14
(Mrk 6:14-29; Luk 9:7-9)
Dai aten hta e, Galile Ginwang up ai Herod munggyi gaw Yesu a kajai gumhkawng ai shiga hpe na lu wu ai. ?Ndai wa gaw Hkalup Sara Yawhan bai hkrung wa ai nan rai nga ai. Dai majaw shi mauhpa lamik kumla amu ni hpe galaw na atsam lu nga ai,? ngu nna shi a npu na du salang ni hpe tsun mu ai.
Herod gaw shawng kaw nna kanau Hpilip a madu jan Herodia a majaw, Yawhan hpe rim gyit la nhtawm htawng e bang da nu ai. Ref 14:3: Mat 6:17; Luk 3:19-20. Hpa majaw nga yang Hkalup Sara Yawhan gaw Herod hpe, ?Nang gaw Herodia hpe n mai hkungran la na ndai!,? ngu nna tsun wu ai rai nna, Ref 14:4: Jaw 18:16; 20:21. Herod gaw shi hpe sat kau mayu da wu ai rai ti mung, mung masha ni Yawhan hpe myihtoi zawn nawn da mu ai majaw, shanhte hpe hkrit da wu ai.
Ya, Herod a shangai nhtoi hta, Herodia a shayi sha gaw, dai poi shawa hpawng yawng a ka-ang e sa pru ka ai hte Herod hpe myit grai wa shapyaw ya wu ai. Dai rai nna Herod gaw, numsha hpe, ?Nang hpyi mahpyi jaw na de ai!,? ngu nna dagam ai hte ga sadi jaw wu ai.
Numsha mung, kanu a hpaji jaw shadut ai hte maren, ?Ya ndai ban hta e, Hkalup Sara Yawhan a baw bang ya rit!,? ngu wu ai.
Dai shaloi Hkawhkam wa gaw, yawn la ti mung, manam shawa ni yawng a man e, shi jaw kau sai ga sadi a majaw, ?Jaw sana,? ngu dat wu ai. 10 Shaloi shi shangun nna htawng hta e rawng nga ai Yawhan a du hpe htau dut wu ai. 11 Shi a baw hpe mung ban hta e la pru nna, dai mahkawn hpe ap ya nu ai: numsha mung shi a kanu hpang de la wa wu ai. 12 Yawhan a sape ni mahtang, dai moi mang hpe sa hta nna lup kau nhtawm, Yesu hpe sa tsun dan mu ai.
(Mrk 6:30-44; Luk 9:10-17; Yhn 6:1-14)
13 Yesu gaw Yawhan a lam shiga na jang, li jawn let dai yang kaw na pru mat wa nhtawm, shingran katsi ai shara de lagyim sa mat wa ai. Shawa masha ni dai na mu yang, shanhte gaw tinang a mare ni kaw na pru nna shi a hpang de hkarang hku hkan nang ma ai. 14 Li hta na pru wa yang, masha wunawng wuwa kaba hpe mu hkrup nna, shanhte hpe matsan dum ai hte machyi makaw hkrum ai ni hpe shamai shatsai ya mu ai. 15 Ya shana de du yang, sape ni shi kaw sit sa wa nna, ?Ndai shara nam mali rai nga ai hte, ahkying mung grai lai wa sai; shawa masha ni kahtawng hkan e sha hpa sa tam mari sha mu ga, shanhte hpe shabawn dat mu,? ngu mu ai.
16 Yesu mahtang, ?Shanhte hpe shabawn dat shara n nga ai; nanhte nan shanhte hpe sha hpa lama ma jaw mu!,? ngu nna sape ni hpe tsun wu ai.
17 Shanhte gaw, ?Anhte muk manga hte nga lahkawng sha lu ga ai,? ngu mu ai.
18 Shi gaw, ?Dai hpe ngai hpang de la wa marit,? ngu wu ai. 19 Shawa masha ni tsingdu pa e hkrawn taw nga mu ga shi hkang da wu ai; shaloi dai muk manga hte nga lahkawng hpe shi la nna, lamu de mada yu let, Karai Kasang kaw chyeju shakawn nhtawm ahkyep alep di nna sape ni hpe jaw dat wu ai: sape ni mung shawa masha ni hpe gam jaw ma ai. 20 Shaloi shanhte yawng sha nna hkru kat nga ma ai. Dai hpang sape ni gaw ngam ayai nga ai adaw ahkyep ni hpe lahkawn la yang, mung shi lahkawng hpring dem rai nga ai. 21 Dai sha ai ni chyawm gaw numsha ni hte ma kaji hpe n hti shalawm yang, lasha hkrai, hkying manga daram rai nga ma ai.
(Mrk 6:45-52; Yhn 6:15-21)
22 Shaloi Yesu gaw, shawa masha ni hpe shabawn dat nga yang, sape ni hpe mung li shajawn nna, shi a shawng e nawng wora hkran de rap mat wa shangun mu ai. 23 Shawa masha ni hpe shabawn kau dat nhtawm, akyu hpyi na matu bum ntsa de shi hkrai lung wa ai: nrim rim rai jang, shi chyu sha dai yang e hti nga ai. 24 Dai li chyawm gaw hkin-gau hte ram ram tsan gang wa sai rai nna, nbung shingte nga ai majaw, hkaleng ni dai li hpe kayat shingdang mu ai.
25 Jahpawt hkying masum hte kru lapran, Yesu gaw nawng ntsa e hkawm let, shanhte hpang de hkan sa nang wa ai. 26 Dai nawng ntsa e shi hkawm sa wa ai hpe sape ni mu mu yang, shanhte kajawng nna, ?Dai gaw minla rai nga ai,? nga nna hkrit gari ai hte marawn ma ai.
27 Shaloi jang Yesu gaw, ?Myit n kaji ai sha apyaw sha nga mu; ngai she rai nngai; hkum hkrit nga myit,? ngu nna shanhte hpe tsun mu ai.
28 Shaloi, Petru mahtang htan nna, ?Madu e nang rai n yang gaw, hka ntsa hku nang kaw sa du lu na, ngai hpe shaga la e,? ngu wu ai.
29 Shi gaw, ?Sa rit!,? ngu wu ai. Dai rai nna Petru gaw, li hta na yu hkrat nna, hka ntsa e hkawm let, Yesu hpang de sa wa ai. 30 Rai ti mung, nbung ja ai hpe mu jang shi hkrit nga ai; dai rai nna hka hta lup bang wa jang, shi gaw, ?Madu e ngai hpe sai la rit,? ngu nna jahtau wu ai.
31 Shaloi jang Yesu gaw shi a lata ladawn nna, shi hpe dun la let, ?Ai n kam ai wa e! Hpa majaw nang kam shut nga n ta?,? ngu nna shi hpe tsun wu ai.
32 Shan dai li hta shang mat jang, dai nbung num mat wa ai. 33 Dai shaloi li kata e nga ai sape ni mahtang shi hpe nawku nna, ?Nang gaw Karai Kasang a Kasha kaja wa teng teng rai nga ndai,? ngu mu ai.
(Mrk 6:53-56)
34 Shanhte nawng hpe rap kawt nna Genesaret mare de du ma ai. 35 Dai shara e nga ai masha ni shi hpe chye jang, dai mung grup yin a shara magup hkan na machyi makaw hkrum ai ni hpe, shi kaw woi sa shangun mu ai. 36 Shanhte gaw, machyi makaw hkrum ai ni shi a palawng ban byau hpe sha pyi ahtawk na ahkang hpyi nem ma ai: ahtawk ai ni kadai mung mai mat wa ma ai.