8
Dai Madu gaw Mawshe hpe, ?Pyengdin shadun hta pyengdin sanit shatu ai shaloi, Ref 8:1-4: Pru 25:31-40; 37:17-24. pyengdin shadun a man de shayawn nhtawm shatu lu na matu lajang na lam Arun hpe tsun u,? ngu nna tsun wu ai. Arun mung hkang da ai ga madat let pyengdin ni hpe pyengdin shadun a man de man shayawn nna tawn da wu ai. Dai Madu gaw Mawshe hpe madun dan sai kasi hte maren, pyengdin shadun npawt ndung hkren ja hte dup nna galaw da nga ai.
Dai Madu gaw Mawshe hpe, ?Israela amyu masha ni hta na Lewi masha ni hpe garan ginhka la nhtawm lawu de na lam ni hte maren shanhte hpe jasan jaseng lu na rai ndai; jasan jaseng ai hka hte shanhte hpe lapri bun nna shanhte a hkum ting na mun shangun kau na hte hpun palawng ni hpe hkrut kau na lam tsun u. Dai hpang shanhte san seng wa na mara ai. Dai hpang shanhte gaw tsanlun sau hte kayau gumrin ai mani ai muk shadung ngu ai shadung hkungga hte hpawn usu uram langai la sa na rai ma ai. Nang gaw htingrai hkungga a matu usu uram langai mi hpe la sa na rai ndai. Dai hpang Israela hpung ting hpe jahpawng tawn nhtawm nye a hpung shingkang shanu nga ai Sum a man hta Lewi masha ni hpe shatsap da shangun na rai ndai. 10 Israela amyu masha ni mung Lewi masha ni a baw ntsa hta shanhte a lata ni mara da let, 11 Arun gaw dai Lewi masha ni hpe Israela amyu masha ni hta na laksan kumhpa langai zawn nye a matu ap nawng na rai wu ai; shaloi nye a magam amu hpe shanhte galaw mai na rai ma ai. 12 Lewi masha ni mung htingrai hkungga hte wan nat hkungga a matu san da ai usu lahkawng yan a baw hta shanhte a lata ni hpe mara da nhtawm, Lewi masha ni a matu jasan jaseng ai amu galaw ya na rai myit dai.
13 ?Lewi masha ni hpe nye a matu laksan kumhpa hku ap nawng na rai nga ai; Arun hte shi a shadang sha ni mung shanhte hpe woi awn na rai ma ai. 14 Ndai hku nna, Lewi masha ni hpe ngam nga ai Israela amyu masha ni hta na jahka da na rai ndai. Lewi masha ni gaw nye a ni rai ma ai. 15 Nang gaw Lewi masha ni hpe jasan jaseng nhtawm ap nawng ngut ai hpang, shanhte gaw Sum kata e amu shang gun lu na atsam marai hte hpring ai ni rai na mara ai. 16 Shanhte gaw Israela shadang sha alat ni yawng a malai rai nga ma ai hpe ngai tsun da ni ai hte maren, shanhte hpe chyu sha ngai madu nga nngai. 17 Egutu mung hta kasha alat ni yawng hpe ngai sat kau we ai shaloi, Israela dinghku shagu na shadang sha alat ni hpe mung, yam nga shagu na shawng hkrat ai alat shagu mung nye a matu ngu nna ngai ap nawng da mase ai. Ref 8:17: Pru 13:2. 18 Ya chyawm gaw Israela masha ni a kasha alat ni yawng a malai Lewi masha ni hpe ngai san la nga nngai. 19 Israela amyu masha ni a matu Sum kata hta amu gun hpai na mung, shanhte dai Chyoi Pra ai Shara de sit sa wa yang, ari n hkrum mu ga, ru yak tsin-yam tsindam kaw na shanhte hpe makawp maga la na matu mung, Israela masha ni hta na Lewi masha ni hpe Arun hte shi a shadang sha ni hpe kumhpa langai hku ngai ap ya we ai,? ngu nna tsun wu ai.
20 Dai majaw dai Madu Mawshe hpe hkang da nu ai hte maren, Mawshe yan Arun hte Israela amyu masha ni yawng Lewi masha ni hpe ap nawng da ma ai. 21 Lewi masha ni mung hkum ni hpe jasan jaseng la nna hpun palawng ni hkrut ma ai; Arun mung shanhte hpe dai Madu a matu laksan kumhpa hku ap ya wu ai. Shi gaw shanhte a matu jasan jaseng ai amu hpe mung galaw ya wu ai. 22 Lewi masha ni hte seng nna dai Madu Mawshe hpe hkang da nu ai hte maren, amyu masha ni a lam shagu hpe hkan galaw ma ai. Dai rai nna Arun hte shi a shadang sha ni woi hpareng ai npu hta Sum kata e amu gun hpai na matu Lewi masha ni hta atsam marai hpring nga ma ai.
23 Dai Madu gaw Mawshe hpe, 24 ?Asak hkun manga ning hpring sai Lewi masha shagu hte gaw nye a hpung shingkang shanu nga ai Sum hta shi hte seng ai magam lit ni hpe 25 galaw na rai nna; asak manga shi ning du jang hkring sa la na lam rai nga ai. 26 Dai hpang shi gaw Sum kata hta amu gun hpai nga ai shi a kahpu kanau, manaw manang Lewi masha ni hpe karum shingtau na mai nga ai; rai ti mung kaning re ai daw jau magam amu hpe shi hkum nan shang galaw lu na n rai. Ndai lam gaw Lewi masha ni a magam lit ni hpe nang kaning rai hpajang ya na lam rai nga ai,? ngu nna tsun wu ai.