3
1 Chyahtum Chyalai N-gun rawng ai dai Madu gaw, ?Nye a matu lam lajang ya na kasa hpe ngai shangun dat na nngai. Dai hpang nanhte hkan tam nga ai Madu gaw shi a Nawku Htingnu de akajawng sha sa wa na ra ai. Nanhte mu mayu nna marit nga ai dai kasa wa gaw du sa nhtawm nye a ga shaka htawn tsun na ra ai,? ngu nna htan wu ai. Ref 3:1: Mat 11:10; Mrk 1:2; Luk 1:76; 7:27.
2 Rai ti mung, shi du ai nhtoi hpe kadai hkam sharang lu na rai ta? Shi dan pru yang kadai wa hkrung nga lu na rai ta? Shi gaw ja ai sabya zawn nhprang arai hpe shatsawm ai wan zawn rai na ra ai.
3 Shi gaw gumhpraw janghkam wa zawn jeyang na matu du sa na ra ai. Dai Madu a kasa gaw ja gumhpraw jasan jaseng ai janghkam wa zawn jasan jaseng na ra ai, shing rai shanhte gaw dai Madu hpang de jaw ai shagu hkungga ni la sa na mara ai.
4 Dai hpang, Yuda hte Yerusalem masha ni gaw lai sai aten hta shanhte lang yu manu ai zawn dai Madu hpang de la sa ai shagu hkungga ni gaw shi a matu ra sharawng hpa tai na ra ai.
5 Chyahtum Chyalai N-gun rawng ai dai Madu gaw, ?Nanhte hpe tara jeyang na matu ngai du sa nna shaba wawt ai ni, numshaw lashaw ai ni, masu let dagam ai ni bungli galaw masha ni a shabrai masu hkalem sha ai ni, gaida ni, jahkrai nmai ni hte maigan masha ni hpe zai hku nna roi rip ai ni hte ngai hpe n hkrit hkungga ai ni hpe kalang dat ngai sakse tai na nngai,? ngu tsun ai.
6 ?Ngai gaw dai Madu rai nga nngai. Ngai gaw galai mat ai n rai. Dai re ai majaw Yaku a amyu matu ni e, nanhte gaw ya du hkra tsep kawp mat mat myit dai n rai.
7 Nanhte gaw nanhte a shawng na nji nwa ni zawn, nye a tara ni hpe kau da nna n hkan shatup myit dai. Ngai hpang de nhtang wa marit, ngai mung nanhte hpang de nhtang wa na nngai. Rai ti mung nanhte mahtang, ?Anhte mahtang nang hpang de kaning rai nhtang wa lu na rai ta?,? nga nna san myit dai.
8 Ngai nanhte hpe san yu made ga, masha gaw Karai Kasang hpe hkalem sha na jaw nga a ni? Teng teng n rai law, rai ti mung, nanhte ngai hpe masu hkalem nga myit dai. Dai gaw ?Gara hku?,? ngu nna san myit dai. Dai gaw htam shi hta na htam mi hte shagu hkungga ni hpe n nawng ya ai majaw rai nga ai.
9 Amyu ting ngai hpe masu hkalem nga myit dai majaw nanhte yawng dagam dala hkrum nga myit dai.
10 Nanhte a htam shi hta na htam mi hpring hpring Nawku Htingnu de la sa wa mi, shaloi dai yang e lusha law law nga na ra ai. Ngai hpe chyam yu mi, shaloi sumsing lamu hkuwawt ni hpe ngai hpaw nna kaja ai arai baw hkum sumhpa yawng mayawng nanhte hpe nhpaw n-ya ru bun ai hpe nanhte mu lu na rai myit dai. Ref 3:10: Jaw 27:30; Bhk 18:21-24; Trj 12:6; 14:22-29; Neh 13:12.
11 Ngai gaw nanhte a nsi naisi ni hpe shingtai ni hte jahten sharun kau shangun na n rai, nanhte a sabyi ru ni mung sabyi si ni hte sumbyau nga na ra ai.
12 Dai hpang, masha amyu baw ni a masha ni yawng nanhte hpe kabu gara shaga na mara ai, hpa majaw nga yang, nanhte a lamu ga gaw shanu nga na matu kaja ai shara tai na ra ai.
13 Dai Madu gaw, ?Nanhte gaw ngai hte seng ai hkrithpa amu ni hpe tsun myit dai. Rai ti mung nanhte gaw, ?Nang hte seng ai lam anhte hpa baw tsun kau saga ta?,? ngu nna san myit dai.
14 Nanhte gaw, ?Karai Kasang hpe daw jau ai gaw akyu n pru nga ai. Shi tsun ai hku hkan galaw ai hte anhte galaw kau saga ai amu a majaw yawn hkyen hkrum ga ai lam Chyahtum Chyalai N-gun rawng ai dai Madu hpe shakut nna madun dan ai gaw hpa akyu pru nga a ta?
15 Dai hpe anhte mu ai hte maren nga yang, gumrawng gumtawng ai ni gaw kabu gara ai ni rai ma ai. N hkru ai ni gaw ngamu ngamai wa ai sha n-ga, shanhte a n hkru ai arawn alai ni hte Karai Kasang a hkam sharang ai hpe shanhte chyam yu ai hte lawt lu nga ai,?? ngu nna tsun manit dai.
16 Dai hpang, dai Madu hpe hkrit kamyin ai ni gaw shada da tsun nga ma ai, dai Madu hpe hkrit kamyin ai hte shi hpe hkungga ai ni ka matsing laika buk langai hta ka jahkrat da nga ai.
17 ?Chyahtum Chyalai N-gun rawng ai dai Madu gaw, ?Shanhte gaw nye a amyu masha ni tai na mara ai. Dai amu hpe ngai galaw ai shani hta, shanhte gaw ngai madu ai ni tai wa na mara ai. Kawa gaw shi hpe daw jau ai shadang sha hpe matsan dum ai zawn ngai mung shanhte hpe matsan dum na nngai.
18 Nye a amyu masha ni gaw ding hpring ai wa hte tara n lang ai wa a lapran ngai hpe daw jau ai wa hte n daw jau ai wa a lapran e shai ai hpe lang mi bai chye ginhka mu lu na mara ai,? ngu nna tsun wu ai.