7
Elisha mahtang, ?Dai Madu tsun ai ga hpe madat mu! Hpawt de ndai aten hta nan Samari mare e hkaulan mam jet htum ai pawng shi hte muk-yaw mam pawng hkun hpe lap mi hte mari la lu na rai myit dai,? ngu nna htan wu ai.
Hkawhkam wa a kasa wa gaw Elisha hpe, ?Dai Madu shi nan nsi hpe kalang lata jahkrat jaw tim pyi, dai amu gaw byin lu na n rai nga ai!,? ngu nna tsun wu ai.
Elisha gaw, ?Dai lam byin wa na ra ai lam hpe nang mu na rai ndai; rai ti mung dai lusha hpe nang loi mi mung sha lu na ndai n rai,? ngu nna tsun htang wu ai.
Manggang gang ai masha marai mali hte gaw Samari mare chyinghka lam shinggan e nga nga ma ai rai nna shanhte shada da, ?Ataw, anhte si wa hkra nang e hpa majaw sa ala nga ra ang ga ta? Mare kata de shang ngu yang, dai yang e hku hku nna si mat na rai ga ai majaw, dai mung akyu n rawng; nang e nga nga ngu yang anhte si na sha bai rai; dai re ai gaw Suri dap de mahtang sa mat wa yu saga: sawng dik htum gaw anhte hpe sat kau lu na lam rai nga ai; rai ti mung anhte a asak hpe mahkoi mi jahkrung da ya lu na ma ai nhten!,? ngu nna tsun hkat ma ai. Dai rai nna nsin sin wa mahka, Suri dap de shanhte sa wa ma ai. Rai ti mung dai shara de shanhte shang wa yang, dai yang e kadai mung n nga nga masai. Dai Madu gaw luksuk kaba hta gumra ni, hpyen leng ni hte htim lung wa ai zawn nga ai nsen Suri masha ni hpe na shangun ai rai nna, Israela hkawhkam gaw shanhte hpe htim gasat na matu Hiti hte Egutu hkawhkam yan hte shanhte a hpyen luksuk ni hpe karum hpyi saw shaga nu ai, ngu nna myit nawn la mu ai. Dai rai nna Suri masha ni gaw dai shana de e, shanhte a asak lawt hkra nga, shanhte a sum ni, gumra lawze ni, dap dabang ni hpe dai hku tawn kau da nhtawm hprawng htaw mat wa ma ai.
Ya dai masha marai mali dap ndaw de du ma yang, shanhte gaw sum langai mi de shang mat wa nhtawm dai yang nga ai malu masha ni hpe lu sha la nna, shanhte mu tam ai aja, gumhpraw hte hpun palawng re ai ni hpe magra htawm la nna sa makoi da ma ai; dai hpang kaga sum de bai shang nna dai hte maren hkan galaw ma ai. Rai ti mung shanhte shada da mahtang, ?Ndai zawn re ai amu anhte n galaw ang na ga ai! Anhte shiga kaja lu ga ai, ti mung dai hpe anhte nan n shim da ang na ga ai. Jahpawt du hkra anhte naw ala nga ai rai yang, teng teng ari jaw ai hkrum na ga ai. Dai rai nna hkawhkam wa a du salang ni hpe ya jang sa tsun dan saga!,? ngu nna tsun jahta hkat ma ai. 10 Dai rai nna shanhte gaw Suri dap kaw nna pru mat wa nhtawm Samari mare de nhtang wa nna chyinghka sin ai sin langa ni hpe wa shaga shapraw ma ai: ?Anhte gaw Suri masha ni a dap de sa saga ai; kadai hpe mung n mu, kadai shaga ai nsen mung n na rai ga ai; gumra ni hte lawze ni hpe sha dun da nga ma ai, sum ni mung dai raw Suri masha ni tawn kau da ma ai.?
11 Sin langa ni mung dai shiga hpe tsun shabra dat mu ai rai nna hkawhkam htingnu kata de shiga du mat wa nga ai. 12 Shing rai nsin naw sin nga yang pyi hkawhkam wa gaw shi a yup ra kaw nna rawt nhtawm shi a du salang ni hpe, ?Suri masha ni kaning rai maw mawn ai lam ngai nanhte hpe tsun dan na made ai! Nang e hku hku nga ai lam shanhte chye ma ai majaw shanhte a dap dabang hpe tawn kau da nhtawm bum ga nam mali hkan e sa makoi gyem nga ma ai. Anhte gaw lusha tam na matu mare de pru mat wa jang, anhte hpe jahkrung rim la nna mare hpe madu la ga, nga nna shanhte myit nawn nga ma ai,? ngu nna tsun dan wu ai.
13 Shi a du salang langai mi gaw, ?Ndai mare hta nga ai amyu masha ni gaw si mat wa sai ni zawn gara hku rai tim hten byak mat nga sai. Dai re ai majaw naw ngam nga ai gumra manga hte masha nkau mi hpe shangun dat yu ga; shaloi kaning rai byin sai lam hpe anhte sawk tam lu na ga ai,? ngu nna tsun wu ai. 14 Suri hpyen luksuk ni hta hpa byin sai lam hkrak sa sagawn yu na matu masha nkau mi hpe shanhte lata san da manu ai rai nna hkawhkam wa mung shanhte hpe gumra leng lahkawng hte rau matsun maroi ga hte yep rai, shangun dat wu ai. 15 Shanhte gaw Yawdan hka du hkra hkan nang nga ma ai rai nna Suri masha ni hprawng nna kabai kau da ai hpun palawng hte arung arai ni lam dingyang hkan taw nga ai hpe shanhte sa mu ma ai. Dai hpang hkawhkam wa hpang de shanhte nhtang wa nna shiga wa shana ma ai. 16 Samari masha ni gaw gat dumbri pru wa nhtawm Suri masha ni a dap hpe hpya kau ya mu ai. Dai Madu tsun nu ai hte maren, hkaulan mam kaja htum ai gaw pawng shi, muk-yaw mam pawng hkun hpe gumhpraw lap mi hte dut ma ai.
17 Ya ndai hku rai nga ai, Israela hkawhkam wa gaw mare chyinghka sin na matu shi hkum hpe makawp maga ya ai hkringmang rai nga ai up hkang du hpe san tawn da wu ai. Dai du wa hpe amyu masha ni e kabye anut kau mu ai rai nna hkawhkam wa gaw Elisha tau tsun da nu ai hte maren si taw nga sai. 18 Hpawt de ndai aten e, kaja htum ai hkaulan mam pawng shi hpe mung, muk-yaw mam pawng hkun hpe mung Samari mung e gumhpraw lap lap hte dut na mara ai lam hpe mung Elisha gaw hkawhkam wa hpe tsun yu nu ai. 19 Du wa chyawm gaw, ?Dai Madu shi nan kalang lata nsi jahkrat jaw lu tim pyi dai gaw dang byin lu na n rai!,? ngu nna htan wu ai. Elisha gaw, ?Dai amu byin wa na hpe nang mu lu na rin dai; rai ti mung shing re ai lusha kaw na nang sha lu na ndai n rai,? ngu nna tsun htang wu ai. 20 Dai gaw shi hta byin wa sai rai nna mare chyinghka e shi hpe amyu masha ni si hkra kabye anut mu ai hte shi si mat nu ai.