16
Arun a shadang sha yan gaw dai Madu hpe n chyoi n pra ai wan nawng ya ai majaw sat kau hkrum ai hte si mat ma ai hpang, dai Madu gaw Mawshe hpe ning ngu tsun wu ai. Shi gaw, ?Htap htuk ai aten hta chyu sha nba grang shingdu hku dai Chyoi Pra Htum ai Shara kata de na nhpu Arun shang lu na lam tsun u; hpa majaw nga yang, dai Ga Shaka Sumpu ntsa na magap a ntsa e ngai dan pru na nngai. Dai lam hpe shi n madat ai rai yang, sat kau ai hkrum na rai wu ai.Ref 16:2: Heb 6:19. Shi gaw htingrai hkungga a matu usu langai, wan nat hkungga a matu sagu la langai la sa ngut ai hpang chyu sha dai Chyoi Pra Htum ai Shara de shi shang mai na rai wu ai,? ngu nna tsun wu ai. Ref 16:3: Heb 9:7.
Dai hpang dai Madu gaw hkan sa na ga matsun ni jaw ya wu ai. Arun gaw dai Chyoi Pra Htum ai Shara de garai n shang yang hka shin nna hkinjawng hpun palawng bu hpun let lachyit palawng galu, labu kadun, shingkyit hte bunghkaw ni sumraw bu hpun na rai wu ai.
Israela shawa hpung ting gaw htingrai hkungga a matu bainam la lahkawng, wan nat hkungga a matu sagu la langai, Arun hpe sa ap ya na rai ma ai. Shi gaw shi hte shi a dinghku masha ni a yubak mara ni hpe la kau ya na matu usu hpe shagu hkungga shatai nna nawng jau na rai wu ai. Dai hpang shi gaw dai Madu a hpung shingkang shanu nga ai Sum a shang wa chyinghka lam de bainam lahkawng la sa na rai wu ai. Arun gaw nlung lahkawng hpe, ?Dai Madu a matu,? bai langai mi hpe, ?Azazela a matu,? ngu nna masat shakap nhtawm hpaida da na rai wu ai. Arun gaw dai Madu a matu hpaida hte lata la ang ai bainam hpe htingrai hkungga shatai nna nawng ya na rai wu ai. 10 Azazela a matu lata san da ai bainam hpe dai Madu hpang de jahkrung nawng ya nhtawm amyu masha ni a yubak gun kau ya na matu Azazela nga ai nam mali de dat kau dat na rai wu ai.
11 Arun gaw shi hte shi a dinghku a matu htingrai hkungga shatai na usu nawng ya ai shaloi, 12 tawn hkungri na grung nga ai wan n-ga hpring hkra rawng ai wan ban la nhtawm mani ai lawban latup lahkawng lang let Chyoi Pra Htum ai Sum de la shang wa na rai wu ai. 13 Shi gaw dai Madu a man e wan ntsa hta lawban mara da na rai wu ai. Lawban nat ai wan hkut mung Ga Shaka Sumpu magap hpe mawng bun na rai nga ai majaw dai hpe shi n mu lu ai hte si na wu ai n rai. 14 Shi gaw usu sai loi mi la nhtawm magap a man e shi a layung hte lapri bun nhtawm Ga Shaka Sumpu a man e sanit lang lapri bun na rai wu ai.
15 Dai hpang amyu masha ni a matu htingrai hkungga shatai na bainam hpe mung shi sat nna, de a asai hpe Chyoi Pra Htum ai Shara de la sa nhtawm magap a ntsa e mung, Ga Shaka Sumpu a man e mung, usu sai hpe galaw ai zawn dai hpe lapri bun na rai wu ai.Ref 16:15: Heb 9:12. 16 Shi gaw ndai hku nna Israela amyu masha ni a n san n seng ai hte shanhte tawt lai ai yubak mara yawng kaw na mung Chyoi Pra Htum ai Shara hpe jasan jaseng ai amu hkan shatsup na rai wu ai. Shi gaw n san n seng ai dap ka-ang e nga ai shawa Sum a matu mung galaw lu na rai wu ai. 17 Dai Chyoi Pra Htum ai Shara de jasan jaseng ai amu galaw na matu Arun shang wa nna bai pru wa ai aten du hkra, langai mi mung Sum hta nga nga lu na n rai. Shi hte shi a dinghku masha ni a matu mung, shawa hpung ting a matu mung jasan jaseng ai amu galaw ngut jang, 18 wan nat hkungga a matu tawn hkungri de shi pru sa nhtawm dai hpe jasan jaseng na rai wu ai. Dai hpang shi gaw usu sai hte bainam sai loi mi la nhtawm tawn hkungri ntsa na jut shagu na nrung ni hta chya wu ai. 19 Shi gaw sai loi mi la nna tawn hkungri ntsa e shi a layung hte sanit lang lapri bun wu ai. Ndai hku nna Israela amyu masha ni a yubak mara ni hpe jasan jaseng nna shachyoi shapra ya wu ai.
