12
(Mat 21:33-46; Luk 20:9-19)
Dai shaloi ga shadawn hte shanhte hpe tsun mu ai gaw, ?Masha langai mi sabyi sun langai mi hkai sharam da nna, de a grup yin e nhpan kum da ai hte sabyi shup na matu htung htu da nna langchyi langai mi gap da wu ai. Dai hpang shi gaw sun shap galaw ai ni hpe boi ya da nna kaga mung de hkawm sa mat wa ai. Ref 12:1: Esa 5:1-2; Mat 21:33; Luk 20:9. Ya dai sun kaw na sabyi si ni hpe shinggyin la na aten du jang, sun galaw ai ni a lata na sun madu shi lu ang ai hkambum lu la u ga, sun galaw ai ni hpang de, mayam langai mi hpe shangun dat wu ai. Shanhte mahtang, mayam hpe rim la nna, anu kayat nhtawm, kaman dat dat mu ai. Dai hpang sun madu gaw, mayam kaga hpe shanhte hpang de bai shangun dat wu ai; shanhte gaw dai mayam a baw hpe kayat jahpye ya nna, shi hpe kaya kahpa jahkrum mu ai. Sun madu gaw, mayam kaga langai mi hpe bai shangun dat wu yang, shanhte gaw shi hpe sat kau mu ai. Kaga marai law law hpe shangun dat ti mung, shanhte gaw kaga ni hte maren sha, nkau mi hpe anu kayat, nkau mi hpe sat kau mu ai. Sun madu hta shangun dat na masha ngu na shi a tsaw ra ai kasha shingtai langai sha ngam salu ai. Yawng a hpang jahtum e, shi a kasha hpe shanhte hpang de shangun dat wu ai; shi gaw, ?Ngai sha hpe shanhte hkrit hkungga na ma ra ai,? nga nna tsun ai. Rai ti mung dai sun galaw ai ni mahtang, ?Ndai wa gaw sun madu a kasha rai nna sali wunli dagraw na wa rai nga ai. Sa marit, anhte shi hpe sat kau gaw; shaloi shi a sali wunli anhte lu la na gaw ai!,? nga nna shada da tsun bawng la ma ai. Dai rai nna shanhte kasha hpe rim la nna sat kau nhtawm, sun shinggan de kabai kau mu ai.
?Dai shaloi sabyi sun madu gaw, kaning di na mu ta? Shi sa du nna dai sun galaw ai ni hpe sat kau nhtawm, dai sun masha kaga ni hpe htawt shap ya na ru ai.
10 ?Wahpang gaw ai ni akyu n rawng sai ngu nna lata kau ai nlung gaw,
yawng hta ahkyak dik ai njut jahtum na nlung tai wa sai.
11 Dai gaw, dai Madu a majaw byin wa sai rai nna,
anhte a man e mauhpa amu rai nga ai,?? nga nna Chyum Laika ni hta ka da nga ai hpe kaja wa nanhte n hti yu myit ni?,? ngu nna tsun mu ai.Ref 12:11: Shk 118:22-23.
12 Yuda ningbaw ningla ni gaw, Yesu hpe rim la na shakut ma ai, hpa majaw nga yang, ndai ga shadawn gaw shanhte hpe sha-ang nna ngu jaw ai re hpe shanhte chye nga ma ai. Rai ti mung shanhte gaw shawa masha ni hpe hkrit da mu ai rai nna shi hpe kau da nna pru mat wa ma ai.
(Mat 22:15-22; Luk 20:20-26)
13 Dai hpang shanhte gaw, Hparishe nkau mi hte Herod a hpung kaw na masha nkau mi hpe Yesu hpang de sa nna ga san ni hte mara rim na matu shangun dat mu ai. 14 Shanhte shi kaw du nna, ?Sara e, nang gaw masha ni hpa myit nga ai hpe hpa zawn n nawn ai sha, teng man ai lam hpe nang tsun nga ndai hpe anhte chye nga ga ai. Nang gaw masha a myi nan n tau ai sha, masha a matu Karai Kasang a myit ra ai lam hpe teng man ai hku sharin shaga nga ndai. Kehta Hkawhkam kaw hkanse bang ai rai yang, anhte a tara hte nhtan shai a ni? Anhte bang na rai kun? N bang na rai kun? Anhte hpe tsun dan mi,? ngu nna tsun mu ai.
15 Yesu gaw shanhte a myit magaw hpaji daw ai lam hpe mu chye ya mu ai rai nna, ?Nanhte ngai hpe hpa rai mara tam mayu nga myit ta? Dai gumhpraw dengga lap mi ngai kaw la wa marit, ngai yu yu we ga,? ngu nna htan mu ai.
