MARKU A LAIKA
(MARK)
Ga Nhpaw
Ndai Marku ka ai Kabu Gara Shiga Laika hpe, ?Karai Kasang a Kasha Yesu Hkristu a lam Kabu hpa Shiga ni,? ngu ai tang madun ai
ga hte npawt hpang nna ka da ai hpe mu lu ai.
Yesu hpe, ahkang aya lu nna ta tut amu
galaw ai masha langai mi re ai hku maka
kumla shapraw dan nga ai. Shi hta ahkang
aya nga ai lam: shi a sharin shaga ai ga
ni hta mung, nat ni hpe shaden kau nna
masha ni a yubak mara ni hpe raw dat kau
ya ai atsam mung mu lu nga ai. Madu Yesu
gaw shi hkum nan a lam hpe, dai Masha Kasha
gaw shinggyim masha ni hpe yubak mara kaw
na raw dat na matu shi a asak jaw kau ai wa
re ai hku tsun nga ai. Mrk 10:45
Marku gaw, Madu Yesu a maumwi hpe shi tsun shaga ai ga ni hte sharin shaga ai lam ni hta shi hpa galaw sai lam hpe mahtang grau
nna ading tawk, aja awa madung dat ai hku
tang madun nga ai. Law malawng myit hkrum ai
lam langai mi gaw, Marku a Kabu Gara Shiga
Laika hpe Roma masha laika hti ai shawa ni
a matu ka ai re ngu ai lam rai nga ai. Hpa
majaw nga yang, Roma masha langai mi gaw
Yuda masha ni hte shai nga ai. Shi gaw amyu
ru sai, labau gawn ai lam, myihtoi ga dik
tup wa ai ngu ai lam, tara htung dingsa jasi
hkan shadik ai lam ni hta myit n lawm ma ai.
Shi myit lawm ai lam gaw, kangka ai hte atsam
marai rawng nna ta tut amu galaw ai masha
langai mi a maumwi hpe asan sha ra ai lam
madung hpe ading tawk na la na matu she myit
lawm nga ai. Dai majaw Kabu Gara Shiga Laika
kaga ni hte shai nna kadun dik ai hku ka da ai
hpe mu lu ai. Hkalup Sara Yawhan a lam, hte
Madu Yesu hkalup hkam la nna agung alau hkrum ai
lam ga nhpaw kadun sha mi a hpang, laika ka ai wa
gaw Madu Yesu a shamai shatsai ai hte sharin shaga
ai sasana magam gun ai lam hpe kalang ta ka mat
wa ai. Aten na wa ai shaloi, Madu Yesu a hpang
hkan nang ai ni gaw shi a lam grau nna chye na wa
ma ai; rai ti mung, Yesu a hpyen maga nga ai ni
chyawm gaw, grau nna nhtan shai ai hku galaw sa
wa ma ai. Ga hpungdim daw na daw kaba ni hta,
Madu Yesu ga ntsa e hpang jahtum na bat lapran
asak hkrung lam hte, grau nna wudang ntsa e jen
sat hkrum nna bai hkrung rawt wa sai lam mabyin
masa ni hpe shana dan nga ai.
Ndai Kabu Gara Shiga Laika hta shara lahkawng jahtum daw na daw kaji hpe bracket kata hta bang
da ai hpe mu lu na re. Dai gaw, Kabu Gara Shiga
Laika ka ai wa majing hku nna ka ai n re ai sha,
Kabu Gara Shiga laika kaga ni hpe ka shapraw wa
ai hpang kam sham ai hpung masha marai langai
ngai n ngut n ngut nga hkring da ai Marku laika (16:8) hpe hpungdim kaja dat ya lu na matu ka
jat bang da sai ngu nna law malawng sawn la ma ai.
1
(Mat 3:1-12; Luk 3:1-18; Yhn 1:19-28)
1 Ndai gaw Karai Kasang a Kashaa 1:1: Karai Kasang a Kasha: ?Lata hte ka da ai Chyum Laika (Manuscripts) nkau mi hta, ?Karai Kasang a
Kasha? ngu ai ga n rawng ai. Yesu Hkristu
a lam Kabu Gara Shiga rai nga ai.
