1 Dai Madu gaw Mawshe hpe 2 ning ngu Israela amyu masha ni hpe tsun na matu hkang da wu ai: ?Ngai gaw dai Madu nanhte a Karai Kasang rai nga nngai. 3 Nanhte kalang mi nga lai wa yu sai Egutu mung na masha ni hte ya ngai nanhte hpe woi tawn da nga ai Hkanan mung na masha ni a arawn alai htung lailen hkan lu na myit dai n rai. 4 Nye a tara ni hpe madat mara let ngai hkang da ai ga ni hpe hkan galaw lu na rai myit dai. Ngai gaw dai Madu nanhte a Karai Kasang rai nga nngai. 5 Ngai nanhte hpe jaw da ai hkan sa lam ni hte tara ni hta hkan nang lu na rai myit dai. Dai hpe hkan galaw ai a jaw e, nanhte asak hkrung nga lu na rai myit dai; ngai gaw dai Madu nan rai nga nngai.?Ref 18:5: Neh 9:29; Eze 18:9, 20:11-13; Luk 10:28; Rom 10:5; Gal 3:12.

6 Dai Madu gaw ndai hkan sa na lam ni jaw ya nga sai.Tinang hte n daw n hkrang ai ni hte jauwawng wawng lu na n rai. 7 Na nnu hte kanawn nna na nwa a sari hkum jahten ya et; na nnu majing a myi man jasum ya lu na n rai. 8 Tinang a kawa a madu jan hte kanawn nna nwa a sari hkum jahpoi ya et.Ref 18:8: Jaw 20:11; Trj 22:30; 27:20. 9 Na a kajan hte mung, nta langai ngai hta na nang hte rau n kaba wa ai mi rai rai, rau kaba wa ai mi rai rai, na a kajan daw ai hte kanawn lu na n rai. Ref 18:9: Jaw 20:17; Trj 27:22. 10 Na a kashu shayi sha hte kanawn lu na n rai; shing re ai gaw nang hpe sari jahpoi ya na ra ai. 11 Kanu kaga ga rai ti mung kawa pawng ai kajan hte hkum kanawn et, shi gaw na a kajan rai nga ai. 12-13 Kawa a kajan hte mung hkum kanawn et; shi gaw na nwa a kajan shing n rai nnu a kanau rai nga ai. 14 Na a kawa di a kajan hte kanawn lu na n rai. Shi gaw na a kanu tung rai nga ai. Ref 18:12-14: Jaw 20:19-20. 15 Na a kanam jan hte kanawn lu na n rai. Ref 18:15: Jaw 20:12. 16 Na a nrat hte mung kanawn lu na n rai.Ref 18:16: Jaw 20:21. 17 Nang kanawn yu sai numsha langai a shayi sha hpe mung, kashu shayi sha hte mung kanawn lu na n rai; shanhte gaw nang hte sai shan rum nga ma ai majaw dai gaw jauwawng wawng ai amu rai nga ai.Ref 18:17: Jaw 20:14; Trj 27:23. 18 Na a madu jan hkrung nga dingsa na a madu jan a kanau hpe na a madu jan zawn la lu na n rai.

19 Num hking lang ai num hte hkum kanawn, hpa majaw nga yang, shi gaw n san n seng nga ai.Ref 18:19: Jaw 20:18. 20 Nang hpe awu asin di shangun mai ai dai kaga masha wa a madu jan hte hkum kanawn et.Ref 18:20: Jaw 20:10. 21 Molek karai nawku ai hta na a kashu kasha ni kadai hpe mung ap ya lu na n rai; hpa majaw nga yang, dai gaw Madu Karai Kasang a mying ningsang hpe sari jahpoi ya na rai wu ai. Ref 18:21: Jaw 20:1-5. 22 Lasha kadai mung shada da kanawn lu na n rai; dai hpe Karai Kasang n dawng nga ai. Ref 18:22: Jaw 20:13. 23 Numsha mung, lasha mung dusat hte kanawn lu na n rai; dai gaw n san n seng ai hku nang hpe lam shayit shangun nga ai. Ref 18:23: Pru 22:19; Jaw 20:15-16; Trj 27:21.

24 Nanhte a shawng e dai Madu gawt kau nna nanhte shang shanu nga lu ai ndai mung hta shanu nga yu masai tara maigan masha ni gaw shing re ai lam ni a majaw matsat shabat di kau mu ai zawn nanhte a hkum ni hpe matsat shabat re ai arawn alai hte awu asin hkum di kau nga myit. 25 Shanhte a akyang lailen ni mung lamu ga hpe matsat shabat di kau shangun mu ai majaw dai Madu gaw dai lamu ga hpe ari jaw nhtawm dai mung e shanu nga ai masha ni hpe ningdang kau nga ai. 26-27 Shanhte yawng gaw dai zawn re ai matsat shabat amu galaw nna mungdan hpe n san n seng shangun nga ai; rai ti mung nanhte chyawm gaw dai ni zawn galaw lu na myit dai n rai. Nanhte hte rau nga nga ai Israela masha ni hte maigan masha ni gaw dai Madu a tara ni hte hkang da ai ga ni hpe hkan sa shadik shatup lu na rai myit dai. 28 Shaloi nanhte a shawng e shanu nga yu sai tara maigan masha ni matsat shabat lam hkan galaw kau ai zawn dai lamu ga gaw nanhte hpe awu asin di na ra ai. 29 Shing re ai matsat shabat lam hkan ai wa kadai hpe mung Karai Kasang a amyu masha hta na sumri dan kau ai hkrum lu na rai nga ai gaw nanhte chye nga myit dai.

30 Dai Madu gaw, ?Ngai jaw da made ai hkang da ai ga ni hpe madat mara nna nanhte a shawng e dai mung hta nga nga sai amyu masha ni a htung lailen ni hta hkum hkan nga myit. Ndai amu galaw let nanhte a hkum ni hpe matsat shabat hkum di kau nga myit. Ngai gaw dai Madu nanhte a Karai Kasang rai nga nngai,? ngu nna tsun wu ai.