17
(Mat 18:6-7, 21-22; Mrk 9:42)
1 Yesu gaw shi a sape ni hpe, ?Masha hpe yubak mara hta kataw bang shangun na lam ni gaw teng teng byin na ra ai; rai ti mung, dai lam shabyin shapraw dat ai wa gaw dingnye lu ai.
2 Dai wa gaw, ndai ma kaji ni hta na langai mi hpe yubak galaw shangun ai rai yang, shi a du hta htumrin lung kaba gyit noi nna, panglai hta jahkrat bang kau na gaw, shi a matu grau mai nga ai.
3 Dai majaw, nang galaw ai amu hpe sadi let yu nga u!
?Na a nhpu nnau wa yubak galaw shut hpyit yang, daru sharin u, myit malai bai lu yang gaw, shi a mara ni hpe dat ya u.Ref 17:3: Jaw 19:17; Pru 17:10; Mat 18:15,21; Yak 5:19.
4 Lani jan sha nang hpe sanit lang mara galaw nna shagu lang nang hpang de sa nhtawm, ?Ngai myit malai sai,? ngu tsun yang, nang shi hpe mara dat ya lu na rai ndai.?
5 Kasa ni gaw, Madu hpe, ?Anhte a kam sham ai myit kaba shangun ya mi,? ngu nna hpyi mu ai.
6 Madu gaw, ?Nanhte hta kam sham ai myit chyinghkrang tum langai daram rawng myit yang gaw, ndai labri hpun hpe, hpun e, aru hte nawng baw nna panglai e sa tu nga u law!,? ngu yang nanhte a ga madat na ra ai.
7 ?Nanhte hta langai mi gaw, hkauna galaw nga ai, shing n rai sagu rem nga ai shangun ma langai mi lu nna, dai shangun ma gaw hkauna pa de na du wa yang, dai wa hpe alawan wa dung nna shat sha ru, nga nna nanhte tsun ga myit ni?
8 Kaja wa dai hku tsun na myit dai n rai: dai shangun ma hpe mahtang, ?Ngai sha na shana shat hpajang u, ngai lu sha ngut hkra, nshang e lawngsap kyit nna, ngai hpe galaw jaw e, dai ngut jang she nang sha lu na ndai,? ngu na wu ai.
9 Madu tsun matsun galaw ai a majaw madu gaw shangun ma hpe ?chyeju kaba sai? ngu tsun ra na rai ni?
10 Dai hte maren, nanhte mung, galaw na matu tsun matsun yawng hkan shatup galaw ngut jang she, anhte gaw yu maya shangun ma ni sha rai nga ga ai; anhte gaw galaw ra ai lit hpe sha galaw shatup saga ai, ngu mu,? ngu nna tsun mu ai.
11 Ya Yesu gaw Yerusalem mare de sa wa nga yang, shi gaw Samari mung hte Galile mung yan a ga jarit hku ga sa wa ai.
12 Kahtawng langai mi de shang wa yang, manggang kap ai masha marai shi, Yesu hpe hkap tau la ma ai. Shanhte tsan tsan e tsap nna,
13 ?Madu Yesu e, anhte hpe matsan dum la mi law,? nga nna jahtau ma ai.
14 Yesu shanhte hpe mu jang, ?Hkinjawng ni nanhte hpe jep yu mu ga, sa wa mu,? ngu nna shanhte hpe tsun dat mu ai.
Shanhte lam e wa nga yang pyi san pra mat ma ai.Ref 17:14: Jaw 13:2; 14:2; Mat 8:4.
15 Shanhte hta na marai langai mi gaw, tinang hkum san pra mat sai hpe mu chye jang, bai nhtang sa nna, nsen kaba hte Karai Kasang hpe shagrau sha-a wu ai.
16 Yesu a lagaw nhpang e dingnyawm dagup let, shi a chyeju hpe shakawn ya wu ai, dai wa gaw Samari masha rai nga ai.
17 Yesu gaw, ?Marai shi san pra mat ma sai n rai ni? Kaga marai jahku gaw kanang rai wa ma sata?
18 Ndai tsasam masha hta kaga, Karai Kasang hpe shagrau sha-a na, bai nhtang sa ai langai mi pyi n nga sani?,? nga nna san ai.
