4
Esa 2:2-4)
Du na ra ai aten ni hta,
Nawku Htingnu dung ai bum gaw
yawng hta tsaw htum ai shara tai nna,
kawng ni yawng hta grau tsaw na ra ai.
Masha amyu baw law law ni dai shara de htaw bang na mara ai,
shanhte a amyu masha ni gaw,
?Anhte gaw dai Madu a kawng,
Israela a Karai Kasang a Nawku Htingnu de lung wa saga.
Shi gaw anhte hpe galaw shangun mayu ai lam sharin ya na ra ai;
anhte gaw shi lata da sai lam hta hkawm sa na rai ga ai.
Hpa majaw nga yang, dai Madu a sharin shaga ai ga gaw Yerusalem kaw nna rai nga ai;
shi a amyu masha ni hpe shi tsun ai ga gaw Ziun kaw na rai nga ai,? ngu nna tsun na mara ai.
 
Shi gaw masha amyu baw ni a lapran e mung,
ni ai tsan ai shara na daru magam n-gun kaba lu ai ni a lapran e mung ndang kalang lam ni hpe daw dan ya na ra ai.
Shanhte gaw shanhte a nhtu ni hpe najawn,
shanhte a nri ni hpe nhkyi kasha ni dup kau na mara ai.
Masha amyu baw ni majan de galoi mung pru sa na ma ai n rai,
majan a matu galoi mung bai hkyen na mara ai n rai. Ref 4:3: Esa 2:4; Yoe 3:10.
Masha shagu gaw tinang a sabyi sun ni hte lakum hpun lapran hkan
ngwi pyaw sim sa ai hte nga lu na mara ai,
kadai mung shanhte hpe jahkrit na mara ai n rai.
Chyahtum Chyalai N-gun rawng ai dai Madu gaw ndai lam hpe ga sadi tawn da nu ai.
 
Masha amyu baw shagu gaw tinang a karai hpe nawku ai hte madat mara ma ai, rai ti mung anhte chyawm gaw dai Madu anhte a Karai Kasang hpe htani htana nawku ai hte shi a ga madat mara na ga ai.
Dai Madu gaw, ?Ngai zingri zingrat yu sai amyu masha ni hte bawng dung ai shara hkan nni nkri hkrum sha yu sai ni hpe bai shinggyin la ai aten du wa nga sai,? ngu nna tsun ai. Shanhte gaw lagaw hten htu ai hte dum nta hte tsan gang nga ma ai, rai ti mung ngai chyawm gaw naw ngam nga ai ni hte nnan gaw sharawt la nhtawm shanhte gaw amyu kaba tai wa na mara ai. Ngai gaw shanhte hpe Ziun Bum ntsa e dai aten kaw nna htani htana du hkra up nga na nngai,? nga nna tsun ai.
Yerusalem na nang Karai Kasang gaw sagu rem wa gaw langchyi ntsa kaw nna yu nga ai zawn shi a amyu masha ni hpe yu mada nga ai; dai mare gaw shawoi na zawn mungdan a mare daju kalang mi bai tai wa lu na ra ai. Nang hpa majaw ja ja jahtau shabam nga n ta? Shinggyim machyi ai num zawn nang hpa majaw nni nkri hkrum sha nga n ni? Nang hta hkawhkam n nga ai majaw kun? Nang hpe hpaji jaw ai ni si mat ai majaw kun? 10 Yerusalem masha ni e, shinggyim machyi ai num zawn kasha shangai na matu manai madai nga u. Hpa majaw nga yang, nang gaw ndai mare kaw nna pru mat wa ra ai hte pa ga de sa nga ra na ra ai. Nang gaw Babelon mung de du hkra sa mat wa ra nga tim, dai Madu gaw nang hpe dai shara na na a gumlau hpyen ni a lata kaw na mawai la na ra ai. 11 Masha amyu baw ni law law nang hpe gasat na matu hpawng nga masai. Shanhte gaw, ?Yerusalem gaw hten run mat ra ai! Ndai mare hten run taw nga ai hpe anhte mu lu na ga ai!,? ngu nna tsun ma ai. 12 Rai ti mung, dai masha amyu baw ni gaw dai Madu a myit kraw kata hta hpa baw myit mang nga ai lam hpe n chye nga ma ai. Hkauling hpe kabye shinggyin la ai zawn shanhte hpe ari jaw na matu shinggyin hpawng da ai lam hpe shanhte myit n hkawn nga ma ai.
13 Dai Madu gaw, ?Yerusalem masha ni e, rawt sa nna na a gumlau hpyen ni hpe ari jaw u! Hpri nrung hte magri mang lahkru rawng ai usu zawn ngai nang hpe n-gun shaja ya na nngai. Nang gaw masha amyu baw law law ni hpe adup mani kau na ra ai; shanhte kashun kashe rai lu la ai sut gan hpe mungkan ting a Madu rai nga ai, ngai hpang de sa sak ya na mara ai,? ngu nna tsun ai.