20 Arun gaw Chyoi Pra Htum ai Shara hpe mung, dai Madu a hpung shingkang shanu nga ai Sum a kaga shara hpe mung, tawn hkungri hpe mung jasan jaseng ai amu hkan shatsup ngut jang, Azazela a matu lata san da ai bainam hkrung hpe dai Madu hpang de nawng ya wu ai. 21 Shi a lata lahkawng gaw dai bainam baw hta mara da nhtawm Israela amyu masha ni a n hkru n hkra ai yubak mara hte gumle gumlau ai lam yawng a matu hpyi nem tawngban ya nna bainam baw de dai ni hpe galai ap kau dat wu ai. Dai hpang lata san da hkrum ai wa gaw dai bainam hpe nam mali de gawt kau dat wu ai. 22 Dai bainam gaw shanhte a yubak mara ni yawng hpe katsi katsang re ai shara de gun mat wa na ra ai.
23 Arun gaw Sum kata de shang nna Chyoi Pra Htum ai Shara de garai n shang yang shi hpun ai hkinjawng hpun palawng ni hpe raw kau nhtawm dai shara hta tawn da na rai wu ai.Ref 16:23: Eze 44:19. 24 Shi gaw chyoi pra ai shara hta hka shin nhtawm shi a bu hpun palawng hpun na rai wu ai. Dai hpang shi pru sa nna shi hte amyu masha ni a tawt lai ai yubak mara ni hpe la kau ya na matu wan nat hkungga nawng ya wu ai. 25 Htingrai hkungga a matu yam nga sau man hpe tawn hkungri hta shi nat na rai wu ai. 26 Azazela nam mali de bainam gawt kau dat ai wa mung dap de garai n shang wa yang shi a hpun palawng hkrut kau nna hka shin na rai wu ai. 27 Yubak a majaw htingrai na matu Chyoi Pra Htum ai Shara de la shawn ai asai a htingrai hkungga usu hte bainam hkum hpe dap shinggan de la shapraw nna ahpyi, ahkyi re ai ni hpe wan nat kau na rai wu ai. Ref 16:27: Heb 13:11. 28 Dai ni hpe sa nat kau ai wa mung shi a hpun palawng ni hkrut kau nna dap de garai n shang wa yang hka shin na rai wu ai. Ref 16:28: Heb 13:11.
29 Ndai gaw prat mi hte prat mi hkan galaw na tara ni rai nga ai. Shata sanit a nhtoi shi ya shani e, Israela amyu masha ni hte shanhte kaw hkan nga ai maigan masha ni gaw amu bungli hpa mung n galaw ai sha lusha gam lu na rai ma ai.Ref 16:29-34: Jaw 23:26-32; Bhk 29:7-11. 30 Dai shani e shanhte a yubak mara yawng kaw na jasan jaseng ai amu galaw na rai ma ai; shaloi shanhte htung hte maren san seng wa na mara ai. 31 Dai shani gaw chyoi pra htum ai shani rai nna amu bungli hpa mung n galaw ai sha, lusha gam na rai ma ai. Ndai ni gaw prat mi hte prat mi hkan sa na tara ni rai nga ai. 32 Kawa a hkringhtawng dagraw na matu aya dang hkam la ai hte ap nawng da ai Hkinjawng Kaba wa mung jasan jaseng ai amu galaw na rai wu ai. Hkinjawng hpun palawng ni bu hpun nna, 33 Chyoi Pra Htum ai Shara hpe mung, dai Madu a hpung shingkang shanu nga ai Sum a kaga shara ni hpe mung, tawn hkungri hpe mung, hkinjawng ni hpe mung, shawa hpung masha ni yawng hpe mung jasan jaseng ai amu galaw na rai wu ai. 34 Ndai tara ni gaw prat mi hte prat mi galaw nga na lam rai nga ai. Israela amyu masha ni shanhte tawt lai ai yubak mara yawng hpe jasan jaseng na matu laning mi hta kalang galaw na rai ma ai.
Dai rai nna Mawshe b 16:34: Mawshe: Dai gaw Mawshe shing n rai Arun hpe tsun ai lachyum rawng nga ai. gaw dai Madu hkang da ai hte maren galaw wu ai.