19 Dai hpang, dai wa hpe, ?Rawt hkawm wa nu, na a kam sham ai gaw nang hpe kaja shangun nit dai,? ngu nna shi hpe tsun dat wu ai.
(Mat 24:23-28, 37-41)
20 Hparishe nkau mi gaw Yesu hpe, Karai Kasang a Mungdan galoi du na lam san ma ai. Shi gaw, ?Karai Kasang a Mungdan du ai gaw, myi hte yu nna mu lu ai hku du na n rai.
21 ?Yu mu, nang e nga ai! Shing n rai, wonang e nga ai!,? nga nna mung kadai tsun na n rai: hpa majaw nga yang, Karai Kasang a Mungdan gaw, nanhte a kata e rai nga ai,? ngu nna shanhte hpe htan mu ai.Ref 17:21: Rom 14:17.
22 Dai hpang shi a sape ni hpe shi tsun mu ai gaw, ?Masha Kasha a nhtoi ni hta na lani mi hpe nanhte mu hkrum ang mayu ai aten du na ra ai, rai ti mung nanhte dai hpe mu hkrum kadup lu na myit dai n rai.
23 Dai nhtoi a masha ni gaw, ?Yu mu, wonang nga nga ai!,? shing n rai, ?Yu mu, nang e nga nga ai!,? nga nna shanhte tsun ma timung, hkum pru hkum yu myit.
24 Lamu maga mi de na kalam ai myihprap gaw, lamu maga mi de du hkra htoi ala wa ai zawn, Masha Kasha mungkan ga de du sa ai shani rai na ra ai.
25 Rai ti mung, dai garai n byin yang, shawng nnan shi gaw nni nkri law law hte, ndai prat na masha ni e nyet ndang kau ai naw hkrum na rai nga ai.
26 Noa ban e byin ai zawn, Masha Kasha a nhtoi ni hta mung byin na ra ai.
27 Noa sanghpaw li de shang ai shani du hkra nan, masha ni gaw, lu let, sha let, num la num ya rai nga nga ma yang, sha-u ing wa nna shanhte yawng hpe yeng seng kau mu ai.
28 Lawt a ban e mung dai hte maren rai nga ai, masha ni gaw, lu let, sha let, dut let, gat hkai let, dum nta gap let nga nga ma ai.
29 Lawt, Sodom mare na pru wa ai nhtoi hta, lamu na wan hte kan marang htu nna, yawng hpe yeng seng kau mu ai.
30 Dai Masha Kasha dan pru ai nhtoi hta mung, dai hte maren rai na ra ai.
31 ?Dai nhtoi hta e, nta magaw e nga ai wa gaw, tinang a nta nhku e nga ai arai ni hpe la na matu hkum yu wa nu ga, dai hte maren, hkauna pa e nga ai wa mung, nta de hkum nhtang wa nu ga.Ref 17:31: Mat 24:17; Mrk 13:15.
32 Lawt a madu jan hpe dum nga mu.Ref 17:32: Nin 9:26.
33 Tinang a asak hkye la na tam ai wa kadai mung, asak sum na ra ai, rai ti mung tinang asak sum ai wa chyawm gaw, asak hpe hkye la lu na ra ai.Ref 17:33: Luk 9:24; Mat 10:39; Mrk 8:35; Yhn 12:25.
34 Nanhte hpe ngai tsun made ga, dai shana hta e yup ra langai hta sha yup nga ai masha lahkawng hta na langai mi gaw woi la ai hkrum nna, langai mi gaw hti nga mat na ra ai.
35 Numsha lahkawng rau sha htumrin rin nga ai kaw na, langai mi gaw woi la ai hkrum nna, langai mi gaw hti nga mat na ra ai.
36 Hkauna pa e nga ai masha lahkawng hta na, langai mi gaw woi la ai hkrum nna, langai wa gaw hti ngam mat na ra ai,?
37 Sape ni gaw, ?Madu e, kanang e ndai lam byin na rai ta?,? ngu nna shi hpe san mu ai.
Yesu gaw, ?Mang taw ai kaw langda ni mung hpawng nga na mara ai,? ngu nna shanhte hpe tsun mu ai.