25
?Dai shaloi e sumsing lamu a Mungdan gaw, tinang a sau pyengdin ni hpe lang nna la ningnan hpe hkap bawp la na pru sa wa ai mahkawn shi hte bung na ra ai.Ref 25:1: Ehp 5:28-30; Shr 19:7; 21:2,9. Shanhte hta na manga gaw myit n su ma ai, kaga manga gaw hpaji rawng nga ma ai. Myit n su ai ni gaw, shanhte a pyengdin ni hpe lang ma yang, tinang a matu sau shajan n lang sa ma ai; myit su nna hpaji rawng ai ni mahtang, tinang a pyengdin ni hte rau, tau ni hta sau hpring hkra lang nga ma ai. Ya, La ningnan du sa wa na hpe naw la ra nga ai majaw, shanhte nlang yup shamwi nna yup pyaw nga ma ai.
?Yup tung hpawa e chyawm gaw, ?Nang e la ningnan wa du ra ai! Shi hpe hkap bawp la na pru mu!,? nga nna garu pru wa ai. Shaloi jang dai mahkawn shi rawt nna tinang a pyengdin lajang shachyi ma ai. Myit n su ai ni mahtang, ?Anhte a pyengdin ni si mat wa ai majaw, nanhte a sau hta na nkau mi garan jaw mi,? ngu nna hpaji rawng ai ni hpe hpyi mu ai. Hpaji rawng ai ni mahtang htan nna, ?Anhte hte nanhte a matu n law nhten: dut ai ni kaw sa nna nanhte a matu mari la na grau mai nga ai,? ngu mu ai. 10 Shing rai myit n su ai mahkawn ni sau mari na sa wa ai laman e, la ningnan du sa wa ai. jin jin rai nga ai mahkawn manga hte gaw hkungran ai poi de shi hte rau shang lu ma ai rai nna, dai chyinghka hpe la kau manu ai.
11 ?Dai hpang mahkawn kaga ni du wa nna, ?Madu e! Madu e! Anhte hpe hpaw la mi!,? ngu nna hpyi mu ai. Ref 25:11: Mat 7:21-23. 12 La ningnan wa mahtang htan nna, ?Nanhte hpe ngai teng teng tsun made ga, ngai nanhte hpe n chye made ai,?? ngu mu ai.
13 Dai rai nna Yesu gaw, ?Dai nhtoi hpe mung, dai ahkying hpe mung, nanhte n chye myit dai majaw amaja nga mu,? ngu nna tsun hpungdim wu ai.
(Luk 19:11-27)
14 ?Dai ten hta, sumsing lamu a Mungdan gaw, lang mi na masha langai mi bu hkawm na maw ai rai nna, mayam ni hpe shaga la nhtawm, shi arai ni shanhte hpe ap ya da ai shaloi byin ai lam hte bung na ra ai. Ref 25:14: Mat 21:23. 15 Shi gaw langai hkrai hpe shi a atsam hte maren, langai wa hpe gumhpraw joi manga, kaga wa hpe joi lahkawng, bai kaga wa hpe joi mi di nna jaw da nhtawm, hkawm sa mat wa ai. 16 Shaloi jang gumhpraw joi manga lu ai wa gaw pru sa nna, dai hte hpaga ga wu yang, kaga joi manga myat la nu ai. 17 Joi lahkawng lu ai wa mung dai hte maren ga nna joi lahkawng bai myat la nu ai. 18 Rai ti mung gumhpraw joi mi sha lu ai wa mahtang pru sa nhtawm, nhkun htu nna shi a madu a gumhpraw hpe lup da wu ai.
19 ?Ya tawng marang mi na ai hpang, dai mayam ni a madu bai wa nna, shanhte hte jahpan sanglang wu ai. 20 Gumhpraw joi manga arang ai wa gaw, kaga manga lang let, sa du nna, ?Madu e, nang ngai hpe gumhpraw joi manga arang shapraw ya da ndai. Yu u! Kaga joi manga ngai myat la lu nngai!,? ngu wu ai. 21 Shaloi shi a madu gaw, ?Ara rai sa, kaja ai hte sadi dung ai mayam e, arai loi sha hta nang kangka rai nit dai; dai rai nna arai law law a ntsa e ngai nang hpe san tawn da na de ai, na madu a kabu gara ai hta nang shang lawm u!,? ngu nna shi hpe tsun wu ai.
22 ?Dai hpang joi lahkawng lu ai wa mung sa du nna, ?Madu e, gumhpraw joi lahkawng nang ngai hpe ap ya da ndai. Yu u! kaga joi lahkawng ngai myat la lu nngai!,? ngu wu ai. 23 Shi a madu gaw, Ara rai sa kaja ai hte sadi dung ai mayam e! Arai loi sha hta nang kangka rai nit dai: arai law law a ntsa e ngai nang hpe san tawn da na de ai. Na madu a kabu gara ai hta nang mung shang lawm u!,? ngu nna shi hpe tsun wu ai.
24 ?Gumhpraw joi mi arang ai wa chyawm gaw sa du nna, ?Madu e, grai yak la ai wa nang rai nga ndai hte, nang n gat ai shara na nang dan la nna, nang n ayai ai shara na nang magawn la ndai hpe ngai chye nga nngai. 25 Dai rai nna ngai hkrit ai hte, ngai sa nna na a gumhpraw hpe ga hta lup da we ai. Yu u! Na a arai ni nang e naw nga nga lit dai,? ngu wu ai.
