35
Dai Madu gaw Yawdan hka hkran Yerihko hte tawtap rai nga ai Moba pa hta Mawshe hpe, ?Israela amyu masha ni shanhte lu la ai sali ga kaw na Lewi masha ni shanu nga na mare nkau mi hte dai mare ni a grup yin hkan udat shara shatai mai na lamu ga karan jaw na lam tsun u. Dai mare ni hpe Lewi masha ni madu la lu na rai nna, dai yang hkan shanhte shanu nga na rai ma ai. Dai udat shara ni mung shanhte a dumsu hte kaga yam nga ni a matu rai na rai nga ai. Dai udat shara ni gaw mare bunghku kaw na man maga shagu de pe 1,500 gang na rai nga ai. Shing rai man bung ai shara langai mi hta man mali shagu de pe 3,000 di nna shadawn nhtawm ka-ang e mare de na rai ma ai. Nanhte gaw masha langai ngai hpe ndum nmi sat hkrup kau ai wa hprawng shingbyi lu na mare kru, Lewi masha ni hpe jaw na rai myit dai. Dai sha n-ga, mare mali shi lahkawng hte, udat shara mung lawm nna jaw ai rai yang, mare yawng mali shi matsat rai na rai nga ai. Amyu bawsang shagu mung tinang lu la da ai lamu ga sali kaji kaba hta hkan nna Lewi masha ni nga na mare ni hpe karan jaw na rai ma ai,? ngu nna tsun wu ai.
(Trj 19:1-13; Ysh 20:1-9)
Dai Madu gaw Mawshe hpe, Ref 35:9-28: Trj 19:2-4. 10 Israela amyu masha ni hpe htawn tsun na matu hkang da wu ai: ?Yawdan hka rap nna Hkanan mung de du shang wa ai shaloi, 11 masha langai ngai hpe ndum nmi rai sat kau hkrup ai wa hprawng shingbyi lu na mare ni hpe nanhte lata tawn da na rai myit dai. 12 Shi gaw dai yang e si mat sai wa a kahpu kanau wa matai dawk na matu hkan tam hkawm ai hta na lawt lu na rai wu ai. Masha sat ai wa gaw shawa man e tara garai n dara hkrum yang, 13 sat kau ai hkrum na wu ai n rai. Mare kru hpe lata tawn nhtawm, 14 Yawdan hka a sinpraw de masum, Hkanan mung e masum rai na rai nga ai. 15 Dai mare ni gaw Israela amyu masha ni a matu mung, chyahkring chyahkra gan sa manam ai maigan masha ni hte tut nawng a nga nga ai ni a matu shingbyi shara tai na rai nga ai. Kadai rai ti mung marai langai ngai hpe ndum shami sat kau ai wa gaw dai mare langai ngai hta hprawng shingbyi lu na rai wu ai.
16-18 ?Kaning mi rai ti mung masha langai ngai hpe hpri, nlung hte hpung tawng laknak ni hpe lang let sat ai rai yang, dai wa gaw masha sat ai amu shut hpyit nga ai rai nna sat kau ai hkrum na rai wu ai. 19 Sat kau hkrum ai wa a ni htum ai hpu nau wa gaw masha sat ai wa hpe sat na lit lu nga ai. Shi hte hkrum ai shaloi dai wa hpe sat kau na rai wu ai.
20 ?Masha langai mi mahtang marai langai ngai hpe n ju n dawng nna kanawng jahkrat ai hku sat kau ai rai yang rai, asak gyam nna arai lama ma hte kabai sat ai rai yang rai, 21 shi a lata hte htwi sat ai rai yang rai, shi gaw masha sat ai amu hpe shut hpyit nga sai rai nna sat kau ai hkrum na rai wu ai. Shing rai sat kau hkrum ai wa a ni htum ai hpu nau wa gaw masha sat ai wa hpe sat na lit lu nga ai. Shi hte hkrum ai shaloi dai wa hpe sat kau na rai wu ai.
22 ?Rai ti mung masha langai mi gaw marai langai ngai hpe n ju n dawng ai myit n rawng ai sha ndum shami shi hpe kanawng jahkrat ai, shing n rai lama ma hte shi hpe kabai hkra mat ai zawn nawn ai rai yang mung, 23 shi hpe hpyen ai mung n rai, n dawng nna dingsa sa machyi shangun ai mung n rai, dai wa hpe n mu nna nlung hte kabai hkra kau hkrup mat ai zawn nawn mat ai rai yang mung, 24 dai zawn re ai amu ni hpe shawa hpung gaw matai dawk na matu gyam nga ai dai si hkrum sai hpa nau wa a myi man hpe n tau nga ai sha, masha sat amu shabyin dat ai wa a myi man hpe tau nna jeyang na rai ma ai. 25 Dai shawa hpung mung masha sat amu shut hpyit ai wa hpe sat kau hkrum sai hpu nau wa a lata kaw nna hkye mawai shaw la nhtawm shi hprawng lawt yu sai mare na shingbyi shara de bai nhtang wa shangun na rai ma ai. Shing rai dai yang e shi gaw Hkinjawng Kaba wa si ai shani du hkra nga lu na rai wu ai. 26 Masha sat amu shut hpyit ai wa gaw shi hprawng lawt yu sai mare na shingbyi shara na pru mat wa ai hpe sat kau hkrum ai wa a hpu nau wa mu nna sat kau wu ai rai yang, 27 dai zawn matai htang ai gaw masha sat ai amu n rai nga ai. 28 Masha sat amu shut hpyit ai wa gaw Hkinjawng Kaba wa si mat ai aten du hkra dai mare na shingbyi shara hta naw nga nga na rai wu ai; rai ti mung shi si mat ai hpang chyawm gaw shi a dum nta de nhtang wa lu na rai wu ai. 29 Ndai tara ni gaw nang hte na a matu mara ni nga ai shara shagu hta hkan sa na ga matsun ni rai nga ai.
30 ?Masha sat amu hte mara shagun hkrum ai wa gaw shi shut hpyit kau ai rai yang, marai lahkawng shing n rai dai hta jan ai sakse ga hte sat kau ai hkrum na rai wu ai; marai langai ngai a sakse ga hte sha masha sat amu hte mara shagun ai amu hpe hkum dingnum madi shadaw lu nga ai n rai. Ref 35:30: Trj 17:6; 19:15. 31 Masha sat ai wa chyawm gaw sat kau ai hkrum lu na rai wu ai. Ndai si ging ai ari hpe gumhpraw hka daw ti mung lawt lu na wu ai n rai. 32 Masha langai ngai gaw Hkinjawng Kaba wa garai n si yang, mare na shingbyi shara hta sa hpraw nga yu sai wa gaw dum nta de nhtang wa lu na matu asak jahpu jaw ai rai yang, shi hpe ahkang jaw lu na n rai. 33 Dai zawn re ai hpe nanhte galaw hkrup myit dai rai yang, nanhte shanu nga ai mung hpe awu asin di kau ai rai myit dai. Masha sat ai amu gaw mungdan hpe wu sin kau nga ai rai nna masha sat ai wa si hkrum ai hta kaga, sat kau hkrum sai wa nga ai mungdan a matu jasan jaseng ai amu galaw na lam kaga n nga nga sai. 34 Ngai gaw dai Madu rai nga nna Israela amyu masha ni hta ngai nga nga nngai majaw nanhte shanu nga ai mungdan hpe awu asin hkum di nga myit.