2
Dabang Kata Na Amyu Bawsang Ni A Hkyen Lajang Lam
1 Dai Madu gaw Mawshe yan Arun hpe amyu masha ni hkan sa na matsun maroi ga ni jaw ya wu ai.
2 Israela amyu masha ni dap sharawt ai shaloi langai hte langai gaw tinang nang a hpung hte seng ai dawnghkawn hte tinang nang a amyu lakung dawnglap npu e sharawt na rai ma ai. Dai dap dabang ni gaw Sum a grup yin hta but nga na rai ma ai.
3-9 Sinpraw maga na Yuda hpung a dawnghkawn npu hta but na shanhte a hpung ni hte ningbaw ni gaw lawu de na chyarang hte maren rai nga ai:
Ndai ni gaw yawng a shawng numshawn pru na Yuda hpung ni rai ma ai.
10-16 Dingda maga na Rubin hpung a dawnghkawn npu hta but na shanhte a hpung ni hte ningbaw ni gaw lawu de na chyarang hte maren rai nga ai:
Ndai ni gaw lahkawng ngu na hta hkan na Rubin hpung ni rai ma ai.
17 Dai hpang, shawng na hpung lahkawng hte hpang e hkan ai hpung lahkawng a lapran hta Sum hpai ai Lewi amyu ni hkan ma ai. Shanhte gaw dabang but yang na zawn hpung shagu gaw tinang nang a dawnghkawn npu hta hkan sa na rai ma ai.
18-24 Sinna maga na Ehprim hpung a dawnghkawn npu hta but na shanhte a hpung ni hte ningbaw ni gaw lawu de na chyarang hte maren rai nga ai:
Ndai hpung ni gaw masum ngu na hta hkan nang na Ehprim hpung ni rai ma ai.
25-31 Dingdung maga na Dan hpung a dawnghkawn npu hta but na shanhte a hpung ni hte ningbaw ni gaw lawu de na chyarang hte maren rai nga ai:
Ndai Dan a hpung ni gaw hpang jahtum hta hkan nang na rai ma ai.
32 Shing rai hpung hte hpung, amyu bawsang hte bawsang hku hkan nna jahpan bang lawm ai Israela amyu masha ni yawng gaw 603,350 rai nga ai.
33 Dai Madu gaw Mawshe hpe hkang da nu ai hte maren, Lewi masha ni hpe kaga Israela amyu masha ni hpe zawn jahpan hta n shalawm da nga ai.
34 Dai rai nna dai Madu gaw Mawshe hpe hkang da nu ai hte maren, lam magup hpe Israela amyu masha ni galaw ma ai rai nna tinang nang a dawnghkawn npu hta shanhte dabang but nhtawm tinang a amyu lakying hku hkan nna shanhte rawt hkawm sa ma ai.