23
1 Dai Madu gaw Mawshe hpe
2 Israela amyu masha ni nawku hpawng galaw ma ai shaloi, nawku htung hte seng ai poi ni hta hkan sa na tara ni jaw ya wu ai.
3 Nanhte gaw kru ya tup magam bungli galaw lu na nhtoi lu nga myit dai; rai ti mung sanit ya ngu na shani chyawm gaw Bansa Nhtoi rai nna ban sa ai shani rai nga ai hpe dum nga mu. Dai shani hta magam bungli hkum galaw myit; rai ti mung nawku na zup hpawng nga mu. Nanhte nga ai shara shagu hta dai gaw dai Madu a matu Bansa Nhtoi rai nga ai.Ref 23:3: Pru 20:8-10, 23:12, 31:15, 34:21, 35:2; Trj 5:12-14.
4 Ladaw da ai aten ni hta hkan galaw na poi ni a lam ndau shabra mu.
(Bhk 28:16-25)
5 Dai Madu hpe shagrau sha-a na matu galaw ai Shalai Wa Ai Poi hpe shawng na shata a shi mali ya shani, shana de jan shang wa ai aten hta galaw na rai nga ai.Ref 23:5: Pru 12:1-13; Trj 16:1-2.
6 Dai shata a shi manga ya shani e, Matsi N Rawng ai Muk Sha Poi galaw hpang nhtawm sanit ya tup matsi hte galaw ai muk hpa hpe mung sha lu na myit dai n rai.
7 Nnan shani hta nan nawku ai zup hpawng hpawng na rai myit dai; kadai mung shani shagu galaw nga ai amu bungli ni hpe galaw lu na myit dai n rai.
8 Dai Madu hpe sanit ya tup nanhte a lusha hkungga nawng jau na rai myit dai; dai sanit ya du ai shaloi nawku ai zup hpawng galaw na rai myit dai. Rai ti mung nanhte galaw nga ai shani shagu na amu bungli hpa hpe mung galaw lu na myit dai n rai. Ref 23:6-8: Pru 12:14-20, 23:15, 34:18; Trj 16:3-8.
9-10 Ngai nanhte hpe jaw ai mungdan de nanhte shang wa myit dai shaloi nanhte shawng shu la ai hkauling gaw hkinjawng wa hpang de la sa na rai myit dai.
11 Shi gaw dai hpe laksan hkungga shatai nna dai Madu hpe nawng jau na rai wu ai; shaloi nanhte a hkungga hkap la na rai wu ai. Hkinjawng wa mung dai hpe Bansa Nhtoi a hpang shani e sak jaw na rai wu ai.
12 Dai nsi naisi hkungga sak jaw ai shani hta ra n rawng ai laning mi ladu hkrum sai sagu la kasha hpe wan nat hkungga shatai nna nawng jau na rai wu ai.
13 Dai hte rau lusha hkungga shatai na tsanlun sau hte kayau ai shadung mani pawng mali sak jaw na rai myit dai. Shing rai ndai manam pyaw ai sangau bat hpe dai Madu awng sharawng na wu ai. Bai sabyi ntsin palin 2 jan hpe mung dai hte rau nanhte nawng jau na rai myit dai.
14 Nanhte gaw Karai Kasang hpang de ndai hkungga ni hpe n la sa dingsa, nsi naisi katsing rai ti mung, muk tai hkra kangau, kabaw ai rai ti mung, sha lu na myit dai n rai. Ndai tara gaw nanhte a amyu matu mara ni yawng prat mi hte prat mi hkan sa na lam rai nga ai.
(Bhk 28:26-31)
15 Dai Madu hpe sak jaw na nga, nsi naisi hkauling la sa ai shani ngu na Bansa Nhtoi a hpang shani kaw nna,Ref 23:15-21: Pru 23:16; 34:22; Trj 16:9-12.
16 bat sanit du hkra hti nhtawm laban bat sanit a hpang shani nhtoi manga shi ya ngu na shani, kaga nsi naisi nnan hkungga dai Madu hpe sak jaw na rai myit dai.
17 Dinghku shagu gaw muk tawng lahkawng hkawng shapraw nhtawm laksan kumhpa shatai nna dai Madu hpe sak jaw na rai myit dai. Muk tawng shagu hpe mani ai shadung pawng mali hpe matsi hte shawawm nhtawm shawng ngai ai nsi naisi hkungga shatai nna dai Madu hpe nawng jau na rai myit dai.
18 Dai muk tawng hte rau ladu hkrum nna ra n rawng ai sagu kasha sanit, usu uram langai, hte sagu la lahkawng hpe shawa hpawng kaw na nawng ya na rai myit dai. Dai ni hpe wan nat hkungga shatai nna shadung hkungga hte sabyi hkungga hte hpawn dai Madu hpe nawng ya na rai myit dai. Dai hkungga a sangau hpe dai Madu awng sharawng nga ai.
19 Dai hpang htingrai hkungga a matu bainam langai, mahku hkungga a matu laning mi ladu hkrum sai sagu la lahkawng jaw jau na rai myit dai.
20 Hkinjawng ni a matu dai Madu hpe laksan kumhpa shatai na muk hte sagu la lahkawng hpe mung hkinjawng wa nawng ya na rai wu ai. Dai hkungga ni gaw chyoi pra nga ai.