2 Myihtoi Esaia a laika hta ka da nga ai hte maren:
?Karai Kasang gaw, ?Na lam lajang magang
na matu
nye a kasa hpe na a shawng e ngai shangun dat na we ai.?Ref 1:2: Mal 3:1; Mat 11:10; Luk 7:27.
3 Nam mali kata e masha langai mi jahtau nga ai nsen gaw,
?Dai Madu a matu lam lajang da mu;
shi hkawm sa wa na matu lam hpe malang hkra shading mu!, nga ai,?? nga nna tsun hpang ai.Ref 1:3: Mat 3:3; Luk 3:4.
4 Shing rai nam mali e Yawhan paw pru nna, hkalupb 1:4: Hkalup: (Hkalup: Grik ga
hta Baptizo ngu ai gaw dip shalup ai
(Immersion) ngu ai lachyum re. Roman
Catholic, Lutheran, Episcopal hpung ni
hta Baptisma ngu ai ga hpe lang ma ai.
Dai gaw chyoi pra ai kumla (Sacrament)
re ai hku nawku ai htung lai (Ritualism)
shadik ai lam rai nga ai. jaw ai hte
hkaw tsun nga ai. Shi gaw, ?Nanhte a yubak
mara ni kaw na kayin wa nna hkalup hkam la
mu, shing rai yang Karai Kasang gaw nanhte
a yubak mara ni hpe raw dat kau ya na ra
ai,? ngu nna masha ni hpe tsun mu ai.Ref 1:4:
Mat 3:1; Luk 3:3; Yhn 3:23.
5 Yawhan hkaw tsun ai ga hpe madat la na matu Yerusalem mare hte Yuda mung hkan na masha
ni law law pru sa wa ma ai. Shanhte gaw
tinang a yubak mara ni hpe yin la ma ai rai
nna, shi shanhte hpe Yawdan hka hta hkalup
jaw mu ai.
6 Yawhan gaw gawla-uk mun hte da ai hpun palawng bu hpun nna, shi a nshang e
shanhpyi shingkyit kyit nga ai, shi a
lusha gaw dinggam-yaw hte nam na lagat
ntsin rai nga lu ai.Ref 1:6: Jaw 11:22; 2Hk 1:8; Mat 3:5.
7 Shi gaw shawa masha ni hpe, ?Nye a hpang e du sa na ra ai wa gaw, ngai hta grau kaba ai wa rai
nga ai. Shi a kyepdin sumri ni hpe gum raw ya na
pyi ngai n ging n dan nngai.
8 Ngai gaw nanhte hpe hka hta hkalup jaw made ai, rai ti mung shi gaw nanhte hpe Chyoi Pra
ai Wenyi hta hkalup jaw na marin dai,? ngu
nna hkaw tsun mu ai.
(Mat 3:13-4:11; Luk 3:21-22; 4:1-13)
9 Dai hpang gade nna yang, Yesu gaw, Galile ginwang Nazaret mare kaw nna sa du ai hte
Yawhan a lata hte Yawdan hka hta e hkalup
hkam la wu ai.
10 Shaloi jang dai hka hta na pru lung wa yang, sumsing lamu hpaw malang wa nna dai Wenyi
gaw hkrudu langai mi zawn shi a ntsa e yu
hkrat wa ai hpe shi mu wu ai.
11 Lamu de na mung, ?Nang gaw, nye a tsaw ra ai shadang sha rai nga ndai; nang hta
ngai sharawng awng nga nngai,? nga nna
nsen ngoi pru ai.Ref 1:11: Nin 22:2; Shk 2:7; Esa 42:1; Mat 3:17; 12:18; Mrk 9:7; Luk 3:22.
12 Shaloi jang dai Wenyi gaw shi hpe nam mali de sa wa shangun dat wu ai.
13 Dai yang e nhtoi mali shi ya tup shi nga nga ai rai nna Satan e gunglau ai hpe shi
hkrum nga ai. Dai yang e nam na matse
labye dusat ni mung nga nga ma ai, rai
ti mung lamu kasa ni sa du nna shi hpe
galaw daw ma ai.
