13
1 Dai aten hta, dai yang e du nga ai masha nkau mi Yesu kaw sa nna, Pilat hkawhkam gaw, Galile masha nkau mi hpe, shanhte Karai Kasang kaw nawng jau na matu, hkungga dusat hpe sat nga yang, dai hkungga hte rau sat kayau kau sai lam, shi hpe tsun dan mu ai.
2 Shi gaw, ?Dai Galile masha ni shing rai sat hkrum ai majaw, kaga Galile amyu masha ni yawng hta yubak grau law ma ai ngu nna nanhte myit da mu ni?
3 Kaja wa dai hku n rai! Ngai nanhte hpe tsun made ga, Nanhte mung, yubak mara ni kaw na myit malai n lu myit yang gaw, nanhte yawng shanhte zawn si wa na marin dai.
4 Siloam ngu ai shara na langchyi daw hkrat nna gamyet si ai masha marai shi matsat gaw, Yerusalem mare masha ni yawng hta mara grau law ai ni rai ma ai, ngu nna nanhte myit da mu ni?
5 Kaja wa dai hku n rai! Ngai nanhte hpe tsun made ga, Nanhte mung, yubak mara ni kaw na myit malai n lu myit yang gaw, shanhte zawn, yawng si wa na marin dai,? ngu mu ai.
6 Dai hpang Yesu gaw, ndai ga shadawn shanhte hpe tsun mu ai gaw, ?Masha langai mi shi a sabyi sun hta hkai da ai maihpang hpun langai mi nga ai. Sun madu gaw shi hta na asi sa tam yang, n mu wu ai.
7 Dai rai nna, shi a sun sin lajang ai wa hpe, ?Yu u! masum ning tup dai maihpang hpun hta na asi ngai sa tam timung n mu we ai, dai hpe kran kau u! Hpa rai lamu ga sau lahpawt tu nga na rai ta?,? ngu wu ai.
8 Rai ti mung, sabyi sun lajang ai wa gaw, ?Madu e, dai ning sha gaw naw tu nga yu u ga, de a nhpang grup e ngai htu kapun nna namhpun naw bang ya na we ai.
9 Dai hpang, du na ra ai shaning asi si yang si na re ai; n si yang gaw, nang kran kau na rai nga ai,?? ngu nna madu hpe htan wu ai.
10 Bansa Nhtoi e Tara Jawng langai mi hta, Yesu sharin shaga nga ai.
11 Dai shara kaw, shi matsat ning tup nat kap nna machyi ai numsha langai mi nga ai. Shi gaw, marung htingkung mat nna shi a hkum hpe loi mi pyi n lu malan nu ai.
12 Yesu dai numsha hpe mu jang, shi hpang de shaga la nna, ?Numsha e, na a machyi ai hta na, nang lawt lu nit dai!? ngu wu ai.
13 Shi a ntsa e lata mara ya wu ai; shaloi jang shi amalang jan rai lu nna, Karai Kasang a chyeju hpe shakawn kungdawn nga ai.
14 Shing rai, Yesu Bansa Nhtoi e shamai ya ai majaw, tara jawng agyi wa masin pawt ai hte shawa masha ni hpe, ?Anhte amu galaw mai ai nhtoi kru ya nga ai; dai nhtoi ni hta sa nna shamai la mu; Bansa Nhtoi hta gaw hkum sa myit,? ngu nna tsun mu ai.Ref 13:14: Pru 20:9; Mat 12:10.
15 Shaloi, dai Madu gaw shi hpe, ?Sawt ai masha ni nanhte hta na kadai mung, Bansa Nhtoi e tinang a dumsu, lawze ni hpe ntsin shayaw na matu wulawng kaw na raw dat nna woi sa ga myit dai.
16 Ya ndai Abraham a amyu matu shayi sha hpe mung, shi matsat ning tup, Satan e gyit hkang da ai sumri hta na, Bansa Nhtoi e mai raw dat ai n rai ni?,? ngu nna htan wu ai.
17 Shi htan ai ga a majaw, shi hpe hpyen tai ai ni kaya mat shajang ma ai. Shawa masha ni yawng chyawm gaw, shi galaw ai mauhpa amu mahkra a majaw kabu gara shajang nga ma ai.
(Mat 13:31-32; Mrk 4:30-32)
18 Yesu gaw, ?Karai Kasang a Mungdan gaw hpa hte bung a ta? Ngai hpa hte shadawn na rai ta?
19 Dai gaw ndai hte bung nga ai. Masha langai mi gaw chyinghkrang tum langai mi hpe la nna shi a sun hta gat dat wu ai. Dai tum gaw tu kaba wa ai hte, hpun tai nna ntsa malen u ni dai lakung lakying ni hta u tsip tsip nga ma ai,? ngu wu ai.
