3
(Mat 12:9-14; Luk 6:6-11)
1 Dai hpang Yesu gaw tara jawng de kalang mi bai shang wa ai rai nna, dai yang e
lata maga mi katsing si ai masha langai
mi nga ai.
2 Dai yang e Yesu hpe tara n hkan ai ngu nna mara shagun mayu ai masha nkau mi
nga ma ai rai nna, Bansa Nhtoi hta dai
wa hpe shamai ya na ra ai kun?, nga nna
htep kaw nna la yu nga ma ai.
3 Yesu gaw dai masha hpe, ?Shawa hpawng a man de sa pru tsap rit,? ngu nna tsun wu ai.
4 Dai hpang shi gaw masha ni hpe, ?Anhte a tara hta Bansa Nhtoi e hpa galaw mai ai
nga nna ahkang jaw da a ta? Karum la na
matu, shing n rai jam jau jaw na matu kun?
Masha langai mi a asak hkye la na, shing
n rai sat kau na matu kun?,? ngu nna san
wu ai.
Rai ti mung shanhte gaw hpa langai mi mung n tsun ma ai.
5 Shanhte a myit ja la nga malu ai hte shut nga ma ai majaw, Yesu gaw myit
yawn nna masin pawt let shanhte hpe
kayin mada shinggrup yu wu ai. Dai
hpang shi gaw lata katsing si ai wa hpe,
?Na lata ladawn dat u,? ngu nna tsun
wu ai. Dai wa mung shi a lata ladawn dat
wu yang, lata mai mat lu ai.
6 Dai rai nna Hparishe ni gaw tara jawng na pru mat wa nhtawm Herod a hpung g 3:6: Herod a hpung: Herodians or Herod's
party Herod the Great a aru arat rai nga ai
Herod Antipa hpe ra sharawng madi shadaw
ai Yuda mung masa hpung langai mi hpe
ngu ai re. masha ni hte kalang ta sa
hkrum nna Yesu hpe kaning di sat kau lu
na lam ni bawng ban nga ma ai.
7 Yesu hte shi a sape ni Galile de htawt mat wa ma ai: Galile mung hte
Yuda mung na masha wunawng kaba langai
mi mung shi kaw hkan nang ma ai;
8 dai hta n-ga, dai Yerusalem mare Idumea mung hte Yawdan hka sinpraw
hkran na ni hte, Turu hte Sidon mare
ni a grup yin ginwang hkan na masha
wunawng wuwa ni yawng shi galaw dat ai
amu lam ni hpe na ma ai majaw Yesu hpang
de sa du ma ai.
9 Shawa masha ni grai law nga ma ai rai nna Yesu gaw shi hpe n ahtu hkra mu ga nga,
sape ni hpe shi a matu li kaji langai mi
san shajin tawn da ya na hkang da wu ai.
10 Masha law law hpe shi shamai ya nu ai majaw, machyi makaw hkrum ai masha ni law law shi
hpe ahtawk la lu hkra nga nna shi kaw anin
shadut shang wa ma ai.
11 N seng ai nat kap ni masha ni Yesu hpe mu shagu, shi a man e dingnyawm dagup
nna, ?Nang gaw Karai Kasang a Kasha
rai nga ndai!,? nga nna kyek jahtau ma ai.
12 Yesu gaw, shi kadai rai nga ai ngu ai hpe kadai e mung n tsun shabrawng u ga,
n seng ai nat ni hpe shi aja awa hkang
da mu ai.
(Mat 10:1-4; Luk 6:12-16)
13 Dai hpang Yesu gaw bum langai de lung wa nna shi kaw hkan nang mayu ai ni
hpe mung shi saw shaga mu ai rai nna
shanhte shi kaw sa du ma ai.
14 Dai rai nna shi gaw, marai shi lahkawng hpe lata san da nhtawm shanhte hpe kasa
ni ngu nna shamying da mu ai. Dai hpang
shanhte hpe, ?Ngai hte rau nga na matu
nanhte hpe ngai lata la made ai hte hkaw
tsun dan na matu mung ngai nanhte hpe
shangun dat na made ai.
15 Nat ni hpe shaden kau na ahkang aya mung nanhte hpe ngai jaw na made ai,? ngu nna
tsun mu ai.