(Mat 4:12-22; Luk 4:14-15; 5:1-11)
14 Yawhan hpe htawng hta rim bang kau ai hpang, Yesu gaw Galile mung de sa du nna Karai
Kasang kaw na Kabu Gara Shiga hkaw tsun
dan mu ai.
15 Shi gaw, ?Dai aten ladaw dik wa ai hte, Karai Kasang a mungdan gaw ni wa magang
ra ai! Nanhte a yubak mara ni kaw na kayin
wa nna Karai Kasang a Kabu Gara Shiga hpe
kam sham nga mu!,? ngu nna hkaw dan mu ai.Ref 1:15: Dan 9:25; Mat 3:2; Gal 4:4; Ehp 1:10.
16 Galile Nawng makau e Yesu garet hkawm nga yang, nga hkan sha ai masha marai
lahkawng hpe shi mu hkrup wu ai. Dai yan
gaw Simun hte Andre yan nau rai nna sumgawn
langai mi hte nga hkan nga ma ai.
17 Yesu gaw shan hpe, ?Ngai kaw hkan marit, masha hpe hkan hkwi na matu, ngai
nan hpe sharin ya made ga,? ngu mu ai.
18 Shaloi jang shan gaw sumgawn ni hpe kau da nna shi kaw hkan nang ma ai.
19 Bai, shi loi mi shawng de hkawm sa wa yang Zebedi a kasha Yaku yan Yawhan
hkan nau lahkawng hpe mu wu ai.
Shanhte gaw dai li hta e, shanhte a
sumgawn ni hpe kapa nna lajang shajin
nga ma ai.
20 Yesu gaw shan hpe mu mada ai hte rau shan hpe shaga mu ai rai nna, nchyang
ni hte rau li hta rawng nga ai shan a
kawa Zebedi hpe kau da nna Yesu kaw
hkan nang ma ai.
(Luk 4:31-37)
21 Yesu hte shi a sape ni Kaperna-um mare de sa du ma ai rai nna, hpang shani
Bansa Nhtoi e Yesu gaw tara jawng de
shang nna sharin shaga nga ai.
22 Shi a sharin shaga ai lam hpe na la ai masha ni gaw mau mat ma ai, hpa majaw
nga yang, shi gaw tara sara ni zawn n
rai, ahkaw ahkang atsam hte sharin shaga
nga ai.Ref 1:22: Mat 7:28; Luk 4:31.
23 Shaloi jang n san n seng ai nat kap ai masha langai mi tara jawng de shang wa
ai.
24 Dai wa gaw, ?Nazaret wa Yesu e, anhte nang hte hpa seng ga ta? Anhte hpe jahten
kau na matu nang sa du n ni? Nang kadai
re ai hpe ngai chye nga nngai, nang gaw
Karai Kasang a Chyoi Pra ai Wa rai nga
ndai!,? nga nna marawn jahtau ai.
25 Shaloi Yesu gaw, ?Atsin sha nga u, shi kaw na pru mat wa u!,? ngu nna shi hpe
daru kau wu ai.
26 N seng ai nat gaw dai masha hpe aja wa bu lashan shangun nna, nsen kaba hte kyek
jahtau let shi kaw na pru mat wa ai.
27 Masha ni yawng mung mau mahka mat nna, ?Ndai gaw hpa rai nga a ta? Sharin shaga
ai lam ningnan lama mi rai nga a ni? Ndai
masha wa hta n seng ai nat ni hpe hkang
da ai lam ni jaw na daru magam ahkang aya
nga nga ai rai nna, shanhte shi hpe madat
mara nga ma ai,? nga nna shada da tsun
ma ai.
28 Shaloi jang Yesu a lam shiga ni gaw Galile mung shara shagu hkan e chyam bra mat wa ai.
(Mat 8:14-17; Luk 4:38-41)
29 Dai hpang Yesu hte sape ni gaw Yaku yan Yawhan hte rau tara jawng na pru
wa nhtawm, Simun yan Andre a nta de
ding tawng sa shang ma ai.
