5
1 Hpung hpe yu gawn lajang nga ai ngai hpung salang wa langai mi zawn, hpung
salang ni hta lawm nga ai nanhte hpe
hpyi lajin dat nngai. Ngai gaw Hkristu
hkam ai nni nkri ni hpe mu ai sakse
langai mi hku nna mung, dan pru na ra
ai hpung shingkang hpe nanhte hte rau
hkam la na myit mada nga ai wa hku nna
mung, nanhte hpe ngai hpyi nem made ai.
2 Karai Kasang nanhte hpe ap ya da sai sagu hpung a sagu rem ai ni zawn, Karai Kasang
galaw shangun mayu ai hku hte maren myit
lawm ai hte kabu gara let bau rem gawn
lajang nga mu. Ja gumhpraw shabrai lu na
matu sha galaw ai hku n rai, kaja wa daw
jau mayu ai shawang myit hte daw jau mu.
Ref 5:2: 1Tm 3:3,8; Tit 1:7.
3 Nanhte bau maka na matu nanhte a lata hta ap da sai dai hpung hpe up Madu mayu ai
myit hte n re ai sha dai sagu hpung a
matu kasi ningli kaja ni tai nga mu.
4 Dai Sagu Rem Agyi Kaba Wa dan pru ai shaloi nanhte gaw htoi kabrim ai nsam
galoi mung n mat chye ai arawng sadang
hte hpring ai janmau lu la na marin
dai.
5 Dai hte maren, Brang ram ni e, asak kaba sai myit su ni a npu e taw nga lu na rai
myit dai. Nanhte shada da daw jau na matu,
nanhte yawng mayawng shagrit shanem ngu
ai lawngsap bu hpun dagraw da nga mu;
hpa majaw nga yang, Chyum Laika hta,
?Karai Kasang gaw gumrawng gumtawng
ai ni hpe mung hkap shadang nga ai rai
ti mung, myit shagrit shanem ai ni hpe
chyeju jaw nna myi man pa shangun da mu
ai,? ngu nna tsun nga ai.Ref 5:5: Esa 57:15; Hpl 2:3; Yak 4:6.
6 Dai re ai majaw Karai Kasang gaw shi a ram ging hkrak dum ai aten du jang nanhte
hpe shagrau shatsaw dat myit ga, Karai
Kasang a n-gun atsam rawng ai lata a npu
e nanhte a hkum hpe shagrit shanem nna
nga mu.
7 Nanhte a myit tsang ai nlang hte hpe shi hta kabai ap da mu; hpa majaw nga yang
shi gaw nanhte hpe lanu lahku tsang ya
nga ai.Ref 5:7: Mat 6:25; Hpl 4:6.
8 Nanhte htauli htaula rai nga mu! Nanhte a hpyen wa ngu ai Satan gaw, kadai hpe kawa
mayu sha kau lu na i? nga nna shabam ai
hkanghkyi zawn ningwan hkawm nga ai.
9 Nanhte gaw nanhte hkam la sai makam masham hpe shangang shakang da nhtawm, dai hpyen
wa hpe hkap shingdang gasat mu; hpa majaw
nga yang, mungkan ting na nanhte a kam
sham ai hpu nau ni mung dai hte bung ai
nni nkri ni hpe hkam nga ai lam nanhte
chye nga myit dai.
10 Rai ti mung nanhte jahkring sha mi nni nkri hkam ngut ai hpang, chyeju yawng
mayawng a Madu rai nga ai Karai Kasang
gaw nanhte hpe Hkristu hta langai sha
tai shangun nna htani htana hpung
shingkang hta shang sha lu mu ga,
nanhte hpe shaga la ai Madu shi nan
nanhte hpe ra n rawng hkra jahkum
shatsup ai lam shangang shakang ai lam,
n-gun lagaw sharawng ai lam ni jaw nna
ngang kang ai npawt hkridun hta tsap
nga lu ai ahkang jaw na marin dai.
11 Shi kaw htani htana n-gawn tawa n-gun atsam anga nga u ga law. Amen.
12 Ngai gaw ndai laika kadun ni hpe Sila a karum ai hte ka dat we ai; shi gaw ngai
grai kam lu ai kangka ai Hkristan hpu
nau wa langai mi rai nga ai ngu nna
ngai sawn da ai rai nga ai. Ndai gaw
Karai Kasang a teng man ai chyeju rai
nga ai lam ngai nanhte hpe n-gun jaw
let sakse hkam na matu ndai laika ka
dat nngai, Dai hta ngang ngang tsap
ngu mu.Ref 5:12: 2Ko 1:19; 15:1; 2Pe 1:12; Heb 13:22.
13 Babelon mare hta nga ai nanhte hpe zawn lata la hkrum ai hpung gaw, nanhte hpe
shakram dat ai; ngai sha Marku mung
nanhte hpe shakram dat nga ai.
14 Nanhte shada da tsaw ra ai pup ai hte shakram hkat nga mu.
Hkristu a masha ni nlang hte hta ngwi pyaw ai gaw anga nga u ga law.