9
(Mrk 2:1-12; Luk 5:17-26)
1 Yesu gaw li de shang nna, nawng hpe rap ai hte tinang a mare a 9:1: tinang a mare:
Kaperna-um mare Yesu 3 ning mu gun ai lam
ndai mare hpe ru di shatai wu ai. de du wa
ai.
2 Shaloi, masha nkau mi gaw, yup ra hta taw nga ai katsing si ai masha langai mi hpe,
shi hpang de hpai sa ma ai. Yesu gaw shanhte
hta kam sham ai myit gade daram rawng ai
hpe mu jang, ?Sha e, ngwi pyaw nga n-ga,
na a yubak dat kau ya ai hkrum nit dai,? ngu
katsing si ai wa hpe tsun wu ai.
3 Dai rai nna tara sara nkau mi gaw, ?Ndai wa Karai Kasang hpe shatan nhkan ai ga tsun nga
ai,? nga nna tinang a kraw kata e tsun ma ai.
4 Yesu gaw shanhte a myit mang ai hpe chye ya jang, ?Nanhte a kraw lawang ni hta e, hpa
majaw n kaja ai myit nga myit ta?
5 Na a yubak dat kau ya sai; shing n rai, rawt hkawm wa u, ning ngu tsun ai ga yan
hta, gara mahtang grau tsun loi a ta?
6 Rai ti mung, ?Dai Masha Kasha gaw, ga ntsa e yubak dat kau ya ai ahkang aya lu ai gaw
nanhte chye lu myit ga,? nga tsun let, dai
katsing si ai wa hpe, ?Rawt u, na a hpun nba
panep hpai la nna na a nta de wa u!,? ngu wu
ai.
7 Dai masha mung rawt nna shi a nta de wa mat ai.
8 Dai hpe mu ai shawa masha ni, hkrit kamyin nga ma ai rai nna, shinggyim masha ni hpe ning re ai
ahkaw ahkang jaw ai Karai Kasang hpe shakawn
shagrau nga ma ai.
(Mrk 2:13-17; Luk 5:27-32)
9 Yesu gaw dai shara kaw na sa mat wa yang, shi a kang hta ai sum e dung nga ai Mahte
ngu ai kang hta ai wa hpe mu hkrup nna,
?Ngai kaw hkan nang rit,? ngu shi hpe
tsun wu ai.
Shaloi Mahte rawt nna shi kaw hkan nang nga ai.
10 Yesu gaw Mahte a nta e shana shat sha let dung nga yang, kang hta ai ni hte yubak kap ai masha law law wa, Yesu hte shi a sape ni hte
rau sha ku hta sa dung lawm nga ma ai.
Ref 9:10: Mrk 2:15; Luk 5:29.
11 Hparishe nkau mi dai hpe mu ma yang, shanhte gaw, ?Nanhte a sara gaw kang hta ai ni hte rau hpa rai shat pawng sha a ta?,? nga nna shi a
sape ni hpe san mu ai.
12 Shi gaw dai ga na jang, ?Hkam kaja ai ni tsi sara n ra ma ai; machyi ai ni sha ra ma ai.
13 Dai rai nna, ?Dusat hkungga jaw ai lam n rai, matsan dum ai lam sha ngai tsaw nga nngai,? nga
ai chyum ga a lachyum hpe chye lu myit ga, sa
hkan tam sharin la mu; hpa majaw nga yang, ding
hpring ai ni hpe shaga na matu n rai, yubak kap
ai ni hpe shaga na matu she ngai sa du ring ngai,?
ngu mu ai. Ref 9:13: Hos 6:6; 12:7; Mrk 2:17; Luk 5:32; 1Tm 1:15.
(Mrk 2:18-22; Luk 5:33-39)
14 Shaloi Hkalup sara Yawhan a sape ni Yesu kaw sa du nna, ?Anhte hte Hparishe ni, ya sha
ya sha lusha gam gam rai ga ai mi, na a sape
ni hpa majaw lusha n-gam nga ma hka?,? ngu mu
ai. Ref 9:14: Mrk 2:18; Luk 5:33; 18:12.
15 Yesu gaw shanhte hpe, ?La nnan wa a hkungran gawk hte seng ai manaw manang ni gaw, la nnan wa hte rau naw nga nga yang, shanhte yawn hkyen hkrum na ma hka? N rai law! Rai ti mung, la nnan wa hpe shanhte kaw na jahka la kau ya ai nhtoi du na ra ai; dai shaloi shanhte lusha gam na
mara ai.
16 Palawng dingsa hpe garai n htun ai sumpan nnan achyen hte kadai n kapa ga ai; shing
di yang, sumpan nnan achyen gaw htun wa na
ra ai rai nna palawng dingsa hpe gang ai
majaw de a je ai hku gaw grau kaba wa ai.
17 Sabyi nnan hpe mung shanhpyi ndum dingsa ni hta kadai mung n bang da ga ma ai; shing di
yang sabyi ndum ni kapaw wa ai hte sabyi yun
mat nna, sabyi ndum ni hten mat ma ai. Shing
rai na malai sabyi nnan hpe ndum nnan hta bang
da ma ai rai nna, dai lahkawng yan akaja nga ai.
