2
1 Herod Hkawhkam a lakhtak e, Yuda mung na Betlehem mare hta Yesu shangai wa sai. Shangai wa ngut ai hpang, gade n na yang, sinpraw mung na hpaji rawng ai masha nkau mi, Yerusalem mare de sa du ma ai rai nna,
2 ?Yuda ni a hkawhkam tai na matu shangai wa sai ma gaw kanang rai nga a ta? Sinpraw mung hta e shi a shagan dan pru ai hpe anhte mu lu sagaw ai rai nna, shi hpe nawku na anhte du sa raga ai,? nga nna san ma ai. Ref 2:2: Yer 23:5; 9:9; Luk 19:38; Yhn 1:49.
3 Herod Hkawhkam dai lam hpe na jang, shi hte Yerusalem mare masha ni yawng myit kahpra nga ma ai.
4 Herod hkawhkam gaw, dai amyu a hkinjawng agyi ni hte tara sara ni yawng hte hpe shaga jahpawng da nhtawm, ?Meshia kanang e shangai wa na rai ta?,? ngu nna shanhte hpe san mu ai.
5 Shanhte gaw, ?Yuda mung na Betlehem hta e shangai wa na ra ai: hpa majaw nga yang, myihtoi a lata hte ning nga nna ka da nga ai,
6 ?Yuda mung na Betlehem e,
nang gaw Yuda mung na mare ni hta kaji htum nga ndai n rai;
nye a amyu Israela hpe woi rem na Du gaw nang kaw nna paw pru na ra ai,?? nga ai,
ngu nna shi hpe tsun dan mu ai. Ref 2:6: Mik 5:2; Yhn 7:42; 21:16.
7 Shaloi Herod gaw, sinpraw mung na hpaji rawng ai ni hpe lagyim, shaga jahpawng la nna, dai shagan dan pru ai ladaw hpe shanhte kaw na azin ayang san achyin la wu ai.
8 Dai hpang Hkawhkam wa gaw, shanhte hpe, ?Nanhte sa nna dai ma kaji hpe azin ayang hkan tam nna, shi hpe mu hkrup jang, ngai mung shi hpe sa nawku lu n ga, ngai hpe wa shana ya mi,? ngu nna matsun dat mu ai.
9 Shing rai shanhte pru mat wa ma ai rai nna, lam e Sinpraw mung kaw nna shanhte mu ai shagan hpe nan bai mu lu ma ai shaloi, shanhte nachying kabu gara nga ma ai.
10 Dai shagan mung ma kaji nga ai shara a ntsa e ang ang di rai sa hkring mat ai ten du hkra shanhte a shawng e sa wa ai.
11 Shanhte dai nta hta e shang bang wa ma yang, dai ma kaji hte kanu Mari hpe shanhte mu mu ai rai nna, lahput hput di let shi hpe nawku mu ai. Tinang a sut sumpu hpaw nna, shi hpe aja, lawban, mura ngu ai kumhpa ni sak jaw mu ai.
12 Herod hpang hku bai n hprang wa mu ga, dai Madu gaw yup mang hta shanhte hpe sadi jaw da mu ai majaw, shanhte gaw tinang a mung de, lam kaga hku wa mat ma ai.
13 Hpaji rawng ai ni wa mat ai hpang, dai Madu a lamu kasa langai mi yup mang hta Yosep kaw dan pru nna, ?Herod gaw ma hpe sat kau na nga nna tam shangun dat ra ai. Dai rai nna, rawt u, dai ma kaji hte shi a kanu hpe woi nna, Egutu mung de hprawng sa su; ngai nang hpe bai shaga ai ladaw du hkra, dai yang e anga nga su,? ngu nna tsun wu ai.
14 Shaloi Yosep rawt nna, dai ma kaji hte shi a kanu hpe woi nna shana aten hta Egutu mung de htawt sa mat wa ma ai rai nna, Herod
15 si ai ten du hkra dai yang e nga nga ma ai. Dai gaw, ?Ngai sha hpe Egutu mung na ngai shaga la se ai,? nga nna myihtoi a n-gup hta dai Madu tsun ai ga dik wa u ga she byin wa ai lam rai nga ai. Ref 2:15: Hos 11:1.
16 Sinpraw mung na hpaji rawng ai ni shi hpe hkalem mat wa sai lam Herod dum chye wu ai shaloi, shi ja ja masin pawt bu nga ai. Dai rai nna hpaji rawng ai ni kaw na shi san sagawn la tawn ai aten ladaw hpe sawn la nna Betlehem hte de a grup yin kahtawng hkan na asak lahkawng ning kaw nna lawu grit re ai lasha ma kaji nlang hte hpe sat kau na hkang dat wu ai.
17 Ning re ai hku nna, ?Rama shara hta e ngoi ai nsen, ja ja sharung shayawt ai, na lu sai.
18 Rahkela gaw shi a kasha ni a matu hkrap shabam nga ai;
shanhte si mat ma masai majaw shi gaw shalan shabran hkrum na matu ningdang kau nga ai,?
nga nna myihtoi Yeremia a n-gup hte tsun ai ga dik wa sai. Ref 2:18: Yer 31:15.
19 Ya Herod si mat ai hpang, dai Madu a Lamu kasa langai mi Egutu mung e, yup mang hta Yosep kaw dan pru nna,
20 ?Rawt u, dai ma kaji hte kanu hpe woi la nna, Israela mung de wa su, hpa majaw nga yang, dai ma kaji a asak hpe tam ai ni si mat masai,? nga ai.
21 Shaloi Yosep rawt nna dai ma kaji hte kanu hpe woi la nhtawm Israela mung de bai wa ai.
22 Rai ti mung, Arkela-u gaw shi a kawa Herod a malai, Yuda mung hta e hkawhkam tai nga ai shi na wu ai shaloi, dai de wa na shi hkrit nga ai; dai hta kaga yup mang hta shi hpe bai matsun ai lam ni lu la wu ai majaw, Galile mung de shi bai htawt nna,
23 Nazaret ngu ai mare hta dum nta hte rai anga nga ai. Dai rai nna, ?Shi hpe Nazaret wa ngu na maru ai,? nga nna myihtoi ni tsun ai ga gaw dik wa sai. Ref 2:23: Bhk 6:1-8; Trj 13:5; 1Sa 1:11; Mrk 1:24; Luk 1:26.