30 Simun a kani hkum kahtet nna yup ra e machyi taw nga ai. Yesu du sa wa ai hte
rau dai lam shi hpe tsun dan mu ai.
31 Shaloi shi sit sa nna, shi a lata hte jum let machyi ai jan hpe sharawt wu ai.
Shing rai shi hta hkum kahtet ai kawp mat
nna, shi shanhte hpe galaw daw mu ai.
32 Ya, jan shang wa ai hpang shana ahkying du jang, masha ni gaw machyi makaw hkrum
ai ni hte nat kap ai masha ni yawng hte
hpe Yesu kaw woi sa ma ai.
33 Mare ting na masha ni yawng dai nta ndaw e sa hpawng de nga ma ai.
34 Yesu gaw ana ahkya amyu myu hte machyi ai masha law law hpe shamai ya nna, nat law
law hpe mung shaden kau mu ai. Shi kadai
rai nga ai hpe shanhte chye nga ma ai majaw,
shi shanhte hpe ga tsun na ahkang n jaw
mu ai.
(Luk 4:42-44)
35 Hpang jahpawt manap jau jau e, nhtoi garai n htoi yang shi yup rawt nna nta
na pru mat wa ai. Shi gaw mare kata na
pru nhtawm machyi shim ai shara de sa
wa nna dai yang e akyu hpyi nga ai.
36 Simun hte shi a manang ni gaw pru sa nna Yesu hpe hkan tam hkawm nga ma ai.
37 Shanhte shi hpe mu jang, ?Masha shagu nang hpe tam nga ma ai,? ngu nna tsun
mu ai.
38 Rai ti mung Yesu gaw, ?Ndai grup yin kaga mare kahtawng ni hta e ngai naw
hkaw tsun ra nga ai majaw anhte sa wa
saga: hpa majaw nga yang de a matu she
ngai sa du ring ngai,? ngu mu ai.
39 Shing rai shi gaw Galile mung ting kawan hkawm nna tara jawng ni hta hkaw tsun
dan let nat ni hpe shaden kau mu ai.Ref 1:39: Mat 4:23; Luk 4:44.
(Mat 8:1-4; Luk 5:12-16)
40 Manggang kap ai masha langai mi Yesu kaw sa nna, lahput hput di let,
?Madu e, nang hkraw n yang gaw,
ngai hpe shamai shatsai ya lu na
rai nga ndai,? ngu nna shi hpe
hpyi nem wu ai.
41 Yesu gaw matsan dum c 1:41: Matsan dum: (Matsan dum) Manuscripts nkau mi hta (matsan dum ai) ngu ai ga a malai, pawt ai hte, ngu ai ga hpe lang ma ai. ai hte shi a lata
ladawn nna ahtawk let, ?Ngai hkraw nga
nngai, san pra wa nu!,? ngu nna htan wu ai.
42 Shaloi jang, dai wa hta kap ai manggang ana mai tsai mat nna shi asan apra rai
mat ai.
43 Dai hpang Yesu gaw dai wa hpe aja awa tsun htet nhtawm kalang ta tin tin wa kau shangun
wu ai.
44 Shi hpe shing nga tsun ngut ai hpang, shi gaw, ?Madat u, ndai byin ai lam
kadai hpe mung hkum tsun dan et, rai
ti mung hkinjawng wa kaw nang ading
tawk wa nhtawm, na a hkum hpe jep yu
shangun u. Dai hpang, nang mai tsai
san pra mat sai lam masha law law a
man e sakse tai na matu Mawshe htet
da ai hte maren hkungga wa nawng u,?
ngu nna htet matsun dat wu ai. Ref 1:44: Jaw 14:3-4,10; Luk 5:14.
45 Rai ti mung dai masha wa gaw pru mat wa nna dai shiga hpe shara shagu aja
awa hkai dan ai hte kajai gumhkawng
dat wu ai rai nna Yesu gaw mare kata
de dan dan leng leng n shang lu wu ai.
Mare de shang na malai, masha katsi ai
shara hkan e nga nga ai: shara magup
hkan na masha ni mung shi kaw sa du ma
ai.