tam na mara ai. Moi jau jau kaw nna pyi shanhte hpe ari jaw na tara agyi wa gaw shajin da nga sai hte shanhte hpe jahten shabyak kau na wa gaw yup shamwi yup pyaw nga ai n rai.
Karai Kasang gaw yubak mara galaw ai lamu kasa ni hpe pyi gaw hkyamsa n jaw ai sha ngarai de jahkrat bang kau nhtawm dai yang e nsin hta gyit hkang da nna tara daw dan ai nhtoi hpe ala nga shangun mu ai. Karai Kasang gaw moi prat nna mungkan masha ni hpe mung hkyamsa n jaw ai sha tara n hkung ga ai masha ni a mungkan hpe sha-u sha-ing kau mu ai; ding hpring ai lam hpe hkaw tsun ai wa Noa hpe chyu sha, kaga marai sanit hte hpawn shi hkye la wu ai.Ref 2:5: 2Pe 3:6; Nin 6:1,7,23; Heb 11:7; 1Pe 3:20. Karai Kasang gaw Sodom hte Gomora mare yan hpe mung wan hte jahten shabya kau nna tara n hkan ai ni hta kaning rai wa na ra ai lam kasi langai mi galaw da nu ai.Ref 2:6: Nin 19:24; Bhk 26:10; Yud 7. Shi gaw tara kata nna arawn alai hten run nga ai masha ni a majaw grai myit daw myit hten nga ai. Ding hpring ai masha ngu ai Lawt hpe shi hkye la wu ai.Ref 2:7: Nin 19:16. Dai ding hpring ai masha gaw shanhte a kata e nga nga ai shaloi e, lani hte lani shanhte agalaw nga ai n hkru n kaja ai amu ni hpe mu lu, na lu nga ai majaw myit hta nachying tsin-yam tsindam hkrum sha taw nga ai. Dai re ai majaw Karai Kasang gaw tara hkung ga ai ni hpe shanhte hkrum hkra nga ai chyam dinglik ai lam ni a kata na gara hku mawai la na hte, n hkru n kaja ai ni hpe tara daw dan ai nhtoi du hkra gara hku ari jaw na hpe mung shi chye nga ai. 10 Grau nna hkum shan a matsat shabat ngang kayut ai lam hta hkan sa nna Karai Kasang a ahkang aya hpe n gawn n sawn ai ni gaw shing re ai lam ni hkrum na mara ai, Ndai masu ai sara ni gaw grai gwi nna gumrawng gumtawng re ai hte ning tsa de na hpung shingkang rawng ai ni hpe hkungga lara ai lam n madun ai sha shanhte hpe asawng asang di ma ai. 11 Ndai masu ai sara ni hta grau nna n-gun atsam rawng ai lamu kasa ni pyi gaw Madu a man e shanhte hpe roi asawng ai hte mara shagun ai lam n galaw ma ai. 12 Rai ti mung ndai masha ni gaw hkwi rim la nhtawm sat kau na matu nga pra ai du sat chyazai ni zawn shanhte pyi n chye ai lam ni hpe hkritung myit hte roi asawng ai amu galaw ma ai. Shanhte gaw du sat chyazai ni zawn jahten shabya kau ai hkrum na mara ai. 13 Shanhte gaw masha kaga ni hpe hkrum sha shangun ai baw nni nkri shanhte hpe bai htang jaw ai hkrum na mara ai: shanhte gaw shani chyingtung e pyi shanhte a hkum shan a pyaw daw lam shadik na matu gaw shanhte a pyaw hpa lam rai nga malu ai, shanhte gaw nanhte hte rau lu sha ai hpawng ni hta rau shang lawm ai majaw nanhte a matu kaya kahpa hte arawng hpoi ai lam byin shangun nga ai. Shanhte gaw galoi mung hkalem ai lam ni galaw ai hta grai pyaw dum ma ai. 14 Shanhte gaw kaga hpa hpe mung n yu ra ma ai, arawn alai hten ai num ni hpe sha yu ra ma ai; shanhte yubak galaw ai majaw hkam la lu ai namchyim a myit dik hpa lam n htum hkraw malu ai. Shanhte gaw makam masham n-gun kya ai masha ni hpe shanhte a mahkam hta lu hkra lau la mu ai. Shanhte a myit masin ni hpe nammak lawhpa chye na matu shaman shakyang manu ai. Shanhte gaw Karai Kasang a dagam dala ai hkrum nga masai. 15 Shanhte gaw lam ding ai hpe kau da nna shanhte a lam shamat kau manu ai; shanhte gaw Beora a kasha Balam hkan ai lam hta hkan nang mat masai. Balam gaw n teng n man ai amu galaw nna lu ai shabrai hpe ra marit ai wa rai nga ai. Ref 2:15: Pru 22:5-7; Yud 11. 16 Balam gaw shi galaw ai yubak a majaw daru sharin ai hkrun nu ai. Shi a Lawze gaw masha nsen hte ga shaga wa nna myihtoi wa a mana n gring ai amu hpe jahkring kau ya sai.
17 Ndai masha ni gaw hka hkyet hkraw mat sai hka shi ni hte mung, nbung laru e shapoi hkawm ai sumwi ni hte mung bung nga ma ai. Karai Kasang gaw sin mak nna sung dik ai kaw shanhte a matu shara langai mi mazing da ya manu ai. 18 Shanhte gaw shut hpyit lam dam mat ai masha hpawng kata na ningnan sha lawt pru magang wa ai ni hpe kaman lila grang ai ga tsun let hkum shan a myit kayut ai lam ni hte hkalum la nna lam woi shadam ma ai. 19 Shanhte gaw shanhte nan hten bya ai arawn alai ni a mayam rai nga da nna kaga masha ni hpe shalawt dat ai ga sadi jaw ma ai. Hpa majaw nga yang, masha gaw tinang hpe dang ka up kau ai arai nga manga a mayam rai nga ai. 20 Lama rai nna masha ni gaw nanhte a hkye hkrang la ai Madu Yesu Hkristu hpe chye chyang ai a marang e mungkan ga a matsat shabat n-gun atsam kata na lawt lu sai hpang kalang mi bai matsat shabat lam e dang kau hkrum ai rai yang, dai ni a hpang na byin da gaw shawng na hta grau sawng mat wa sai. 21 Ding hpring ai lam hpe chye chyang la nhtawm shanhte hpe ap ya da sai dai chyoi pra ai hkang da ai ga hpe tawt lai kau ai hta, dai lam hpe n chye ai sha nga na mahtang gaw grau mai nga ai. 22 ?Gwi gaw tinang a nhpat hpe nhtang sha ai,? bai ?Wa gaw kashin ya ngut ai hpang hkum pup hta bai galwi nga ai,? nga ai ga shagawp gaw shanhte a matu teng nga ai.Ref 2:22: Gsh 26:11.