11
(Trj 14:3-21)
Dai Madu gaw Israela amyu masha ni a matu hkan sa na tara ni Mawshe yan Arun hpe jaw wu ai. Ga ntsa na ashu ashan ni hta lahkru ga nna shat lai lai ai ni hpe nanhte sha mai nga myit dai; 4-6 rai ti mung gawla-uk, lunghkrung shahpan, hte prangtai ni hpe sha mai na myit dai n rai; dai ni gaw n san n seng nga ai rai nna shat lai lai ti mung lahkru ga ai n rai. Wa shan sha lu na myit dai n rai; dai gaw n san n seng nga ai ngu myit la na rai myit dai; dai gaw lahkru ga ti mung shat lai n lai nga ai. Dai dusat ashan ni hpe sha lu na myit dai n rai; dai ni a si mang hpe pyi hkra lu na n rai; dai ni gaw n san n seng nga ai.
Nanhte gaw singgung hte asep tu ai hpa baw nga hpe mung sha mai na rai myit dai; 10 rai ti mung hka kata na singgung n tu, asep n kap ai hpe chyawm gaw sha lu na myit dai n rai. 11 Dai zawn re ai hkrung kanu ni gaw n san n seng nga ai ngu nna myit la lu na rai myit dai. Dai ni hpe sha lu na n rai; dai si mang ni hpe pyi sa hkra lu na myit dai n rai. 12 Hka hta rawng nna singgung hte asep n kap ai baw hpa hpe rai tim sha lu na myit dai n rai.
13-19 Nanhte gaw ndai u ni hpe sha lu na myit dai n rai; dai ni gaw galang, u hku, galang langji, galang mut, mai bra galang amyu myu, langda, u hka, u gawla-uk, panglai hkrudu, mali tau u, du du di di, wun pu u, hka u hka, mu u ni hte patsip ni rai nga ai. 20 Singkaw tu nna gumlawt hkawm ai hta kaga singkaw tu ai 21 shingtai ni yawng n san n seng rai nga ai. 22 Nanhte gaw dinggam-yaw, kadawn, kagrit kadawn ni hpe sha mai nga myit dai. 23 Rai ti mung, singkaw tu nna gumrawt hkawm ai arai kaji ni yawng gaw n san n seng nga ai.
24-28 Dusat si mang hkra ai wa kadai mung shana de du hkra n san n seng nga ai. Dai ni gaw lahkru rawng ai dusat yam nga ni yawng hta lahkru n ga ai, shat lai n lai ai hte lagaw mali hta lahpan tu ai yam nga ni yawng rai nga ai. Si mang hpai kau ai wa kadai mung shi a hpun palawng ni hpe hkrut kau lu na rai nga ai; rai ti mung shi gaw shana de du hkra naw n san n seng nga ai. 29-30 Sharu, ayu, yu sharu, shingnyeng ni gaw n san n seng nga ai. 31 Dai ni hte shanhte a si mang ni hpe sa hkra ai wa kadai mung shana de du hkra n san n seng nga ai. 32 Dai si mang ni arai lama ma hta hkrat bang ai rai yang, dai arai mung n san n seng nga ai. Kaning re ai hpun hta mung, sumpan hta mung, shanhpyi hta mung, lachyit sumpan arai ni hte lang ai arung arai lama ma hta hkrat bang ai rai yang, arai dai n san n seng nga ai rai nna shana de du hkra hka hta tsing da na rai myit dai. 33 Ga di bu langai mi hta dai si mang hkrat bang ai rai yang, dai hta rawng ai arai shagu mung n san n seng nga ai; dai di bu hpe mung agrawp kau na rai myit dai. 34 Dai di bu na hka gaw sha nga ai lusha hta hkrat bun ai rai yang, dai gaw n san n seng nga ai hte dai zawn re ai di bu na lu mai ai hka mung n san n seng nga ai. 35 Arai lama ma hta si mang hkrat bang ai rai yang arai dai gaw wan dap hta rai ti mung, wan htung hta rai ti mung n san n seng mat sai rai nna agrawp kau na rai myit dai. 36 Rai ti mung hka hpawk, hka lawng ni gaw naw san seng nga ai; si mang hkra hkrup ai arai chyu sha n san n seng nga ai. 37 Gat hkai na nli hta hkrat bun ai rai yang, dai nli gaw naw san seng nga ai. 38 Rai ti mung hka hta tsing sai nli hta hkrat bun ai rai yang chyawm gaw nli dai n san n seng nga ai.
39 Sha mai ai dusat langai ngai si mat nna dai hpe sa hkra hkrup ai wa kadai mung shana de du hkra n san n seng nga ai. 40 Si mang dai sha ai wa kadai mung shi a hpun palawng ni hkrut lu na rai wu ai; rai ti mung shi gaw shana de du hkra naw n san n seng nga ai. Dai si mang hpe hpai kau ai wa kadai mung shi a hpun palawng hkrut kau na rai wu ai; rai ti mung shana de du hkra shi naw n san n seng na rai wu ai.
41 Ga ntsa e hkawm ai dusat kaji ngu na lagaw n tu ai sha 42 kan hte gumrawt hkawm ai baw rai ti mung, lagaw mali hte gumrawt hkawm ai baw rai ti mung, lagaw law law tu nna gumrawt hkawm ai baw rai ti mung nanhte sha lu na myit dai n rai. 43 Dai zawn re ai ni sha nna tinang hkum hpe n san n seng hkum di nga myit. 44 Ngai gaw dai Madu nanhte a Karai Kasang rai nga nngai hte chyoi pra nga nngai majaw nanhte mung tinang hkum hpe shachyoi shapra lu na rai myit dai.Ref 11:44: Jaw 19:2; 1Pe 1:16. 45 Ngai gaw nanhte hpe Egutu mung kaw na woi shapraw wa ai dai Madu rai nga nngai; nanhte a Karai Kasang ngai tai lu ni ai; ngai gaw chyoi pra nga nngai majaw nanhte mung chyoi pra lu na rai myit dai.
46 Dai hte gaw ashu ashan yam nga hte ntsa malen u ni, hka e rawng ai hkrung ai baw shagu hte ga ntsa e gumrawt hkawm ai baw shagu hte seng ai tara rai nga ai. 47 Nanhte gaw htung hte maren san seng ai, n san n seng ai dusat amyu ni hta na sha mai n mai hpe sadi sahka hte chye ginhka lu na rai myit dai.