16 Dai rai nna, shanhte la wa mu ai. Shi gaw, ?Gade a sumla hte masat laika kap nga a ta?,? ngu nna san mu yang,
shanhte gaw, ?Kehta a sumla hte masat laika kap nga ai,? ngu nna shi hpe htan mu ai.
17 Yesu gaw, ?Kaja sai, shaloi rai jang gaw, Kehta hte seng ai hpe gaw Kehta hpe jaw mu, Karai Kasang hte seng ai hpe gaw, Karai Kasang hpe jaw mu,? ngu nna shanhte hpe tsun mu ai.
Shanhte mahtang shi a lam grai mau mat nga ma ai.
(Mat 22:23-33; Luk 20:27-40)
18 ?Masha gaw, si ai kaw na bai hkrung rawt wa na n re,? nga nna tsun ai Saduke nkau mi Yesu hpang de sa nna,Ref 12:18: Mat 22:23; Luk 20:27. 19 ?Sara e, masha langai mi kasha garai n kap ai si mat wa ai rai yang, ngam nga ai madu jan hpe shi a kanau gaw dai gaida hpe hta la lu na rai nna lu wa ai kasha hpe kahpu a matu mara hku sawn shachyaw ya u ga, nga nna Mawshe gaw anhte a matu ka da ya mani ai. Ref 12:19: Trj 25:5-6. 20 Kalang mi na ning re ai yan nau ni marai sanit nga ma ai. Kahpu kaba wa gaw num la nna, matu mara n kap ai si mat sai. 21 Hpang na wa, dai num hpe hta nna, matu mara n kap yang si mat sai, Masum ngu na wa mung dai hte maren rai mat ai. 22 Shing rai dai yan nau ni yawng marai sanit tup dai num hpe hkungran la nna matu mara n kap ai si mat ma ai. Hpang jahtum dai num mung si mat wa sai. 23 Ya, si ai ni bai hkrung rawt wa ai shani, dai ni hta na gade a madu jan shi rai na ra ta? Hpa majaw nga yang, marai sanit a madu jan shi tai yu sai,? ngu mu ai.
24 Yesu gaw, ?Nanhte dai daram wa shut shai lam dam mat nga manit hka? Dai hpa majaw re hpe nanhte chye da mu ni? Dai Chyum Laika hte Karai Kasang a atsam hpe nanhte n chye mu ai majaw rai nga ai. 25 Hpa majaw nga yang, si ai ni bai hkrung rawt wa jang, num la num ya n rai na ma ai. Shanhte gaw sumsing lamu hta e lamu kasa ni zawn rai nga na mara ai. 26 Ya si mat ai ni a bai hkrung rawt wa na lam hte seng nna, Mawshe a laika hta dai wan grung nga ai singwum a lam ka da ai daw hpe n hti yu myit ni? Dai daw hta Karai Kasang gaw Mawshe hpe, ?Ngai gaw Abraham a Karai Kasang, Yaku a Karai Kasang rai nga nngai,? nga nna tsun ai hpe ka da nga ai.Ref 12:26: Pru 3:6. 27 Shi gaw si nga ai ni a Karai Kasang n rai, hkrung nga ai ni a Karai Kasang she rai nga ai; nanhte grai lam dam mat manit dai,? ngu nna shanhte hpe htan mu ai.
(Mat 22:34-40; Luk 10:25-28)
28 Tara Sara langai mi gaw dai makau mayang e nga nga ai rai nna, shanhte a ndang kalang hkat ai lam na wu ai. Yesu Saduke ni hpe htan ai ga grai kaja nna manu nga ai hpe, chye wu ai majaw, ?Hkang da ai ga mahkra hta gara mahtang grau kaba nga a ta?,? ngu nna Yesu hpe san wu ai.
29 Yesu gaw, ?Kaba dik ai mahtang gaw, ndai rai nga ai, Israela amyu ni e madat la mu! Anhte a Madu Karai Kasang gaw langai sha re ai Madu rai nga ai.Ref 12:29: Trj 6:4. 30 Dai Madu na a Karai Kasang hpe, na a myit kraw lawang mahkra hte, na a myit masin wenyi mahkra hte, na a myit mang mahkra hte, na n-gun lagaw mahkra hte, nang tsaw ra lu na ndai, nga ai ga gaw grau kaba ai ga rai nga ai. 31 Lahkawng ngu na kaba dik ai hkang da ai ga gaw: ?Na a htingbu wa hpe, na a hkum hte maren nang tsaw ra lu na ndai,? nga ai rai nga ai. Ndai ga lahkawng hta grau kaba ai hkang da ai ga n nga ai,? ngu nna htan wu ai. Ref 12:31: Jaw 19:18; Mat 22:39; Gal 5:14; Yak 2:8.