(Mat 13:33)
20 Bai Yesu gaw, ?Karai Kasang a Mungdan hpe ngai hpa hte shadawn na rai ta?
21 Dai gaw, matsi loi mi hpe numsha e la nna muk shadung hpai masum hta bang nhtawm, mahkra hte hpe shawawm dat lu ai hte bung nga ai,? ngu wu ai.
(Mat 7:13-14, 21-23)
22 Bai Yesu gaw, mare kahtawng langai hte langai de shang nna, masha ni hpe sharin shaga let, Yerusalem de lai sa wa ai.
23 Dai shaloi, masha langai mi gaw, ?Madu e, hkye hkrang la hkrum ai masha ni loi mi sha rai na rai nga a ni?,? ngu nna san wu ai.
24 Yesu gaw, ?Gyip ai chyinghka hku shang lu na nanhte shakut shaja mu, hpa majaw nga yang, masha law law wa shang na matu kaja wa shakut na mara ai, rai ti mung, n shang lu na mara ai.
25 Nta madu wa rawt nna chyinghka la kau na ra ai; shaloi nanhte shinggan e tsap nga nna, chyinghka akawk let, ?Madu e, anhte hpe hpaw la mi,? nga nna hpyi myit yang, dai wa gaw, nanhte kanang na rai myit dai hpe ngai n chye nngai,? nga nna nanhte hpe htan na ra ai.
26 Shaloi, nanhte gaw, ?Anhte nang hte rau lu, rau sha saga ai; anhte a mare hkan mung, nang sharin shaga yu nit dai,? nga nna nanhte htan na marin dai.
27 Rai ti mung nta madu wa gaw, ?Nanhte kanang na rai myit dai hpe ngai n chye nngai, n hkru n shawp ai masha ni yawng hte e, ngai kaw na pru mat wa mu!,? nga nna tsun na ra ai. Ref 13:27: Shk 6:8; Mat 7:23; 25:41.
28 Nanhte gaw, Karai Kasang a mungdan e, Abraham Isak, Yaku hte myihtoi ni yawng nga nga ai hpe nanhte mu lu da nna, nanhte hkum nan gaw shinggan de shapraw kau ai hkrum myit dai shaloi, nanhte gade daram hkrap ngu hkrap ngoi ai hte wa wurin wudik rai na n rai nga myit hka!Ref 13:28: Mat 8:11-12; 13:42; 24:51.
29 Sinpraw, sinna, dingdung, dingda de na masha ni sa nna, Karai Kasang a Mungdan lusha poi hta dung nga lu na mara ai.
30 Shaloi, ya hpang hkrat nga ai ni, shawng na mara ai; ya shawng nga ai ni hpang hkrat na mara ai,? ngu nna shanhte hpe tsun mu ai.
(Mat 23:37-39)
31 Dai ahkying hta nan, Hparishe nkau mi Yesu kaw sa nna, ?Nang ndai kaw na pru mat wa nna kaga shara langai ngai de sa wa su, hpa majaw nga yang, Herod nang hpe sat na maw nga ai,? ngu nna shi hpe tsun mu ai.
32 Yesu gaw, ?Dai chyahkyawn hpe ning ngu wa tsun mu, ?Dai ni hte hpawt ni na nhtoi ni hta ngai nat ni hpe shaden kau nna, machyi makaw shamai ya na rai nga nngai; masum ya nhtoi du jang, nye a amu ngut na, rai nga ai.?
33 Rai ti mung, dai ni, hpawt ni hte hpawt ni din, ngai naw galaw sa wa ra nga nngai, myihtoi langai mi a matu, Yerusalem mare hta kaga kanang mung n mai si nga ai.
34 ?Yerusalem e, Yerusalem e, myihtoi ni hpe sat kau kau rai nna, nang hpang de Karai Kasang shangun dat ai kasa ni hpe mung nlung hte kabai sat kau ndai. U kanu gaw, uhkai ni hpe, shi a singkaw npu e jahpawng da ai zawn, na a amyu masha ni yawng hpe ngai gade lang jahpawng da mayu timung, nang n hkraw ndai. Ref 13:34: Mat 23:37.
35 Dai rai nna, nanhte a tara jawng hpe Karai Kasang e, katsi katsang di nna shakram kau ai nanhte hkrum na myit dai. Nanhte hpe ngai tsun made ga, nanhte nan, ?Madu a mying nsang hte du sa ai wa gaw a nga ai law!,? sha n nga nga gaw, nanhte ngai hpe n mu lu na manit dai,? ngu nna shanhte hpe tsun mu ai.Ref 13:35: Shk 118:26; Esa 1:7; Mil 3:12; Mat 21:9; Mrk 11:10; Yhn 12:13.