(Mrk 5:21-43; Luk 8:40-56)
18 Yesu dai ga shanhte hpe naw tsun nga yang, tara jawng up ai Yuda agyi langai mi shi
kaw sa du nna, shi a man e hput di let,
?Nye a shayi sha, ya sha si mat sai;
rai ti mung nang sa nna shi a ntsa e lata
mara ya yang gaw, shi hkrung wa na ra ai,?
ngu wu ai.
19 Shing rai Yesu rawt nna, shi a sape ni hte rau, dai wa kaw hkan nang ma ai.
20 Ya shi lahkawng ning sai htaw machyi ai numsha langai mi mung Yesu a shingdu maga hku sit sa wa nna palawng ban byau matu hpe ahtawk wu ai.
21 Dai numsha a kraw kata e mung, ?Shi a palawng hpe sha pyi ahtawk lu yang gaw, ngai mai wa lu
na rai nga ai,? nga nna tsun nga ai.
22 Yesu mahtang kayin yu nna shi hpe mu wu yang, ?Shayi sha e, ngwi pyaw nga n ga, na a kam sham ai gaw nang hpe shamai ya nit dai,? ngu
wu ai. Dai ahkying kaw nna nan dai numsha mai
mat nga ai.
23 Dai hpang, Yesu gaw dai tara jawng agyi a nta de sa du nna, sumpyi dum ai ni hte
sharung shayawt nga ai shawa masha ni hpe
mu wu ai.
24 Shi gaw, ?Yawng yen mu! Dai numsha ma gaw yup pyaw nga ai sha rai nga ai,? ngu mu ai.
Shaloi shanhte yawng shi hpe mani asawng
kau ma ai.
25 Rai ti mung, dai hpawng nga ai ni hpe shapraw kau ai hpang, Yesu dai numsha a gawk de shang
nna, ma a lata hpe jum wu ai; shaloi dai numsha
ma rawt wa ai.
26 Dai lam a shiga gaw dai mung ting hta pri chyam bra wa ai.
27 Yesu gaw dai shara kaw na sat sa wa yang, myi kyaw ai masha lahkawng shi kaw hkan nang
let, ?Dawi a Kasha e, an hpe matsan dum la
mi,? nga nna jahtau ma
ai.
28 Yesu dai nta de shang mat wa yang, dai myi kyaw ai yan shi kaw sa du ma ai rai nna,
Yesu gaw, ?Ngai nan hpe shamai ya lu na re
ngu nna nan kam nga myit ni?,? ngu nna shan
hpe san mu ai.
Shan mahtang, ?Rai sa, Madu e,? ngu mu ai.
29 Dai rai nna shan a myi hpe ahtawk nna, ?Nan kam sham nga ai hte maren, byin wa malit ga,?
ngu mu ai.
30 Shaloi shan a myi hpaw wa malu ai. Yesu chyawm gaw, ?Kadai mung ndai hpe n chye lu mu ga sadi nga mu,? ngu nna shan hpe aja awa ginhtim da mu ai.
31 Rai ti mung, shan gaw pru mat wa nna, Yesu a lam shiga hpe dai mung ting hta e shabrawng
dat mu ai.
32 Dai yan pru mat wa jang, masha nkau mi gaw n chye shaga ai nat kap ai masha langai mi
hpe shi kaw woi jashawn mu ai.
33 Rai ti mung, dai nat hpe shaden kau ai shaloi jang n chye shaga ai wa gaw shaga lu ai. Masha
shagu mung mau nga ma ai hte, ?Israela amyu
hta ndai zawn re ai, galoi mung n mu yu ga ai!,?
nga ma ai.
34 Rai ti mung Hparishe ni gaw, ?Ndai gaw nat ni a agyi wa shi hpe n-gun atsam jaw ai majaw,
nat ni hpe shaden kau lu nu ai,? nga ma ai. Ref 9:34: Mat 12:24; Mat 10:25; 12:24; Mrk 3:22; Luk 11:15.
35 Dai hpang Yesu gaw, mare kahtawng shagu hkan e kawan hkawm nna, shanhte a tara jawng ni hta sharin shaga ya ai hte sumsing lamu
Mungdan a Kabu Gara Shiga hpe hkaw dan let,
ana ahkya amyu myu hte, machyi makaw amyu
myu hpe shamai shatsai ya mu ai. Ref 9:35:
Mat 4:23; Mrk 1:39; 6:6; Luk 4:44; 13:22.
36 Dai shawa hpawng ni hpe shi mu jang, shi shanhte hpe matsan dum da mu ai; hpa majaw
nga yang, shanhte gaw sagu rem wa n nga ai
majaw ru tsang hkrum ai hte bra mat wa ai
sagu ni hte bung nga ma ai. Ref 9:36:
Bhk 27:17,36; 1Hk 22:17; 2Hl 18:16;
Eze 34:5; Mrk 6:34.
37 Dai rai nna shi a sape ni hpe shi tsun mu ai gaw, ?Nmut shang shara law law nga ai, amu
galaw na ni mahtang n law ma ai. Ref 9:37: Luk 10:2; Yhn 4:35.
38 Dai majaw, shi a nmut hta amu galaw na masha shangun dat ya mu ga, mam madu kaw akyu hpyi
nga mu,? ngu mu ai.