21 Dai shani hta nanhte kadai mung shani shagu na amu bungli hpe n galaw ai sha, nawku hpawng galaw na rai myit dai. Dai gaw nanhte shanu nga ai shara shagu hta nanhte a amyu matu mara ni prat mi hte prat mi hkan sa na tara rai nga ai.
22 Nanhte a yi hkauna kaw na nai mam ni shu la myit dai shaloi, yi hkauna a njut nnaw hkan na nsi naisi dan la lu na myit dai n rai; dai gaw matsan mayan re ai ni hte tsasam masha ni a matu ngam da ya lu na rai myit dai. Ngai gaw dai Madu nanhte a Karai Kasang rai nga nngai.Ref 23:22: Jaw 19:9-10; Trj 24:19-22.
(Bhk 29:1-6)
23-24 Shata sanit a langai ya shani gaw laksan bansa ai nhtoi rai nna nawku daw jau na matu pahtau dum garu dat ai shaloi sa zup hpawng na rai myit dai.
25 Dai Madu hpe lusha hkungga sak jaw nhtawm nanhte kadai mung amu bungli galaw lu na myit dai n rai.
(Bhk 29:7-11)
26-27 Shata sanit a shi ya shani gaw shaning shagu amyu masha ni a yubak mara htingrai htingrat ya ai shani rai nga ai. Dai shani hta lusha hpa mung sha lu na myit dai n rai; nawku hpawng galaw nna dai Madu hpe lusha hkungga nawng ya na rai myit dai.
28 Dai shani gaw yubak mara htingrai htingrat ya ai shani rai nga ai majaw amu bungli galaw lu na myit dai n rai.
29 Dai shani hta lusha sha ai wa kadai hpe mung Karai Kasang a amyu masha hta na sumri dan kau ai hkrum lu na rai nga ai.
30 Dai shani e amu bungli lama ma galaw ai wa kadai hpe mung dai Madu shi nan si ari jaw na rai wu ai.
31 Dai gaw nanhte nga ai shara shagu hkan nanhte a amyu matu ni yawng hkan sa na tara rai nga ai.
32 Dai shata a jahku ya shana de kaw nna hpang shani shi ya shana de du hkra laksan bansa ai shani rai nga myit dai; dai laman e lusha sha mai na myit dai n rai.
(Bhk 29:12-40)
33-34 Ndai Sum Poi hpe shata sanit a nhtoi shi manga ya shani hta galaw hpang nna sanit ya matut galaw ai poi rai nga ai.
35 Shawng shani hta nawku hpawng galaw ai hte kadai mung tinang a shani shagu na magam bungli galaw lu na n rai.
36 Nanhte gaw dai nhtoi sanit ya tup lusha hkungga nawng jau na rai myit dai; matsat ya ngu na shani mung nawku hpawng galaw ai hte lusha hkungga nawng jau na rai myit dai. Dai gaw nawku hpawng galaw ai shani rai nna amu bungli hpa mung nanhte galaw lu na myit dai n rai.
37 (Ndai ni gaw nanhte nawku hpawng jawm hpawng nna dai Madu hpe shagrau sha-a ai hte shani shagu ladaw da ai aten ni hta hkan nna nawng jau ya ai lusha hkungga, wan nat hkungga, shadung hkungga, shagu hkungga hte sabyi hkungga re ai ni hpe galaw ai nawku htung hte seng ai poi ni rai nga ai.
38 Ndai poi ni hta jat nna Bansa Nhtoi ni hte dai Madu hpe jaw jau ai kumhpa, ga shaka ni hpe shatup ai hkungga hte jaw mayu hkungga ni mung naw lawm nga ai.)
39 Nanhte a yi hkauna ni hta na nsi naisi shu la ai shaloi shata sanit a nhtoi shi manga ya kaw nna sanit ya tup ndai poi galaw na rai myit dai. Shawng shani gaw laksan bansa la na shani rai nga myit dai.
40 Dai shani e, nanhte a hpun hta na kaja htum ai namsi nkau mi hpe mung, namhtan hpun lakung ni, alap kap ai hpun lakung ni hpe la nhtawm dai Madu nanhte a Karai Kasang hpe shagrau sha-a na nawku htung hte seng ai poi hpe galaw hpang na rai myit dai.
41 Dai poi hpe sanit ya tup galaw na rai myit dai. Dai rai nna ndai tara hpe nanhte a amyu matu mara ni prat mi hte prat mi hkan galaw shatup na rai myit dai.
42 Dai aten hta Israela amyu masha ni yawng sanit ya tup Sum ni hta rawng nga na rai ma ai;
43 shing rai shanhte hpe Egutu mung kaw nna woi wa ai shaloi Israela amyu masha ni hpe dai sum ni hta sha dai Madu nga shangun ai lam hpe nanhte a amyu matu mara ni chye lu na mara ai. Shi gaw dai Madu nanhte a Karai Kasang rai nga ai.
44 Dai re ai majaw ndai hku nna Mawshe gaw dai Madu hpe shagrau sha-a ai nawku htung hte seng ai hkan sa na tara ni, Israela amyu masha ni hpe jaw ya nga ai.