26 ?Dai rai nna shi a madu gaw, ?N kaja ai hte lagawn ai mayam e! n gat ai shara na ngai dan la ai hte, n ayai ai shara na ngai magawn la ai hpe nang chye nga ndai. 27 Dai majaw nye a gumhpraw hpe boi ai shara hta nang boi da lu na rai ndai; ngai bai wa yang she nye a arang hte amyat hpe bai lu la na we ai. 28 Ya shi a gumhpraw joi mi hpe la kau ya nna, joi shi lu ai wa hpe jaw mu. 29 Hpa majaw nga yang, lu ai wa kadai hpe mung, naw jaw nna shi law htam wa na ra ai, rai ti mung n lu ai wa kaw na chyawm gaw shi lu ai kachyi mi hpe pyi naw shaw la kau ya na ru ai. Ref 25:29: Mat 13:12; Mrk 4:24; Luk 8:18; Yhn 15:2. 30 Dai akyu n rawng nna n hkaw ai mayam hpe gaw shinggan na nsin sin ai de shaden shapraw kau u: dai shara e shi gaw hkrap ngu hkrap ngoi ai hte wa udik urin rai na ra ai,? ngu nna jeyang nu ai. Ref 25:30: Mat 8:12; 22:13; 24:51; Luk 13:28.
31 ?Dai Masha Kasha gaw lamu kasa ni nlang hte rau Hkawhkam hku nna du sa wa ai shaloi shi a hpung shingkang a tingnyang ntsa e dung nga nna, Ref 25:31: Mat 16:27; 19:28; Dan 12:2; Zeh 14:5; Kas 1:11; 1Ht 4:16. 32 amyu baw shagu hpe shi a man e jahpawng tawn da na ra ai. Dai shaloi shi gaw, sagu rem wa gaw, sagu ni hte bainam ni hpe garan ginhka da ai zawn shanhte hpe garan ginhka da na ru ai. 33 Shi gaw ding hpring ai ni hpe hkra maga de, kaga ni hpe pai maga de tawn da na maru ai. 34 Shaloi dai Hkawhkam wa gaw, shi a hkra maga de nga ai ni hpe, ?Nye a Wa kaw na shaman ya ai lu la ai ni e! Sa marit! Ginding aga nnan lat kaw nna nanhte a matu lajang tawn da ai mungdan ngu ai sali wunli hpe hkam la mu. 35 Hpa majaw nga yang, ngai kawsi jang, nanhte ngai hpe sha na jaw myit dai; ngai manam tai hkawm yang nanhte a nta ni hta hkap la nna daw jaw myit dai;Ref 25:35: Esa 58:7, Heb 13:2; Yak 1:27. 36 singgu krin rai jang, nanhte ngai hpe jahpun myit dai; machyi hkrum jang, nanhte ngai hpe gawn lajang myit dai; htawng rawng nga yang, nanhte ngai hpe kawan yu myit dai,? ngu na mu ai.
37 ?Shaloi ding hpring ai ni gaw, ?Madu e, nang kawsi ai hpe anhte galoi mu nna galaw jaw ga ta? Hpang gara ai hpe anhte galoi mu nna, lu na jaw ga ta? 38 Nang manam tai hkawm ai hpe anhte galoi mu nna anhte a nta ni hta hkap la nna daw jaw ga ta? Singgu krin rai nga ai hpe anhte galoi mu nna, jahpun ga ta? 39 Nang machyi hkrum ai hte htawng rawng nga ai hpe, anhte galoi mu nna nang hpe kawan yu ga ta?,? ngu nna shi hpe htan mu ai. 40 Dai rai nna Hkawhkam wa gaw, ?Nanhte hpe ngai teng teng tsun made ga, ndai ngai nau ni hta na kaji htum ai wa langai mi hpe nanhte galaw ai gaw, nanhte ngai hpe galaw manit dai rai nga ai!,? ngu nna shanhte hpe htan na mu ai.
41 ?Dai hpang, shi a pai maga de nga ai ni hpe, ?Dagam dala hkrum ai ni e, ngai kaw na hka mat wa mu! Nat gumlau hte shi a salung sala ni a matu lajang da ai n htum n wai wan de shang wa mu! 42 Hpa majaw nga yang, ngai kawsi jang, nanhte ngai hpe sha na n jaw myit dai; hpang gara yang, nanhte ngai hpe lu na n jaw myit dai. 43 Ngai manam tai hkawm yang, nanhte a nta ni hta ngai hpe n hkap hkalum la myit dai; singgu krin rai jang, nanhte ngai hpe n jahpun myit dai; ngai machyi hkrum ai hte htawng rawng nga yang, nanhte ngai hpe n gawn lajang myit dai,? ngu na mu ai.
44 ?Shaloi shanhte mung, ?Madu e, nang kawsi ai, hpang gara ai, manam tai hkawm ai, singgu krin re ai, machyi hkrum ai hte htawng rawng ai hpe anhte galoi mu nna, nang hpe n gawn lajang, n galaw daw ai nga ga ta?,? ngu nna shanhte htan na mu ai. 45 Dai rai nna Hkawhkam wa gaw, ?Ngai nanhte hpe teng teng tsun made ga, ndai kaji htum ai ni hta na langai wa mi hpe nanhte n galaw myit dai majaw ngai hpe n galaw myit dai rai nga ai,? ngu nna shanhte hpe htan mu ai. Ref 25:45: Zeh 2:8; Kas 9:5. 46 Dai majaw shanhte gaw, n htum n wai ari de shang wa na maru ai, rai ti mung ding hpring ai ni mahtang n htum n wai asak de shang lu na mara ai,? ngu wu ai Ref 25:46: Dan 12:2; Yhn 5:29; Rom 2:7.