32 Dai Tara Sara gaw Yesu hpe, ?Ara, rai sa, Sara e! Karai Kasang gaw langai sha rai nga ai hte shi hta shaje kadai n nga ai, nga nna nang tsun ai ga teng nga lit dai. Ref 12:32: Trj 4:39; Esa 45:6,14. 33 Bai masha gaw, myit kraw lawang mahkra hte, myit hpaji mahkra hte, n-gun lagaw mahkra hte shi hpe tsaw ra lu na rai nna, tinang a htingbu wa hpe tinang a hkum hte maren tsaw ra lu na, nga nna hkang da ai, ndai ga lahkawng gaw Karai Kasang hpe dusat hkungga hte kaga hkungga ni nawng ya ai hta grau kaba ai rai nga ai,? ngu nna shi hpe tsun wu ai. Ref 12:33: 1Sa 15:22; Hos 6:6; Mik 6:6-8.
34 Dai wa htan ai ga gade wa hpaji rawng nga ai hpe Yesu mu chye wu yang, ?Nang gaw Karai Kasang a mungdan hte n tsan nga ndai,? ngu nna tsun wu ai.
Dai hpang, kadai mung Yesu hpe matut nna ga san hpa mung n san wam ma ai.Ref 12:34: Mat 22:46.
(Mat 22:41-46; Luk 20:41-44)
35 Yesu gaw Nawku Htingnu nhku kata e sharin shaga nga yang, shi shanhte hpe ga san san mu ai gaw, ?Meshia gaw Dawi a aru arat kashu kasha rai na ra ai, nga nna Tara Sara ni hpa rai tsun lu nga ma ta? Ref 12:35: Mat 22:41; Luk 20:41. 36 Dawi gaw Chyoi Pra ai Wenyi e shadut ya ai hte,
?Dai Madu nye a Madu hpe tsun wu ai gaw:
Na a gumlau hpyen ni hpe, na a lagaw npu e ngai tawn da ai du hkra,
nye a hkra maga de dung nga u,? nga nna tsun ai. Ref 12:36: 2Sa 23:2; Shk 110:1. 37 Dawi shi hkum nan Meshia hpe, ?Madu? ngu wu ai. Dai rai yang gaw, kaning rai nme shi a kasha rai na rai nga a ta? ngu wu ai.
(Mat 23:1-36; Luk 20:45-47)
Shawa masha law law wa Yesu a sharin shaga ai hpe kabu gara ai hte madat la nga ma ai. 38 Shing rai shi sharin shaga nga yang, shi gaw ?Tara Sara ni hpe sadi nga mu: shanhte gaw hpun palawng galu bu hpun nna hkawm dan mayu ma ai hte gat hkan e hkungga shachyen ai hpe hkam la mayu ma ai. 39 Tara jawng ni hta grau reng ai tingnyang ni hpe mung, poi hkan e kaja dik ai shara ni hpe mung ra nga ma ai. 40 Gaida gaina ni a nta ni hpe, shanhte hpya lu hpya sha nna hpyi hpun ai hte akyu hpyi ai ga ni hpe galu galang hpyi ma ai. Dai rai nna dai ni gaw daw dan kau ai grau nna hkrum na mara ai, ngu mu ai!?
(Luk 21:1-4)
41 Yesu gaw Nawku Htingnu alu sumpu tawtap e dung nga nna, shawa masha ni dai alu sumpu hta shanhte a alu gumhpraw ni bang nga ma ai hpe yu nga ai. Sut su ai ni law law wa, law law sa bang ma ai. 42 Shaloi matsan mayan re ai gaida jan langai mi sa nna, pyeksan langai mi ging ai magri hkyeng dingsen lahkawng bang nu ai. 43 De a majaw, shi a sape ni hpe shaga shinggyin la nna, ?Nanhte hpe ngai teng teng tsun made ga, ndai matsan mayan re ai gaida jan gaw, alu sumpu hta bang da ai ni mahkra hta grau nna bang dat nu ai. 44 Hpa majaw nga yang, kaga ni gaw tinang a n taw n tsang lu ai hta na jan ai hpe bang da ma ai; shi chyawm gaw shi a matsan mayan re ai hta na lu malu mahkra hpe, rai sa, shi a nsa bau na arai yawng mayawng hpe bang kau nu ai,? ngu mu ai.