16 Dai marai shi lahkawng hpe shi lata san da nhtawm,(Yesu e Petru ngu nna mying
hkawt shamying ya hkrum ai) Simun,
17 Zebedi a kasha Yaku hte Yaku a kanau Yawhan, (shan nau hpe Buanerga, ngu nna
mying hkawt shamying wu ai; de a lachyum
?mu ngoi ai kasha yan,? ngu ai rai nga ai.)
18 bai Andre, Hpilip, Barhtolume, Mahte, Htawma, Alhpe a kasha Yaku, Htade, Kanani
masha Simun hte,
19 Yesu hpe ap kau na Yuda Iskarut hte rai ma ai.
(Mat 12:22-32; Luk 11:14-23; 12:10)
20 Dai hpang Yesu gaw nta de wa ai. Shawa masha wunawng kaba langai mi bai sa
zuphpawng nga ma ai majaw Yesu hte sape
ni shat sha na aten pyi n lu da mu ai.
21 Masha nkau mi, ?Yesu myit n gring mat sai!,? nga nna tsun shajang nga ma ai
hpe shi a nta masha ni na ma ai shaloi,
shanhte shi hpe woi la nna gawn lajang
na matu pru sa wa ma ai.
22 Yerusalem de nna yu wa ai tara sara nkau mi gaw Yesu hpe, ?Shi hta Bezebula
nat jawn nga ai. Dai nat ni a agyi wa kaw
na n-gun atsam hte shi nat ni hpe shaden
kau wu ai,? nga nna tsun ma ai.Ref 3:22 Mat 9:34; 10:25.
23 Shing rai Yesu shanhte hpe shaga la nna ga shadawn hku tsun mu ai gaw: ??Satan gaw
Satan hpe gara hku shaden kau lu na a ta?
24 Mungdan langai mi a kata hta daw hka bra ayai nna shada da gasat hkat ai rai yang
dai mungdan gaw n grin nga lu ai.
25 Nta dinghku langai mi mung, dinghku kata hta daw hka bra ayai nna shada da gasat
hkat ai rai yang dai dinghku n grin
nga lu ai.
26 Dai hte maren Satan a mungdan mung, daw hka bra ayai ai rai yang, n grin nga lu
ai hte hkrat sum htum mat na sha rai nga ai.
27 ?N-gun ja ai wa hpe shawng n gyit hkang da ai sha shi a nta de shang nna shi a
arai ni hpe n kashun la lu ai; shi hpe
gyit hkang da ngut jang she shi a nta
hpe hpya la lu na rai nga ai.
28 Ngai nanhte hpe teng teng tsun made ga, shinggyim masha ni a yubak mara yawng
hte hte, shanhte tsun shut ai n hkru
n kaja ai ga mahkra a matu, mara raw
dat kau ya lu nga ai.
29 Rai ti mung, dai Chyoi Pra ai Wenyi hpe n hkru n kaja ai shatan n hkan ga tsun ai
masha kadai hpe rai ti mung mara raw dat
kau ai hkrum lu na n rai. Hpa majaw nga
yang, shi gaw htani htana hte seng ai yubak
mara galaw nu ai wa rai nga ai,? ngu nna
tsun mu ai.
30 (Yesu ning nga nna tsun ai lam gaw, masha nkau mi shi hpe, ?Shi hta n seng ai nat
langai mi rawng nga ai,? nga nna tsun nga
ma ai majaw rai nga ai.)
(Mat 12:46-50; Luk 8:19-21)
31 Dai laman Yesu a kanu hte kanau ni du sa wa ma ai. Shanhte shinggan e tsap
nna shi hpe shaga ya na matu masha
shangun dat ma ai.
32 Shawa masha ni Yesu a grup yin e dung nga ma ai rai nna, shanhte gaw, ?Yu u, na nnu
hte nnau ni, shinggan e du nga ma ai.
Shanhte nang hpe tam nga ma ai,? ngu nna
shi hpe tsun mu ai.
33 Yesu gaw, ?Nye a kanu gaw kadai rai ta? Nye a kanau ni gaw kadai ni rai nga ma
ta?,? ngu nna htan mu ai.
34 Bai shi a grup yin e dung nga ai masha ni hpe kayin yu let shi gaw, ?Yu mu, ngai nu
hte ngai nau ni, nang e rai nga ma ai.
35 Karai Kasang a myit ra ai lam hte maren hkan sa galaw ai ni kadai rai ti mung,
ngai nau, ngai jan, ngai nu, rai nga
ma ai,? ngu mu ai.